ဝက်စ်ဟမ်းအသင်းအနေနဲ့ ဒီနေ့မှာ ဂိုးသမား ဖာဘီယန်စကီး၊ ဒီယော့ပ်၊ ဒေါ်ဆန်၊ ဆိုဖာလ်၊ ခရက်စ်ဝဲလ်တို့နဲ့ ခံစစ်ကို စုဖွဲ့လာခဲ့ပြီး ကွင်းလယ်မှာတော့ ဒက်ကလန် ရိုက်စ်နဲ့ လန်ဇီနီ၊ ဗလာရှစ်ချ်တို့ တွဲကစားခဲ့ကြသလို တိုက်စစ်မှာတော့ အန်တိုနီယိုကို အထောင်ထားပြီး ဖော်နယ်လ်စ်နဲ့ ဘိုဝင်တို့က ဘယ်ညာရံပြီး ပွဲထွက်လာခဲ့ကြတာဖြစ်ပါတယ်။
နော့ဝစ်ချ်တို့ကတော့ ဂိုးသမား ကရူးလ်၊ ခံစစ်မှာ ဟန်လီ၊ ဂစ်ဘ်ဆန်၊ အာရွန်စ်နဲ့ ဘရန်ဒန် ဝီလီယမ်စ်တို့ ကစားခဲ့ကြပြီး ကွင်းလယ်မှာ လီးမေလူး၊ မက္ကလင်း၊ ရာရှီကာ၊ ပလာချက်တာတို့ကို ပွဲထုတ်ခဲ့သလို တိုက်စစ်မှာတော့ အီဒါးရဲ့ရှေ့ကနေ ပူကီက အထောင်နေရာမှာ ဦးဆောင်ခဲ့သလို အဝေးကွင်းမှာ တစ်မှတ်ခွဲယူနိုင်ဖို့ ပြင်ဆင်လာခဲ့ကြတာပါ။
ပွဲချိန် ၂ မိနစ်မှာကတည်းက ဝက်စ်ဟမ်းတောင်ပံသမား ဘိုဝင်က စတင်ခြိမ်းခြောက်ခဲ့မှုကို ကရူးလ် လက်စွမ်းပြ ဖမ်းယူသွားနိုင်ခဲ့ပြီး ပွဲချိန် ၁၂ မိနစ်မှာတော့ နော့ဝစ်ချ်ကွင်းလယ်လူ ရာရှီကာက တစ်ကိုယ်တော် လိမ်ခေါက်ပြီး ကန်သွင်းခဲ့ရာမှာ ဖာဘီယန်စကီး ကာကွယ်သွားနိုင်ခဲ့သလို အိမ်ရှင်တွေကတော့ အသာစီးနဲ့ ဖိကစားနေခဲ့ပေမယ့် အလေအလွင့်လည်း များနေခဲ့ပါတယ်။
ပွဲချိန် ၃၆ မိနစ်မှာတော့ ဝက်စ်ဟမ်းတို့ ညာထောင့်ကန်ဘောကို လန်ဇီနီနဲ့ အတိုအပေးအယူလုပ်ပြီး ရလာခဲ့တဲ့ ဘိုဝင်က ဖြတ်တင်ပေးခဲ့ရာမှာ ဘယ်သူနဲ့မှ မထိဘဲ ဂိုးထဲ ဝင်သွားခဲ့လို့ ဂိုးသမား ကရူးလ် အငိုက်မိခဲ့ရပေမယ့် ဒိုင်လူကြီး ဆိုင်မွန် ဟူးပါးကတော့ ဒီဂိုးမှာ ဗလာရှစ်ချ်က လူကျွံနေခဲ့တယ်လို့ မှားယွင်းစွာ သတ်မှတ်ခဲ့တာကြောင့် အိမ်ရှင်တွေ နစ်နာခဲ့ရပါတယ်။
ဒါပေမယ့် ပွဲချိန် ၄၂ မိနစ်မှာတော့ ဘိုဝင်ကပဲ စိတ်မကျေပွဲနွှဲခဲ့ပြီး ညာခြမ်းကနေ ဖြတ်တင်ပေးခဲ့တဲ့ နောက်ခံလူ ဆိုဖာလ်ရဲ့ ပေးပို့မှုကို နော့ဝစ်ချ် နောက်ခံလူ နှစ်ယောက်ကြားထဲကနေ ပြေးထွက်ပြီး ခေါင်းတိုက်သွင်းယူခဲ့ရာမှာ ဂိုးသမား ကရူးလ် မကာကွယ်နိုင်ခဲ့လို့ သူ့ရဲ့ ဒီရာသီ ၄ ဂိုးမြောက်နဲ့ ဝက်စ်ဟမ်းတို့ကို ဦးဆောင်စေနိုင်ခဲ့သလို ပထမပိုင်းကတော့ တစ်ဂိုး-ဂိုးမရှိနဲ့ပဲ ပြီးဆုံးခဲ့တာပါ။
ဒုတိယပိုင်းမှာတော့ အန်တိုနီယိုက အနီးကပ် အခွင့်အရေးကို တိုင်ဘေးက ကန်ပစ်ခဲ့သလို ဘိုဝင်ရဲ့ ဂိုးသမားကို ကျော်ချတဲ့ ကန်ချက်ကတော့ ဘားထိထွက်ခဲ့ပြီး သူ့ရဲ့ နောက်တစ်ကြိမ် ညာခြမ်းက ထိုးဖောက်ပြီး ကန်သွင်းမှုကလည်း တိုင်ထိပြီးပဲ ထွက်ခဲ့တာကြောင့် ဝက်စ်ဟမ်းတို့ အာဖရိက ဖလားကလို ဝမ်းဇီးပဲ ကစားတော့မှာလားလို့တောင် ထင်ခဲ့ကြရတာဖြစ်ပါတယ်။
ပွဲချိန် ၈၃ မိနစ်မှာတော့ ဝက်စ်ဟမ်းတို့ ဒုတိယ အနိုင်ဂိုးကို သွင်းယူနိုင်ခဲ့ပြီး ဘယ်ခြမ်းကနေ မာဆူအာကူး ချိုးပေးတာကို ဘိုဝင်က အနီးကပ် ပိတ်သွင်းယူနိုင်ခဲ့ပေမယ့် လူကျွံဘော သတ်မှတ်ခံခဲ့ရရာမှာ VAR ပြန်ကြည့်ခဲ့တာမှာတော့ နော့ဝစ်ချ်နောက်ခံလူ အာရွန်စ်ရဲ့ ခြေနဲ့ ဘိုဝင်တို့ တစ်တန်းတည်း ရှိနေခဲ့လို့ ဂိုးအဖြစ် ပြောင်းလဲသတ်မှတ်ပေးခဲ့ရတာပါ။
လက်ကျန်ပွဲချိန်တွေမှာတော့ ရာသီအစက ဘာဆိုလားဖြစ်ခဲ့ဖူးတဲ့ အန်တိုနီယိုက အပိုင်အခွင့်အရေးကို အသုံးမချနိုင်ခဲ့တာကြောင့် ဂိုးထပ်မရဘဲ နော့ဝစ်ချ်တို့ကို နှစ်ဂိုး-ဂိုးမရှိနဲ့ အနိုင်ယူ အောင်ပွဲခံနိုင်ခဲ့ကြသလို အိမ်ကွင်း လန်ဒန်စတေဒီယမ်မှာ ဝက်စ်ဟမ်းတို့ အဖိုးတန် သုံးမှတ်ကို စုဆောင်းနိုင်ခဲ့ကြပါတယ်။
ဒီပွဲရလဒ်ကြောင့် ဝက်စ်ဟမ်းတို့အနေနဲ့ ၂၁ ပွဲကစားအပြီးမှာ ရမှတ် ၃၇ မှတ်နဲ့ ရှေ့က အာဆင်နယ်တို့ထက် တစ်ပွဲပိုကစားပြီး ချန်ပီယံလိဂ်ဝင်ခွင့် အဆင့် ၄ ကို သိမ်းပိုက်နိုင်ခဲ့ချိန်မှာ နော့ဝစ်ချ်တို့ကတော့ ပွဲ ၂၀ ကစားအပြီးမှာ ရမှတ် ၁၀ မှတ်သာ ရသေးပြီး တန်းဆင်းဇုန်အောက်ဆုံး အဆင့် ၂၀ မှာ ဆက်လက်ရပ်တည်နေခဲ့ပါကြောင်း ဖော်ပြလိုက်ရပါတယ်။
REF: INTERNET SOURCES
PHOTOS CREDIT TO OWNERS
SPORTS A2Z.
ZAWGYI: ဝက္စ္ဟမ္းအသင္းအေနနဲ႔ ဒီေန႔မွာ ဂိုးသမား ဖာဘီယန္စကီး၊ ဒီေယာ့ပ္၊ ေဒၚဆန္၊ ဆိုဖာလ္၊ ခရက္စ္ဝဲလ္တို႔နဲ႔ ခံစစ္ကို စုဖြဲ႕လာခဲ့ၿပီး ကြင္းလယ္မွာေတာ့ ဒက္ကလန္ ႐ိုက္စ္နဲ႔ လန္ဇီနီ၊ ဗလာရွစ္ခ်္တို႔ တြဲကစားခဲ့ၾကသလို တိုက္စစ္မွာေတာ့ အန္တိုနီယိုကို အေထာင္ထားၿပီး ေဖာ္နယ္လ္စ္နဲ႔ ဘိုဝင္တို႔က ဘယ္ညာရံၿပီး ပြဲထြက္လာခဲ့ၾကတာျဖစ္ပါတယ္။
ေနာ့ဝစ္ခ်္တို႔ကေတာ့ ဂိုးသမား က႐ူးလ္၊ ခံစစ္မွာ ဟန္လီ၊ ဂစ္ဘ္ဆန္၊ အာ႐ြန္စ္နဲ႔ ဘရန္ဒန္ ဝီလီယမ္စ္တို႔ ကစားခဲ့ၾကၿပီး ကြင္းလယ္မွာ လီးေမလူး၊ မကၠလင္း၊ ရာရွီကာ၊ ပလာခ်က္တာတို႔ကို ပြဲထုတ္ခဲ့သလို တိုက္စစ္မွာေတာ့ အီဒါးရဲ႕ေရွ႕ကေန ပူကီက အေထာင္ေနရာမွာ ဦးေဆာင္ခဲ့သလို အေဝးကြင္းမွာ တစ္မွတ္ခြဲယူႏိုင္ဖို႔ ျပင္ဆင္လာခဲ့ၾကတာပါ။
ပြဲခ်ိန္ ၂ မိနစ္မွာကတည္းက ဝက္စ္ဟမ္းေတာင္ပံသမား ဘိုဝင္က စတင္ၿခိမ္းေျခာက္ခဲ့မႈကို က႐ူးလ္ လက္စြမ္းျပ ဖမ္းယူသြားႏိုင္ခဲ့ၿပီး ပြဲခ်ိန္ ၁၂ မိနစ္မွာေတာ့ ေနာ့ဝစ္ခ်္ကြင္းလယ္လူ ရာရွီကာက တစ္ကိုယ္ေတာ္ လိမ္ေခါက္ၿပီး ကန္သြင္းခဲ့ရာမွာ ဖာဘီယန္စကီး ကာကြယ္သြားႏိုင္ခဲ့သလို အိမ္ရွင္ေတြကေတာ့ အသာစီးနဲ႔ ဖိကစားေနခဲ့ေပမယ့္ အေလအလြင့္လည္း မ်ားေနခဲ့ပါတယ္။
ပြဲခ်ိန္ ၃၆ မိနစ္မွာေတာ့ ဝက္စ္ဟမ္းတို႔ ညာေထာင့္ကန္ေဘာကို လန္ဇီနီနဲ႔ အတိုအေပးအယူလုပ္ၿပီး ရလာခဲ့တဲ့ ဘိုဝင္က ျဖတ္တင္ေပးခဲ့ရာမွာ ဘယ္သူနဲ႔မွ မထိဘဲ ဂိုးထဲ ဝင္သြားခဲ့လို႔ ဂိုးသမား က႐ူးလ္ အငိုက္မိခဲ့ရေပမယ့္ ဒိုင္လူႀကီး ဆိုင္မြန္ ဟူးပါးကေတာ့ ဒီဂိုးမွာ ဗလာရွစ္ခ်္က လူကြၽံေနခဲ့တယ္လို႔ မွားယြင္းစြာ သတ္မွတ္ခဲ့တာေၾကာင့္ အိမ္ရွင္ေတြ နစ္နာခဲ့ရပါတယ္။
ဒါေပမယ့္ ပြဲခ်ိန္ ၄၂ မိနစ္မွာေတာ့ ဘိုဝင္ကပဲ စိတ္မေက်ပြဲႏႊဲခဲ့ၿပီး ညာျခမ္းကေန ျဖတ္တင္ေပးခဲ့တဲ့ ေနာက္ခံလူ ဆိုဖာလ္ရဲ႕ ေပးပို႔မႈကို ေနာ့ဝစ္ခ်္ ေနာက္ခံလူ ႏွစ္ေယာက္ၾကားထဲကေန ေျပးထြက္ၿပီး ေခါင္းတိုက္သြင္းယူခဲ့ရာမွာ ဂိုးသမား က႐ူးလ္ မကာကြယ္ႏိုင္ခဲ့လို႔ သူ႔ရဲ႕ ဒီရာသီ ၄ ဂိုးေျမာက္နဲ႔ ဝက္စ္ဟမ္းတို႔ကို ဦးေဆာင္ေစႏိုင္ခဲ့သလို ပထမပိုင္းကေတာ့ တစ္ဂိုး-ဂိုးမရွိနဲ႔ပဲ ၿပီးဆုံးခဲ့တာပါ။
ဒုတိယပိုင္းမွာေတာ့ အန္တိုနီယိုက အနီးကပ္ အခြင့္အေရးကို တိုင္ေဘးက ကန္ပစ္ခဲ့သလို ဘိုဝင္ရဲ႕ ဂိုးသမားကို ေက်ာ္ခ်တဲ့ ကန္ခ်က္ကေတာ့ ဘားထိထြက္ခဲ့ၿပီး သူ႔ရဲ႕ ေနာက္တစ္ႀကိမ္ ညာျခမ္းက ထိုးေဖာက္ၿပီး ကန္သြင္းမႈကလည္း တိုင္ထိၿပီးပဲ ထြက္ခဲ့တာေၾကာင့္ ဝက္စ္ဟမ္းတို႔ အာဖရိက ဖလားကလို ဝမ္းဇီးပဲ ကစားေတာ့မွာလားလို႔ေတာင္ ထင္ခဲ့ၾကရတာျဖစ္ပါတယ္။
ပြဲခ်ိန္ ၈၃ မိနစ္မွာေတာ့ ဝက္စ္ဟမ္းတို႔ ဒုတိယ အႏိုင္ဂိုးကို သြင္းယူႏိုင္ခဲ့ၿပီး ဘယ္ျခမ္းကေန မာဆူအာကူး ခ်ိဳးေပးတာကို ဘိုဝင္က အနီးကပ္ ပိတ္သြင္းယူႏိုင္ခဲ့ေပမယ့္ လူကြၽံေဘာ သတ္မွတ္ခံခဲ့ရရာမွာ VAR ျပန္ၾကည့္ခဲ့တာမွာေတာ့ ေနာ့ဝစ္ခ်္ေနာက္ခံလူ အာ႐ြန္စ္ရဲ႕ ေျခနဲ႔ ဘိုဝင္တို႔ တစ္တန္းတည္း ရွိေနခဲ့လို႔ ဂိုးအျဖစ္ ေျပာင္းလဲသတ္မွတ္ေပးခဲ့ရတာပါ။
လက္က်န္ပြဲခ်ိန္ေတြမွာေတာ့ ရာသီအစက ဘာဆိုလားျဖစ္ခဲ့ဖူးတဲ့ အန္တိုနီယိုက အပိုင္အခြင့္အေရးကို အသုံးမခ်ႏိုင္ခဲ့တာေၾကာင့္ ဂိုးထပ္မရဘဲ ေနာ့ဝစ္ခ်္တို႔ကို ႏွစ္ဂိုး-ဂိုးမရွိနဲ႔ အႏိုင္ယူ ေအာင္ပြဲခံႏိုင္ခဲ့ၾကသလို အိမ္ကြင္း လန္ဒန္စေတဒီယမ္မွာ ဝက္စ္ဟမ္းတို႔ အဖိုးတန္ သုံးမွတ္ကို စုေဆာင္းႏိုင္ခဲ့ၾကပါတယ္။
ဒီပြဲရလဒ္ေၾကာင့္ ဝက္စ္ဟမ္းတို႔အေနနဲ႔ ၂၁ ပြဲကစားအၿပီးမွာ ရမွတ္ ၃၇ မွတ္နဲ႔ ေရွ႕က အာဆင္နယ္တို႔ထက္ တစ္ပြဲပိုကစားၿပီး ခ်န္ပီယံလိဂ္ဝင္ခြင့္ အဆင့္ ၄ ကို သိမ္းပိုက္ႏိုင္ခဲ့ခ်ိန္မွာ ေနာ့ဝစ္ခ်္တို႔ကေတာ့ ပြဲ ၂၀ ကစားအၿပီးမွာ ရမွတ္ ၁၀ မွတ္သာ ရေသးၿပီး တန္းဆင္းဇုန္ေအာက္ဆုံး အဆင့္ ၂၀ မွာ ဆက္လက္ရပ္တည္ေနခဲ့ပါေၾကာင္း ေဖာ္ျပလိုက္ရပါတယ္။
REF: INTERNET SOURCES
PHOTOS CREDIT TO OWNERS
SPORTS A2Z.
