ချဲလ်ဆီးအသင်းအနေနဲ့ ဒီနေ့ပွဲဟာ နည်းပြသစ် သောမတ်စ် တူဟယ်လ်ရဲ့ ပထမဆုံးပွဲဖြစ်တာကြောင့် ပရိသတ်တွေက သူ့အနေနဲ့ ပီအက်စ်ဂျီမှာလို ခံစစ် သုံးယောက်တန်းကို သုံးလာနိုင်တယ်လို့ ထင်ခဲ့ကြပေမယ့် လမ်းပတ်ကို ပြုတ်အောင်လုပ်ခဲ့တဲ့ အတွဲဖြစ်တဲ့ သီယာဂို ဆေးလ်ဗားနဲ့ ရူဒီဂါတို့ နှစ်ယောက်ကိုပဲ သုံးစွဲလာခဲ့ပါတယ်။
ပွဲစပြီး ၅ မိနစ်လောက်မှာပဲ ညာတောင်ပံက ဟဒ်ဆန်-အိုဒွိုင်း အနိမ့်ဘောချိုးပေးတာကို တိုက်စစ်မှူး ဂျီရူး နောက်ကျနေခဲ့လို့ အဖွင့်ဂိုးနဲ့ ဝေးပြီး နစ်နာခဲ့ရသလို ဒီနေရာမှာ ပိုမိုငယ်ရွယ်တဲ့ တိုက်စစ်မှူးတွေဖြစ်ကြတဲ့ အေဘရာဟမ်နဲ့ ဗာနာတို့ဆိုရင် ဂိုးရနိုင်လောက်တဲ့ အနေအထားမှာလည်း ရှိခဲ့တာပါ။
ချဲလ်ဆီးတို့အနေနဲ့ Attacking Midfielder နေရာမှာ ကစားတဲ့ ဇီးယက်ရှ်နဲ့ ဟတ်ဒ်ဆန်-အိုဒွိုင်းတို့ရဲ့ ညာခြမ်းက အဓိက အခြေပြု ထိုးဖောက်နေခဲ့ပြီး ဘယ်ခြမ်းက ဟာဗတ်ဇ်နဲ့ ဇီးယက်ရှ်တို့ကိုတော့ အဆုံးသတ်ပိုင်းကို ပိုမိုပံ့ပိုးပေးဖို့ လုပ်ဆောင်ခဲ့ပေမယ့်လည်း အောင်မြင်မှုတော့ မရရှိခဲ့သလို ဖရီးကစ်ကနေ ရူဒီဂါရဲ့ ခေါင်းတိုက်ချက်ကလည်း ဘားကျော်သွားခဲ့လို့ ပထမပိုင်းမှာ ဂိုးမရှိသရေနဲ့ပဲ ပြီးဆုံးခဲ့ပါတယ်။
ဒုတိယပိုင်းမှာလည်း လေးပင်နေတဲ့ ဂျီရူးကို စောစောစီးစီး မထုတ်ခဲ့တာ၊ အသင်းရဲ့ တိုက်စစ်နေရာယူပုံမှာ အဆုံးသတ်သူ Finisher က ချေးလ်ဝဲလ် ဖြစ်နေတာတွေက ဒီပွဲရဲ့ အဖြေကို မပြောင်းလဲနိုင်တဲ့ အချက်တွေဖြစ်စေပြီး ပူလီရှစ်ချ်၊ အေဘရာဟမ်နဲ့ မေဆန်မောင့်တို့ကို ထည့်သွင်းခဲေ့ပမယ့်လည်း ထူးခြားခဲ့ခြင်းတော့ မရှိတော့တာပါ။
တိုက်စစ်မှူးတွေရဲ့ နေရာယူပုံတွေ အားနည်းမှုနဲ့အတူ သိပ်ပြီး ရင်ခုန်စရာမဖြစ်ခဲ့တဲ့ ဒီပွဲက မိနစ် ၉၀ ပြည့်ချိန်မှာလည်း သာမန်ကာလျှံကာ သရေပွဲတစ်ပွဲပဲ ဖြစ်ခဲ့ပြီး လူမစုံတဲ့ နူနို ဆန်တိုအတွက်လည်း စတမ်းဖို့ဒ်ဘရစ်ချ်မှာ ချစ်ကြည်ရေးကိုပဲ အလိုရှိခဲ့တာဖြစ်လို့ ဂျာမန်နည်းပြသစ် တူဟယ်လ်အနေနဲ့တော့ ရမှတ် တစ်မှတ်နဲ့ အိမ်ကွင်းမှာ ကစားရတဲ့ ပထမဆုံးကိုင်တွယ်မှုက ပရိသတ်တွေအတွက်တော့ ထူးမခြားနားပဲ ဖြစ်ခဲ့ကြောင်း ဖော်ပြလိုက်ရပါတယ်။
REF: INTERNET SOURCES
PHOTOS CREDIT TO OWNERS
SPORTS A2Z.
ZAWGYI: ခ်ဲလ္ဆီးအသင္းအေနနဲ႔ ဒီေန႔ပြဲဟာ နည္းျပသစ္ ေသာမတ္စ္ တူဟယ္လ္ရဲ႕ ပထမဆုံးပြဲျဖစ္တာေၾကာင့္ ပရိသတ္ေတြက သူ႔အေနနဲ႔ ပီအက္စ္ဂ်ီမွာလို ခံစစ္ သုံးေယာက္တန္းကို သုံးလာႏိုင္တယ္လို႔ ထင္ခဲ့ၾကေပမယ့္ လမ္းပတ္ကို ျပဳတ္ေအာင္လုပ္ခဲ့တဲ့ အတြဲျဖစ္တဲ့ သီယာဂို ေဆးလ္ဗားနဲ႔ ႐ူဒီဂါတို႔ ႏွစ္ေယာက္ကိုပဲ သုံးစြဲလာခဲ့ပါတယ္။
ပြဲစၿပီး ၅ မိနစ္ေလာက္မွာပဲ ညာေတာင္ပံက ဟဒ္ဆန္-အိုဒြိဳင္း အနိမ့္ေဘာခ်ိဳးေပးတာကို တိုက္စစ္မႉး ဂ်ီ႐ူး ေနာက္က်ေနခဲ့လို႔ အဖြင့္ဂိုးနဲ႔ ေဝးၿပီး နစ္နာခဲ့ရသလို ဒီေနရာမွာ ပိုမိုငယ္႐ြယ္တဲ့ တိုက္စစ္မႉးေတြျဖစ္ၾကတဲ့ ေအဘရာဟမ္နဲ႔ ဗာနာတို႔ဆိုရင္ ဂိုးရႏိုင္ေလာက္တဲ့ အေနအထားမွာလည္း ရွိခဲ့တာပါ။
ခ်ဲလ္ဆီးတို႔အေနနဲ႔ Attacking Midfielder ေနရာမွာ ကစားတဲ့ ဇီးယက္ရွ္နဲ႔ ဟတ္ဒ္ဆန္-အိုဒြိဳင္းတို႔ရဲ႕ ညာျခမ္းက အဓိက အေျချပဳ ထိုးေဖာက္ေနခဲ့ၿပီး ဘယ္ျခမ္းက ဟာဗတ္ဇ္နဲ႔ ဇီးယက္ရွ္တို႔ကိုေတာ့ အဆုံးသတ္ပိုင္းကို ပိုမိုပံ့ပိုးေပးဖို႔ လုပ္ေဆာင္ခဲ့ေပမယ့္လည္း ေအာင္ျမင္မႈေတာ့ မရရွိခဲ့သလို ဖရီးကစ္ကေန ႐ူဒီဂါရဲ႕ ေခါင္းတိုက္ခ်က္ကလည္း ဘားေက်ာ္သြားခဲ့လို႔ ပထမပိုင္းမွာ ဂိုးမရွိသေရနဲ႔ပဲ ၿပီးဆုံးခဲ့ပါတယ္။
ဒုတိယပိုင္းမွာလည္း ေလးပင္ေနတဲ့ ဂ်ီ႐ူးကို ေစာေစာစီးစီး မထုတ္ခဲ့တာ၊ အသင္းရဲ႕ တိုက္စစ္ေနရာယူပုံမွာ အဆုံးသတ္သူ Finisher က ေခ်းလ္ဝဲလ္ ျဖစ္ေနတာေတြက ဒီပြဲရဲ႕ အေျဖကို မေျပာင္းလဲႏိုင္တဲ့ အခ်က္ေတြျဖစ္ေစၿပီး ပူလီရွစ္ခ်္၊ ေအဘရာဟမ္နဲ႔ ေမဆန္ေမာင့္တို႔ကို ထည့္သြင္းခဲေ့ပမယ့္လည္း ထူးျခားခဲ့ျခင္းေတာ့ မရွိေတာ့တာပါ။
တိုက္စစ္မႉးေတြရဲ႕ ေနရာယူပုံေတြ အားနည္းမႈနဲ႔အတူ သိပ္ၿပီး ရင္ခုန္စရာမျဖစ္ခဲ့တဲ့ ဒီပြဲက မိနစ္ ၉၀ ျပည့္ခ်ိန္မွာလည္း သာမန္ကာလွ်ံကာ သေရပြဲတစ္ပြဲပဲ ျဖစ္ခဲ့ၿပီး လူမစုံတဲ့ ႏူႏို ဆန္တိုအတြက္လည္း စတမ္းဖို႔ဒ္ဘရစ္ခ်္မွာ ခ်စ္ၾကည္ေရးကိုပဲ အလိုရွိခဲ့တာျဖစ္လို႔ ဂ်ာမန္နည္းျပသစ္ တူဟယ္လ္အေနနဲ႔ေတာ့ ရမွတ္ တစ္မွတ္နဲ႔ အိမ္ကြင္းမွာ ကစားရတဲ့ ပထမဆုံးကိုင္တြယ္မႈက ပရိသတ္ေတြအတြက္ေတာ့ ထူးမျခားနားပဲ ျဖစ္ခဲ့ေၾကာင္း ေဖာ္ျပလိုက္ရပါတယ္။
REF: INTERNET SOURCES
PHOTOS CREDIT TO OWNERS
SPORTS A2Z.
