ဒီနေ့မှာတော့ လီဗာပူးလ်အသင်းအနေနဲ့ အသင်းအတွက် ဝမ်းသာစရာကောင်းတဲ့ အပေါင်းလက္ခဏာတွေနဲ့အတူ နိုင်ပွဲတစ်ပွဲကို ဖော်ဆောင်နိုင်ခဲ့ပြီး နော့ဝစ်ချ်စီးတီးအသင်းကို အဝေးကွင်းမှာ သုံးဂိုး-ဂိုးမရှိနဲ့ အနိုင်ရခဲ့တဲ့ ပွဲစဉ်မှာ သူမပါရင် မပြီးတဲ့ အီဂျစ်တိုက်စစ်မှူး ဆာလားရဲ့ ခြေစွမ်းပြမှုတွေနဲ့ ပရီးမီးယားလိဂ်အမှတ်ပေးဇယားရဲ့ တတိယနေရာကို တက်လှမ်းလာနိုင်ခဲ့ပါတယ်။
နောက်ခံလူ ဗန်ဒိုက်ရဲ့ ကြံ့ခိုင်မှုအပြည့်နဲ့ နောက်တန်းမှာ မားမားမတ်မတ်ရပ်ခဲ့တာနဲ့ မနှစ်က ညှောင်နာနာရုပ်နဲ့မို့ ဘယ်သူမှ အထင်မကြီးခဲ့တဲ့ ဘယ်နောက်ခံလူ ဆီမီကတ်စ်ရဲ့ အန်ဒီ ရောဘတ်ဆန် မပါနိုင်ချိန်မှာ လောက်လောက်လားလား ဖြည့်ဆည်းနိုင်ခဲ့တာတွေက အသင်းအတွက် ဝမ်းသာစရာ အချက်တွေပဲဖြစ်ပြီး ပုံမှန်ခြေ ပြန်ရနေတဲ့ ဆာလားကတော့ ကိတ်မုန့်ကြီးပေါ်က ချယ်ရီသီးလေးဖြစ်ခဲ့ပါတယ်။
ဘရာဇီးလ်ကစားသမားနှစ်ဦးဖြစ်တဲ့ ကွင်းလယ်လူ ဖာဘင်ညိုနဲ့ တိုက်စစ်မှူး ဖာမီနိုတို့ကို အနားပေးထားခဲ့တာကြောင့် ကွင်းလယ်ကို မီလ်နာ၊ ကီးတားနဲ့ ချိမ်ဘာလိန်တို့ သုံးယောက်တွဲနဲ့ စတင်ခဲ့ရပြီး ဘောလုံးဖြန့်ဝေမှုတွေမှာတော့ အသင်းခေါင်းဆောင် ဟန်ဒါဆန်လောက် မကောင်းခဲ့ပေမယ့် လက်ခံနိုင်တဲ့ ပုံစံကို ပြသနိုင်ခဲ့ကြတာပါ။
ပွဲချိန် ၁၁ မိနစ်မှာ ဆီမီကတ်စ်ရဲ့ ကော်နာကနေ ကီးတား ပြန်တင်ပေးတာကို ဂျိုတာရဲ့ ခေါင်းတိုက်ချက်က ဂိုးဘားပေါ်ကနေ ကျော်သွားခဲ့ပြီး နော့ဝစ်ချ်တို့ရဲ့ တိုက်စစ်ကနေ လီဗာပူးလ် လူကျွံထောင်ချောက်ကို ဖြတ်ထွက်သွားတဲ့ ပုကီရဲ့ ကန်ချက်ကိုတော့ အယ်လစ်ဆန်က ထောင့်ပိတ်ပြီး ကာကွယ်သွားနိုင်ခဲ့ပါတယ်။
ပွဲချိန် ၂၆ မိနစ်မှာတော့ ကားရိုးလမ်းရဲ့ ဂိုးပေါက်ကို လီဗာပူးလ်တို့ စတင်ဖွင့်လှစ်နိုင်ခဲ့ပြီး ညာခြမ်းကနေ အလက်ဇန်းဒါး-အာနိုးလ်ဒ်က ချိုးပေးတာကို ဆာလား ဖမ်းထိန်းရာကနေ ထွက်လာခဲ့တဲ့ ဘောလုံးကို ဒီယိုဂို ဂျိုတာက မနားတမ်း ကန်သွင်းပြီး ဂိုးသမား ကရူးလ်ကို အနိုင်ယူသွားခဲ့တာ ဖြစ်ပါတယ်။
ပထမပိုင်းမှာ ဒီတစ်ဂိုးတည်းနဲ့ပဲ လီဗာပူးလ်တို့ ကျေနပ်ခဲ့ရပြီး ဆီမီကတ်စ်ကတော့ ခံစစ်ပိုင်းမှာ ရောဘတ်ဆန်လောက် မထက်မြက်ပေမယ့် တိုက်စစ်နဲ့ တည်ကန်ဘောတွေမှာတော့ အားကိုးရတဲ့ ပုံစံကို ပြသနိုင်ခဲ့ပြီး ဘယ်ခြမ်းကနေ ထောက်ပံ့မှုတချို့ကိုလည်း ပြုလုပ်ပေးနိုင်ခဲ့ပါတယ်။
ဒုတိယပိုင်းမှာတော့ နော့ဝစ်ချ်တို့ တိုက်စစ်ဆင်မှုတွေကို ဗန်ဒိုက်နဲ့ မာတစ်တို့အတွဲက အကောင်းဆုံး ထိန်းချုပ်သွားနိုင်ခဲ့ပြီး ပွဲချိန် ၆၁ မိနစ်မှာတော့ ဒီပွဲရဲ့ အလှည့်အပြောင်းဖြစ်ခဲ့တဲ့ လူစားလဲမှုအဖြစ် ဖာဘင်ညိုနဲ့ ဖာမီနိုတို့ကို ချိမ်ဘာလိန်နဲ့ ဂျိုတာတို့အစား လီဗာပူးလ်နည်းပြ ကလော့ပ်က ထည့်သွင်းခဲ့ပါတယ်။
၄ မိနစ်အကြာမှာတော့ ဒီအပြောင်းအလဲက အလုပ်ဖြစ်ခဲ့ပြီး တန်ပြန်တိုက်စစ်ကနေ ဖာမီနို ဆွဲယူလာပြီး ဘယ်ခြမ်းကနေ အတွင်းမှာ ရှိနေတဲ့ မာနေးကို ချိုးပေးရာမှာ ဆီနီဂေါသားရဲ့ ကန်ချက် လူထိထွက်ခဲ့တာကို ဆာလားက ပြန်လည်ရယူပြီး ဂိုးရှေ့ ချိုးပေးခဲ့ရာမှာ လူစားဝင် ဘရာဇီးလ်တိုက်စစ်မှူးက အမှားအယွင်းမရှိ အဆုံးသတ်သွားနိုင်ခဲ့လို့ ပွဲချိန် ၆၅ မိနစ်မှာ နှစ်ဂိုး-ဂိုးမရှိဖြစ်နေခဲ့ပါတယ်။
ပွဲချိန် ၇၄ မိနစ်မှာတော့ ရှေ့က နှစ်ဂိုးစလုံးကို ဖန်တီးပေးထားနိုင်ခဲ့တဲ့ ဆာလားက သူ့ရဲ့ ဒီရာသီ ပရီးမီးယားလိဂ် အဖွင့်ဂိုးကို သွင်းယူနိုင်ခဲ့ပြီး ဆီမီကတ်စ်ရဲ့ ဘယ်ထောင့်ကန်ဘောကနေ ဂစ်ဘ်ဆန်ရဲ့ ခေါင်းတိုက်ရှင်းထုတ်မှုက ရှေ့တည့်တည့်ကျလာခဲ့တာကို အီဂျစ်သားက ဘယ်ခြေနဲ့ အပိုင်ကန်ပြီး အဆုံးသတ်နိုင်ခဲ့တာဖြစ်ပါတယ်။
ဒီနောက်ပိုင်းမှာတော့ နော့ဝစ်ချ်တို့ရဲ့ ထိုးဖောက်မှုတွေကို ဗန်ဒိုက်နဲ့ အယ်လစ်ဆန်တို့ ဦးဆောင်တဲ့ ခံစစ်က ကြံ့ကြံ့ခံ ကာကွယ်သွားနိုင်ခဲ့ပြီး ပွဲချိန်အပြည့်မှာတော့ ရှေ့က ချဲလ်ဆီးနဲ့ တူညီတဲ့ ရလဒ်ဖြစ်တဲ့ သုံးဂိုး-ဂိုးမရှိနဲ့ အောင်ပွဲခံနိုင်ခဲ့သလို ပရီးမီးယားလိဂ် အမှတ်ပေးဇယားမှာ တတိယနေရာအထိ တက်လှမ်းလာနိုင်ခဲ့ပါကြောင်း ရေးသားဖော်ပြလိုက်ရပါတယ်။
REF: INTERNET SOURCES
PHOTOS CREDIT TO OWNERS
SPORTS A2Z.
ZAWGYI: ဒီေန႔မွာေတာ့ လီဗာပူးလ္အသင္းအေနနဲ႔ အသင္းအတြက္ ဝမ္းသာစရာေကာင္းတဲ့ အေပါင္းလကၡဏာေတြနဲ႔အတူ ႏိုင္ပြဲတစ္ပြဲကို ေဖာ္ေဆာင္ႏိုင္ခဲ့ၿပီး ေနာ့ဝစ္ခ်္စီးတီးအသင္းကို အေဝးကြင္းမွာ သုံးဂိုး-ဂိုးမရွိနဲ႔ အႏိုင္ရခဲ့တဲ့ ပြဲစဥ္မွာ သူမပါရင္ မၿပီးတဲ့ အီဂ်စ္တိုက္စစ္မႉး ဆာလားရဲ႕ ေျခစြမ္းျပမႈေတြနဲ႔ ပရီးမီးယားလိဂ္အမွတ္ေပးဇယားရဲ႕ တတိယေနရာကို တက္လွမ္းလာႏိုင္ခဲ့ပါတယ္။
ေနာက္ခံလူ ဗန္ဒိုက္ရဲ႕ ႀကံ့ခိုင္မႈအျပည့္နဲ႔ ေနာက္တန္းမွာ မားမားမတ္မတ္ရပ္ခဲ့တာနဲ႔ မႏွစ္က ေညႇာင္နာနာ႐ုပ္နဲ႔မို႔ ဘယ္သူမွ အထင္မႀကီးခဲ့တဲ့ ဘယ္ေနာက္ခံလူ ဆီမီကတ္စ္ရဲ႕ အန္ဒီ ေရာဘတ္ဆန္ မပါႏိုင္ခ်ိန္မွာ ေလာက္ေလာက္လားလား ျဖည့္ဆည္းႏိုင္ခဲ့တာေတြက အသင္းအတြက္ ဝမ္းသာစရာ အခ်က္ေတြပဲျဖစ္ၿပီး ပုံမွန္ေျခ ျပန္ရေနတဲ့ ဆာလားကေတာ့ ကိတ္မုန႔္ႀကီးေပၚက ခ်ယ္ရီသီးေလးျဖစ္ခဲ့ပါတယ္။
ဘရာဇီးလ္ကစားသမားႏွစ္ဦးျဖစ္တဲ့ ကြင္းလယ္လူ ဖာဘင္ညိဳနဲ႔ တိုက္စစ္မႉး ဖာမီႏိုတို႔ကို အနားေပးထားခဲ့တာေၾကာင့္ ကြင္းလယ္ကို မီလ္နာ၊ ကီးတားနဲ႔ ခ်ိမ္ဘာလိန္တို႔ သုံးေယာက္တြဲနဲ႔ စတင္ခဲ့ရၿပီး ေဘာလုံးျဖန႔္ေဝမႈေတြမွာေတာ့ အသင္းေခါင္းေဆာင္ ဟန္ဒါဆန္ေလာက္ မေကာင္းခဲ့ေပမယ့္ လက္ခံႏိုင္တဲ့ ပုံစံကို ျပသႏိုင္ခဲ့ၾကတာပါ။
ပြဲခ်ိန္ ၁၁ မိနစ္မွာ ဆီမီကတ္စ္ရဲ႕ ေကာ္နာကေန ကီးတား ျပန္တင္ေပးတာကို ဂ်ိဳတာရဲ႕ ေခါင္းတိုက္ခ်က္က ဂိုးဘားေပၚကေန ေက်ာ္သြားခဲ့ၿပီး ေနာ့ဝစ္ခ်္တို႔ရဲ႕ တိုက္စစ္ကေန လီဗာပူးလ္ လူကြၽံေထာင္ေခ်ာက္ကို ျဖတ္ထြက္သြားတဲ့ ပုကီရဲ႕ ကန္ခ်က္ကိုေတာ့ အယ္လစ္ဆန္က ေထာင့္ပိတ္ၿပီး ကာကြယ္သြားႏိုင္ခဲ့ပါတယ္။
ပြဲခ်ိန္ ၂၆ မိနစ္မွာေတာ့ ကား႐ိုးလမ္းရဲ႕ ဂိုးေပါက္ကို လီဗာပူးလ္တို႔ စတင္ဖြင့္လွစ္ႏိုင္ခဲ့ၿပီး ညာျခမ္းကေန အလက္ဇန္းဒါး-အာႏိုးလ္ဒ္က ခ်ိဳးေပးတာကို ဆာလား ဖမ္းထိန္းရာကေန ထြက္လာခဲ့တဲ့ ေဘာလုံးကို ဒီယိုဂို ဂ်ိဳတာက မနားတမ္း ကန္သြင္းၿပီး ဂိုးသမား က႐ူးလ္ကို အႏိုင္ယူသြားခဲ့တာ ျဖစ္ပါတယ္။
ပထမပိုင္းမွာ ဒီတစ္ဂိုးတည္းနဲ႔ပဲ လီဗာပူးလ္တို႔ ေက်နပ္ခဲ့ရၿပီး ဆီမီကတ္စ္ကေတာ့ ခံစစ္ပိုင္းမွာ ေရာဘတ္ဆန္ေလာက္ မထက္ျမက္ေပမယ့္ တိုက္စစ္နဲ႔ တည္ကန္ေဘာေတြမွာေတာ့ အားကိုးရတဲ့ ပုံစံကို ျပသႏိုင္ခဲ့ၿပီး ဘယ္ျခမ္းကေန ေထာက္ပံ့မႈတခ်ိဳ႕ကိုလည္း ျပဳလုပ္ေပးႏိုင္ခဲ့ပါတယ္။
ဒုတိယပိုင္းမွာေတာ့ ေနာ့ဝစ္ခ်္တို႔ တိုက္စစ္ဆင္မႈေတြကို ဗန္ဒိုက္နဲ႔ မာတစ္တို႔အတြဲက အေကာင္းဆုံး ထိန္းခ်ဳပ္သြားႏိုင္ခဲ့ၿပီး ပြဲခ်ိန္ ၆၁ မိနစ္မွာေတာ့ ဒီပြဲရဲ႕ အလွည့္အေျပာင္းျဖစ္ခဲ့တဲ့ လူစားလဲမႈအျဖစ္ ဖာဘင္ညိဳနဲ႔ ဖာမီႏိုတို႔ကို ခ်ိမ္ဘာလိန္နဲ႔ ဂ်ိဳတာတို႔အစား လီဗာပူးလ္နည္းျပ ကေလာ့ပ္က ထည့္သြင္းခဲ့ပါတယ္။
၄ မိနစ္အၾကာမွာေတာ့ ဒီအေျပာင္းအလဲက အလုပ္ျဖစ္ခဲ့ၿပီး တန္ျပန္တိုက္စစ္ကေန ဖာမီႏို ဆြဲယူလာၿပီး ဘယ္ျခမ္းကေန အတြင္းမွာ ရွိေနတဲ့ မာေနးကို ခ်ိဳးေပးရာမွာ ဆီနီေဂါသားရဲ႕ ကန္ခ်က္ လူထိထြက္ခဲ့တာကို ဆာလားက ျပန္လည္ရယူၿပီး ဂိုးေရွ႕ ခ်ိဳးေပးခဲ့ရာမွာ လူစားဝင္ ဘရာဇီးလ္တိုက္စစ္မႉးက အမွားအယြင္းမရွိ အဆုံးသတ္သြားႏိုင္ခဲ့လို႔ ပြဲခ်ိန္ ၆၅ မိနစ္မွာ ႏွစ္ဂိုး-ဂိုးမရွိျဖစ္ေနခဲ့ပါတယ္။
ပြဲခ်ိန္ ၇၄ မိနစ္မွာေတာ့ ေရွ႕က ႏွစ္ဂိုးစလုံးကို ဖန္တီးေပးထားႏိုင္ခဲ့တဲ့ ဆာလားက သူ႔ရဲ႕ ဒီရာသီ ပရီးမီးယားလိဂ္ အဖြင့္ဂိုးကို သြင္းယူႏိုင္ခဲ့ၿပီး ဆီမီကတ္စ္ရဲ႕ ဘယ္ေထာင့္ကန္ေဘာကေန ဂစ္ဘ္ဆန္ရဲ႕ ေခါင္းတိုက္ရွင္းထုတ္မႈက ေရွ႕တည့္တည့္က်လာခဲ့တာကို အီဂ်စ္သားက ဘယ္ေျခနဲ႔ အပိုင္ကန္ၿပီး အဆုံးသတ္ႏိုင္ခဲ့တာျဖစ္ပါတယ္။
ဒီေနာက္ပိုင္းမွာေတာ့ ေနာ့ဝစ္ခ်္တို႔ရဲ႕ ထိုးေဖာက္မႈေတြကို ဗန္ဒိုက္နဲ႔ အယ္လစ္ဆန္တို႔ ဦးေဆာင္တဲ့ ခံစစ္က ႀကံ့ႀကံ့ခံ ကာကြယ္သြားႏိုင္ခဲ့ၿပီး ပြဲခ်ိန္အျပည့္မွာေတာ့ ေရွ႕က ခ်ဲလ္ဆီးနဲ႔ တူညီတဲ့ ရလဒ္ျဖစ္တဲ့ သုံးဂိုး-ဂိုးမရွိနဲ႔ ေအာင္ပြဲခံႏိုင္ခဲ့သလို ပရီးမီးယားလိဂ္ အမွတ္ေပးဇယားမွာ တတိယေနရာအထိ တက္လွမ္းလာႏိုင္ခဲ့ပါေၾကာင္း ေရးသားေဖာ္ျပလိုက္ရပါတယ္။
REF: INTERNET SOURCES
PHOTOS CREDIT TO OWNERS
SPORTS A2Z.
