ဝက်စ်ဟမ်းအသင်းအနေနဲ့ ဒီနေ့မှာ သူတို့ရဲ့ အကောင်းဆုံး လူစာရင်းကိုပဲ ထုတ်သုံးလာခဲ့ပြီး ဂိုးသမား ဖာဘီယန်စကီး၊ ခံစစ်မှာ ခရက်စ်ဝဲလ်၊ ဆိုဖာလ်၊ ဒေါ်ဆန်၊ ဒီယော့ပ်တို့နဲ့ အထိုင်ချခဲ့သလို ကွင်းလယ်မှာတော့ ဆိုးချက်ခ် မပါဝင်နိုင်ချိန်မှာ ရိုက်စ်တစ်ဦးကိုပဲ အထိုင်ကစားသမားစစ်စစ်အဖြစ် အသုံးပြုခဲ့ရပြီး လန်ဇီနီ၊ ဖော်နယ်လ်တို့နဲ့ တွဲပေးခဲ့ချိန်မှာ အန်တိုနီယိုကို ရှေ့မှာတင်ပြီး ဗလာရှစ်ချ်နဲ့ ဘိုဝင်တို့က တောင်ပံတွေမှာ ကစားခဲ့ကြပါတယ်။
လိဒ်စ်တို့ကတော့ သူတို့ရဲ့ ဆိုးရွားတဲ့ ပုံစံတွေကို ပြန်လည်တည့်မတ်နိုင်ဖို့ ကြိုးစားနေခဲ့ပြီး တိုက်စစ်မှူးတွေနဲ့ အဓိက ကွင်းလယ်လူ ဖိလစ်တို့ မပါဝင်နိုင်သေးပေမယ့် နေရာတော်တော်များများ ကစားနိုင်တဲ့ ကစားသမားတွေကြောင့် ၃-၄-၃ ပုံစံနဲ့ ဘောလုံးပိုင်ဆိုင်ဖို့ ကြိုးစားလာသလို ရာဖင်ညာ၊ ဒန်ဂျိမ်းစ်၊ ဟာရစ်ဆန်၊ ကလစ်ချ်၊ ဒါးလက်စ်တို့လို အမာခံတွေနဲ့ ပွဲထွက်လာခဲ့တာပါ။
ဝက်စ်ဟမ်းတို့ ဘောလုံးရပြီဆိုတာနဲ့ အမြန်ကစားမခံဘဲ Tempo ချချပစ်တဲ့ လိဒ်စ်တို့ကြောင့် အသင်းကြီးတွေကို အမြန်နှုန်းနဲ့ ထိုးနှက်နေကျ ဟမ်းမားတို့ အသင်းလတ်အချင်းချင်းနဲ့မှာ ကစားရခက်ခဲ့သလို ခံစစ်ကစားတာလည်း မဟုတ်ဘဲ ဘောလုံးပိုင်ဆိုင်မှုကို ဦးတည်သွားခဲ့တဲ့ ဘီယယ်လ်ဆာရဲ့ ဗျူဟာကို ဒေးဗစ်မွိုက်စ် ကျော်လွန်ဖို့ ခက်ခဲနေခဲ့ပြီး လိဒ်စ်ဘယ်တောင်ပံက ဟာရစ်ဆန်ကတော့ တော်တော်လေး ခြေစွမ်းပြနေခဲ့ပါတယ်။
ပွဲချိန် ၁၀ မိနစ်မှာတော့ ဧည့်သည် လိဒ်စ်တဲ့ မထင်မှတ်ဘဲ အဖွင့်ဂိုး ရှာဖွေသွားနိုင်ခဲ့ကြပြီး ရာဖင်ညာက ညာခြမ်းကနေ ဆွဲပြေးလာပြီးမှ နောက်ပြန်ချိုးပေးတာကနေ ကွင်းလယ်လူ ကလစ်ချ်ရဲ့ ကန်သွင်းမှုကို ဖာဘီယန်စကီး ပုတ်ထုတ်နိုင်ခဲ့ပေမယ့် ဘယ်ခြမ်းကနေ လိုက်ပါလာတဲ့ ဖော်ရှောက ပြန်ချပေးတာကို ဟာရစ်ဆန်က မနားတမ်း ကန်သွင်းခဲ့ရာမှာ ဝက်စ်ဟမ်းခံစစ်က မကာကွယ်နိုင်ခဲ့တာကြောင့် ဂိုးပေးခဲ့ကြရတာပါ။
လိဒ်စ်တို့ရဲ့ ရှေ့တန်းသုံးယောက်ဖြစ်တဲ့ ဟာရစ်ဆန်၊ ရာဖင်ညာနဲ့ ဒန်ဂျိမ်းစ်ရဲ့ အတိုးအလှုပ်တွေနဲ့ ခံစစ်တန်းကြားမှာ ပြေးလွှားဒုက္ခပေးခဲ့တာက ဝက်စ်ဟမ်းရဲ့ ခံစစ်သမားတွေ တိုက်စစ်ကို လိုက်ပါပံ့ပိုးဖို့ မရဲအောင်ဖြစ်စေခဲ့ပြီး ကွင်းလယ်မှာ အသင်းခေါင်းဆောင် ရိုက်စ်ကို ကူကစားပေးမယ့် ဆိုးချက်ခ် မပါဝင်နိုင်ခဲ့တာကလည်း သူတို့ကို အနုတ်လက္ခဏာ ကြီးကြီးမားမား ပြစေခဲ့ပါတယ်။
ပွဲချိန် ၂၂ မိနစ်နဲ့ ၂၃ မိနစ်တွေမှာ ပေါင်နောက်ကြောဒဏ်ရာ အသီးသီးရရှိသွားခဲ့တဲ့ ကွင်းလယ်လူ ဖော်ရှောနဲ့ နောက်ခံလူ ဖာပိုတို့ကို လိဒ်စ်တို့ လူစားလဲခဲ့ရပြီး သူတို့နေရာတွေမှာ ၁၉ နှစ်သား ကွင်းလယ်လူ ဘိတ်စ်နဲ့ ၁၈ နှစ်သား နောက်ခံလူ ယယ်လ်ဒါတို့ကို မဖြစ်မနေ ထည့်သွင်းခဲ့ရသလို ပွဲချိန် ၂၄ မိနစ်မှာတော့ ခြေကျိုးသွားနိုင်တဲ့ ပုံစံမျိုး ဖျက်ထုတ်တဲ့ အန်တိုနီယိုကို ဒိုင်လူကြီး မိုက်ဒင်းန်က အဝါသာပြပြီး သက်ညှာသွားခဲ့တာပါ။
ပွဲချိန် ၃၃ မိနစ်မှာတော့ ဝက်စ်ဟမ်းတို့ ချေပဂိုး ပြန်လည်ရှာဖွေနိုင်ခဲ့ပြီး ဘယ်ခြမ်းမှာ ရရှိခဲ့တဲ့ ထောင့်ကန်ဘောကို နောက်ခံလူ ခရက်စ်ဝဲလ်က ကန်တင်ပေးခဲ့ရာမှာ လူကြားထဲက ကျလာတဲ့ ဘောလုံးကို ဘိုဝင်က ခုန်စရာတောင် မလိုလိုက်ဘဲ အပိုင်းခေါင်းတိုက်ခွင့်နဲ့ အဆုံးသတ်နိုင်ခဲ့လို့ သူ့ရဲ့ ဒီရာသီ ၆ ဂိုးမြောက်နဲ့ သရေကျနေခဲ့ပါတယ်။
ပွဲချိန် ၃၇ မိနစ်မှာတော့ ဧည့်သည်တွေ ထပ်မံဦးဆောင်သွားနိုင်ခဲ့ပြန်ပြီး ဒီဂိုးကိုတော့ ထောင့်ကန်ဘောကနေ ရာဖင်ညာ ကန်တင်ပေးတာကို နောက်ခံလူ အေးလင်းရဲ့ ခေါင်းတိုက်ချက်က ဂိုးရဲ့ ညာဘက်ကို စောင်းသွားခဲ့ပေမယ့် အလိုက်သင့် ပြေးဝင်လာခဲ့တဲ့ ပထမဂိုးရှင် ဟာရစ်ဆန်ကပဲ ဗိုက်နဲ့ တိုက်သွင်းပြီး သူ့ရဲ့ ဒုတိယဂိုးနဲ့ လိဒ်စ်ကို ရှေ့ပြန်ပို့နိုင်ခဲ့တာပါ။
ဝက်စ်ဟမ်းတို့ရဲ့ တိုက်စစ်ပိုင်းကတော့ တော်တော်လေး အချိတ်အဆက် လွဲချော်နေခဲ့ပြီး ရိုက်စ်ရဲ့ ဂိုးသမားနဲ့ တစ်ဦးချင်း ဖောက်ထွက်မှုက အလဟဿဖြစ်ခဲ့ရသလို ဖော်နယ်လ်စ်၊ ဘိုဝင်တို့ကလည်း အခွင့်အရေးတွေကို အသုံးမချနိုင်ခဲ့တာကြောင့် ပထမပိုင်းမှာ လိဒ်စ်တို့ကပဲ နှစ်ဂိုး-တစ်ဂိုးနဲ့ ဦးဆောင်သွားနိုင်ခဲ့ပါတယ်။
ဒုတိယပိုင်းမှာလည်း ဝက်စ်ဟမ်းတို့ ချေပဂိုး ပြန်ရဖို့ ကြိုးစားနေခဲ့ပေမယ့် ခြေစွမ်းပြနေတဲ့ စထရိုက်ခ် ဦးဆောင်တဲ့ လိဒ်စ်နောက်တန်းကို ကျော်ဖို့ ခဲယဉ်းနေခဲ့သလို ကွင်းလယ်က ရိုက်စ်ကတော့ အသင်းခေါင်းဆောင် အင်္ဂလန်လက်ရွေးစင်ဆိုတဲ့ ဝိတ်နဲ့ ခပ်ညံ့ညံ့ ဒိုင်လူကြီး မိုက်ဒင်းန်ရဲ့ ပျော့ကွက်ကို အခွင့်ကောင်းယူပြီး ကြမ်းကြမ်းတမ်းတမ်း ကစားလာခဲ့တာကြောင့် ဧည့်သည်တွေ အနည်းငယ် ရုန်းကန်လာခဲ့ရပါတယ်။
ပွဲချိန် ၅၂ မိနစ်မှာတော့ ဝက်စ်ဟမ်းတို့ ချေပဂိုးထပ်မံရှာဖွေနိုင်ခဲ့ပြီး လိဒ်စ်တို့ ကွင်းလယ်မှာ ဘောလုံးပျက်တာကို ရိုက်စ်က ကန်တင်ပေးခဲ့ရာမှာ အန်တိုနီယို ထိန်းသိမ်းချက်က လျှံထွက်လာခဲ့တာကို ဖော်နယ်လ်စ်က ဘယ်ခြမ်းကနေ ရယူပြီး အတွင်းကို ဆွဲဝင်ကန်သွင်းခဲ့ရာမှာ သူ့ရဲ့ ချိုးကန်သွင်းမှုက ဘယ်ဘက်တိုင်ခြေကို ကွက်တိဝင်သွားခဲ့လို့ ဂိုးသမား မေလီယေး မကာကွယ်နိုင်ခဲ့ဘဲ လက်လျှော့ခဲ့ရတာပါ။
ပွဲချိန် မိနစ် ၆၀ မှာတော့ လိဒ်စ်တို့ ထပ်မံဦးဆောင်နိုင်ခဲ့ပြီး ဝက်စ်ဟမ်းကွင်းလယ်လူ ဗလာရှစ်ချ် ဘောလုံးအပျက်မှာ ပြန်ရသွားခဲ့တဲ့ ရာဖင်ညာက ဘယ်ခြမ်းကို ခင်းပေးခဲ့ရာမှာ ဟာရစ်ဆန်ကပဲ ဂိုးသမား ဖာဘီယန်စကီးကို ဧရိယာထဲမှာ ကျော်ကန်သွင်းယူနိုင်ခဲ့ပြီး သူ့ရဲ့ ကစားသမားဘဝ ပထမဆုံး ဟက်ထရစ်ကို ပရီးမီးယားလိဂ်မှာ ဂုဏ်သိက္ခာ မြင့်မားစွာ ရှာဖွေနိုင်ခဲ့သလို အသင်းအတွက် အကောင်းဆုံးခြေစွမ်းပြနိုင်ခဲ့တာလည်းဖြစ်ပါတယ်။
ပွဲချိန် ၆၂ မိနစ်မှာ ရာဖင်ညာက သူ့ကို လန်ဇီနီ ဖျက်လို့ ရခဲ့တဲ့ ဖရီးကစ်ကို ကိုယ်တိုင်ကန်သွင်းခဲ့ရာမှာ အောင်ပွဲခံရလုနီးပါးအနေအထားအထိ ရောက်ရှိခဲ့ပြီးမှ ဘောလုံးက ညာဘက်ဂိုးတိုင်အပေါ်ခြမ်းနဲ့ ထိထွက်ခဲ့လို့ ဘရာဇီးလ်သား ဟက်ကော့ဖြစ်ခဲ့ရသလို ဝက်စ်ဟမ်းတို့ စောစောစီးစီး မျက်နှာပျက်ရမယ့် အဖြစ်ကနေ သက်သာခဲ့ရတာပါ။
ဒီနောက်ပိုင်းမှာတော့ လိဒ်စ်ဘက်က ဘိတ်စ်အစား ရိုဒရီဂိုကို ထည့်သွင်းပြီး တိုက်စစ်မှာ ပြန်ထောက်သွားခဲ့သလို ဝက်စ်ဟမ်းတို့ကတော့ ဗလာရှစ်ချ်အစား မာဆူအာကူးနဲ့ ဖော်နယ်လ်စ်အစား ယာမိုလန်ကိုတို့ကို ထည့်ကစားခဲ့ပေမယ့် အလုပ်မဖြစ်ခဲ့သလို ပွဲချိန် ၇၄ မိနစ်မှာ ဧည့်သည်တွေရဲ့ ကောင်တာကနေ ကလစ်ချ်ကတောင်မှ ဂိုးသွင်းနိုင်ခဲ့ပြီး ဂိုးစည်းပေါ်မှာ လူကျွံနေတဲ့ ရိုဒရီဂိုကို သွားမှန်ခဲ့လို့ ထပ်အရှက်မကွဲခဲ့ရတာဖြစ်ပါတယ်။
ပွဲချိန် ၈၂ မိနစ်မှာ ယာမိုလန်ကို အနီးကပ်အနေအထားကနေ ဂိုးသွင်းနိုင်ခဲ့ပေမယ့် သူ့မတိုင်ခင် ပိတ်သွင်းတဲ့ ဘိုဝင် လူကျွံနေခဲ့ပြန်တာကြောင့် ဝက်စ်ဟမ်းတို့ စိတ်ပျက်ခဲ့ရပြီး လက်ကျန်ပွဲချိန်တွေမှာတော့ လူကောင်ကြီးပြီး တောင့်တင်းတဲ့ လိဒ်စ်ခံစစ်က အမှားအယွင်းမရှိ ပိတ်ကစားနိုင်ခဲ့လို့ ပွဲချိန်အပြည့်မှာ ဧည့်သည်တွေ သုံးဂိုး-နှစ်ဂိုးနဲ့ အောင်ပွဲခံနိုင်ခဲ့ကြပါတယ်။
ဟာရစ်ဆန် ဟက်ထရစ်နဲ့ ခြေစွမ်းပြခဲ့တဲ့ ဒီပွဲရလဒ်ကြောင့် တန်းဆင်းဇုန်နားက လိဒ်စ်တို့ အဆင့် ၁၅ အထိ ရုန်းထွက်နိုင်ခဲ့ကြချိန်မှာ ဥရောပနဲ့ ချန်ပီယံလိဂ်ဝင်ခွင့်အတွက် ဦးစားပေး ပြိုင်ဆိုင်နေခဲ့တဲ့ ဝက်စ်ဟမ်းတို့ကတော့ နိုင်ပွဲသုံးပွဲဆက်မှုကို အရှုံးနဲ့ ရပ်တန့်ခဲ့ရပြီး အာဆင်နယ်၊ စပါးစ်နဲ့ မန်ချက်စတာယူနိုက်တက်တို့ဆီ အဆင့် ၄ ကို လွှဲပေးရဖို့ နီးလာခဲ့ပြီဖြစ်ကြောင်း ဖော်ပြလိုက်ရပါတယ်။
REF: INTERNET SOURCES
PHOTOS CREDIT TO OWNERS
SPORTS A2Z.
ZAWGYI: ဝက္စ္ဟမ္းအသင္းအေနနဲ႔ ဒီေန႔မွာ သူတို႔ရဲ႕ အေကာင္းဆုံး လူစာရင္းကိုပဲ ထုတ္သုံးလာခဲ့ၿပီး ဂိုးသမား ဖာဘီယန္စကီး၊ ခံစစ္မွာ ခရက္စ္ဝဲလ္၊ ဆိုဖာလ္၊ ေဒၚဆန္၊ ဒီေယာ့ပ္တို႔နဲ႔ အထိုင္ခ်ခဲ့သလို ကြင္းလယ္မွာေတာ့ ဆိုးခ်က္ခ္ မပါဝင္ႏိုင္ခ်ိန္မွာ ႐ိုက္စ္တစ္ဦးကိုပဲ အထိုင္ကစားသမားစစ္စစ္အျဖစ္ အသုံးျပဳခဲ့ရၿပီး လန္ဇီနီ၊ ေဖာ္နယ္လ္တို႔နဲ႔ တြဲေပးခဲ့ခ်ိန္မွာ အန္တိုနီယိုကို ေရွ႕မွာတင္ၿပီး ဗလာရွစ္ခ်္နဲ႔ ဘိုဝင္တို႔က ေတာင္ပံေတြမွာ ကစားခဲ့ၾကပါတယ္။
လိဒ္စ္တို႔ကေတာ့ သူတို႔ရဲ႕ ဆိုး႐ြားတဲ့ ပုံစံေတြကို ျပန္လည္တည့္မတ္ႏိုင္ဖို႔ ႀကိဳးစားေနခဲ့ၿပီး တိုက္စစ္မႉးေတြနဲ႔ အဓိက ကြင္းလယ္လူ ဖိလစ္တို႔ မပါဝင္ႏိုင္ေသးေပမယ့္ ေနရာေတာ္ေတာ္မ်ားမ်ား ကစားႏိုင္တဲ့ ကစားသမားေတြေၾကာင့္ ၃-၄-၃ ပုံစံနဲ႔ ေဘာလုံးပိုင္ဆိုင္ဖို႔ ႀကိဳးစားလာသလို ရာဖင္ညာ၊ ဒန္ဂ်ိမ္းစ္၊ ဟာရစ္ဆန္၊ ကလစ္ခ်္၊ ဒါးလက္စ္တို႔လို အမာခံေတြနဲ႔ ပြဲထြက္လာခဲ့တာပါ။
ဝက္စ္ဟမ္းတို႔ ေဘာလုံးရၿပီဆိုတာနဲ႔ အျမန္ကစားမခံဘဲ Tempo ခ်ခ်ပစ္တဲ့ လိဒ္စ္တို႔ေၾကာင့္ အသင္းႀကီးေတြကို အျမန္ႏႈန္းနဲ႔ ထိုးႏွက္ေနက် ဟမ္းမားတို႔ အသင္းလတ္အခ်င္းခ်င္းနဲ႔မွာ ကစားရခက္ခဲ့သလို ခံစစ္ကစားတာလည္း မဟုတ္ဘဲ ေဘာလုံးပိုင္ဆိုင္မႈကို ဦးတည္သြားခဲ့တဲ့ ဘီယယ္လ္ဆာရဲ႕ ဗ်ဴဟာကို ေဒးဗစ္မြိဳက္စ္ ေက်ာ္လြန္ဖို႔ ခက္ခဲေနခဲ့ၿပီး လိဒ္စ္ဘယ္ေတာင္ပံက ဟာရစ္ဆန္ကေတာ့ ေတာ္ေတာ္ေလး ေျခစြမ္းျပေနခဲ့ပါတယ္။
ပြဲခ်ိန္ ၁၀ မိနစ္မွာေတာ့ ဧည့္သည္ လိဒ္စ္တဲ့ မထင္မွတ္ဘဲ အဖြင့္ဂိုး ရွာေဖြသြားႏိုင္ခဲ့ၾကၿပီး ရာဖင္ညာက ညာျခမ္းကေန ဆြဲေျပးလာၿပီးမွ ေနာက္ျပန္ခ်ိဳးေပးတာကေန ကြင္းလယ္လူ ကလစ္ခ်္ရဲ႕ ကန္သြင္းမႈကို ဖာဘီယန္စကီး ပုတ္ထုတ္ႏိုင္ခဲ့ေပမယ့္ ဘယ္ျခမ္းကေန လိုက္ပါလာတဲ့ ေဖာ္ေရွာက ျပန္ခ်ေပးတာကို ဟာရစ္ဆန္က မနားတမ္း ကန္သြင္းခဲ့ရာမွာ ဝက္စ္ဟမ္းခံစစ္က မကာကြယ္ႏိုင္ခဲ့တာေၾကာင့္ ဂိုးေပးခဲ့ၾကရတာပါ။
လိဒ္စ္တို႔ရဲ႕ ေရွ႕တန္းသုံးေယာက္ျဖစ္တဲ့ ဟာရစ္ဆန္၊ ရာဖင္ညာနဲ႔ ဒန္ဂ်ိမ္းစ္ရဲ႕ အတိုးအလႈပ္ေတြနဲ႔ ခံစစ္တန္းၾကားမွာ ေျပးလႊားဒုကၡေပးခဲ့တာက ဝက္စ္ဟမ္းရဲ႕ ခံစစ္သမားေတြ တိုက္စစ္ကို လိုက္ပါပံ့ပိုးဖို႔ မရဲေအာင္ျဖစ္ေစခဲ့ၿပီး ကြင္းလယ္မွာ အသင္းေခါင္းေဆာင္ ႐ိုက္စ္ကို ကူကစားေပးမယ့္ ဆိုးခ်က္ခ္ မပါဝင္ႏိုင္ခဲ့တာကလည္း သူတို႔ကို အႏုတ္လကၡဏာ ႀကီးႀကီးမားမား ျပေစခဲ့ပါတယ္။
ပြဲခ်ိန္ ၂၂ မိနစ္နဲ႔ ၂၃ မိနစ္ေတြမွာ ေပါင္ေနာက္ေၾကာဒဏ္ရာ အသီးသီးရရွိသြားခဲ့တဲ့ ကြင္းလယ္လူ ေဖာ္ေရွာနဲ႔ ေနာက္ခံလူ ဖာပိုတို႔ကို လိဒ္စ္တို႔ လူစားလဲခဲ့ရၿပီး သူတို႔ေနရာေတြမွာ ၁၉ ႏွစ္သား ကြင္းလယ္လူ ဘိတ္စ္နဲ႔ ၁၈ ႏွစ္သား ေနာက္ခံလူ ယယ္လ္ဒါတို႔ကို မျဖစ္မေန ထည့္သြင္းခဲ့ရသလို ပြဲခ်ိန္ ၂၄ မိနစ္မွာေတာ့ ေျခက်ိဳးသြားႏိုင္တဲ့ ပုံစံမ်ိဳး ဖ်က္ထုတ္တဲ့ အန္တိုနီယိုကို ဒိုင္လူႀကီး မိုက္ဒင္းန္က အဝါသာျပၿပီး သက္ညႇာသြားခဲ့တာပါ။
ပြဲခ်ိန္ ၃၃ မိနစ္မွာေတာ့ ဝက္စ္ဟမ္းတို႔ ေခ်ပဂိုး ျပန္လည္ရွာေဖြႏိုင္ခဲ့ၿပီး ဘယ္ျခမ္းမွာ ရရွိခဲ့တဲ့ ေထာင့္ကန္ေဘာကို ေနာက္ခံလူ ခရက္စ္ဝဲလ္က ကန္တင္ေပးခဲ့ရာမွာ လူၾကားထဲက က်လာတဲ့ ေဘာလုံးကို ဘိုဝင္က ခုန္စရာေတာင္ မလိုလိုက္ဘဲ အပိုင္းေခါင္းတိုက္ခြင့္နဲ႔ အဆုံးသတ္ႏိုင္ခဲ့လို႔ သူ႔ရဲ႕ ဒီရာသီ ၆ ဂိုးေျမာက္နဲ႔ သေရက်ေနခဲ့ပါတယ္။
ပြဲခ်ိန္ ၃၇ မိနစ္မွာေတာ့ ဧည့္သည္ေတြ ထပ္မံဦးေဆာင္သြားႏိုင္ခဲ့ျပန္ၿပီး ဒီဂိုးကိုေတာ့ ေထာင့္ကန္ေဘာကေန ရာဖင္ညာ ကန္တင္ေပးတာကို ေနာက္ခံလူ ေအးလင္းရဲ႕ ေခါင္းတိုက္ခ်က္က ဂိုးရဲ႕ ညာဘက္ကို ေစာင္းသြားခဲ့ေပမယ့္ အလိုက္သင့္ ေျပးဝင္လာခဲ့တဲ့ ပထမဂိုးရွင္ ဟာရစ္ဆန္ကပဲ ဗိုက္နဲ႔ တိုက္သြင္းၿပီး သူ႔ရဲ႕ ဒုတိယဂိုးနဲ႔ လိဒ္စ္ကို ေရွ႕ျပန္ပို႔ႏိုင္ခဲ့တာပါ။
ဝက္စ္ဟမ္းတို႔ရဲ႕ တိုက္စစ္ပိုင္းကေတာ့ ေတာ္ေတာ္ေလး အခ်ိတ္အဆက္ လြဲေခ်ာ္ေနခဲ့ၿပီး ႐ိုက္စ္ရဲ႕ ဂိုးသမားနဲ႔ တစ္ဦးခ်င္း ေဖာက္ထြက္မႈက အလဟႆျဖစ္ခဲ့ရသလို ေဖာ္နယ္လ္စ္၊ ဘိုဝင္တို႔ကလည္း အခြင့္အေရးေတြကို အသုံးမခ်ႏိုင္ခဲ့တာေၾကာင့္ ပထမပိုင္းမွာ လိဒ္စ္တို႔ကပဲ ႏွစ္ဂိုး-တစ္ဂိုးနဲ႔ ဦးေဆာင္သြားႏိုင္ခဲ့ပါတယ္။
ဒုတိယပိုင္းမွာလည္း ဝက္စ္ဟမ္းတို႔ ေခ်ပဂိုး ျပန္ရဖို႔ ႀကိဳးစားေနခဲ့ေပမယ့္ ေျခစြမ္းျပေနတဲ့ စထ႐ိုက္ခ္ ဦးေဆာင္တဲ့ လိဒ္စ္ေနာက္တန္းကို ေက်ာ္ဖို႔ ခဲယဥ္းေနခဲ့သလို ကြင္းလယ္က ႐ိုက္စ္ကေတာ့ အသင္းေခါင္းေဆာင္ အဂၤလန္လက္ေ႐ြးစင္ဆိုတဲ့ ဝိတ္နဲ႔ ခပ္ညံ့ညံ့ ဒိုင္လူႀကီး မိုက္ဒင္းန္ရဲ႕ ေပ်ာ့ကြက္ကို အခြင့္ေကာင္းယူၿပီး ၾကမ္းၾကမ္းတမ္းတမ္း ကစားလာခဲ့တာေၾကာင့္ ဧည့္သည္ေတြ အနည္းငယ္ ႐ုန္းကန္လာခဲ့ရပါတယ္။
ပြဲခ်ိန္ ၅၂ မိနစ္မွာေတာ့ ဝက္စ္ဟမ္းတို႔ ေခ်ပဂိုးထပ္မံရွာေဖြႏိုင္ခဲ့ၿပီး လိဒ္စ္တို႔ ကြင္းလယ္မွာ ေဘာလုံးပ်က္တာကို ႐ိုက္စ္က ကန္တင္ေပးခဲ့ရာမွာ အန္တိုနီယို ထိန္းသိမ္းခ်က္က လွ်ံထြက္လာခဲ့တာကို ေဖာ္နယ္လ္စ္က ဘယ္ျခမ္းကေန ရယူၿပီး အတြင္းကို ဆြဲဝင္ကန္သြင္းခဲ့ရာမွာ သူ႔ရဲ႕ ခ်ိဳးကန္သြင္းမႈက ဘယ္ဘက္တိုင္ေျခကို ကြက္တိဝင္သြားခဲ့လို႔ ဂိုးသမား ေမလီေယး မကာကြယ္ႏိုင္ခဲ့ဘဲ လက္ေလွ်ာ့ခဲ့ရတာပါ။
ပြဲခ်ိန္ မိနစ္ ၆၀ မွာေတာ့ လိဒ္စ္တို႔ ထပ္မံဦးေဆာင္ႏိုင္ခဲ့ၿပီး ဝက္စ္ဟမ္းကြင္းလယ္လူ ဗလာရွစ္ခ်္ ေဘာလုံးအပ်က္မွာ ျပန္ရသြားခဲ့တဲ့ ရာဖင္ညာက ဘယ္ျခမ္းကို ခင္းေပးခဲ့ရာမွာ ဟာရစ္ဆန္ကပဲ ဂိုးသမား ဖာဘီယန္စကီးကို ဧရိယာထဲမွာ ေက်ာ္ကန္သြင္းယူႏိုင္ခဲ့ၿပီး သူ႔ရဲ႕ ကစားသမားဘဝ ပထမဆုံး ဟက္ထရစ္ကို ပရီးမီးယားလိဂ္မွာ ဂုဏ္သိကၡာ ျမင့္မားစြာ ရွာေဖြႏိုင္ခဲ့သလို အသင္းအတြက္ အေကာင္းဆုံးေျခစြမ္းျပႏိုင္ခဲ့တာလည္းျဖစ္ပါတယ္။
ပြဲခ်ိန္ ၆၂ မိနစ္မွာ ရာဖင္ညာက သူ႔ကို လန္ဇီနီ ဖ်က္လို႔ ရခဲ့တဲ့ ဖရီးကစ္ကို ကိုယ္တိုင္ကန္သြင္းခဲ့ရာမွာ ေအာင္ပြဲခံရလုနီးပါးအေနအထားအထိ ေရာက္ရွိခဲ့ၿပီးမွ ေဘာလုံးက ညာဘက္ဂိုးတိုင္အေပၚျခမ္းနဲ႔ ထိထြက္ခဲ့လို႔ ဘရာဇီးလ္သား ဟက္ေကာ့ျဖစ္ခဲ့ရသလို ဝက္စ္ဟမ္းတို႔ ေစာေစာစီးစီး မ်က္ႏွာပ်က္ရမယ့္ အျဖစ္ကေန သက္သာခဲ့ရတာပါ။
ဒီေနာက္ပိုင္းမွာေတာ့ လိဒ္စ္ဘက္က ဘိတ္စ္အစား ႐ိုဒရီဂိုကို ထည့္သြင္းၿပီး တိုက္စစ္မွာ ျပန္ေထာက္သြားခဲ့သလို ဝက္စ္ဟမ္းတို႔ကေတာ့ ဗလာရွစ္ခ်္အစား မာဆူအာကူးနဲ႔ ေဖာ္နယ္လ္စ္အစား ယာမိုလန္ကိုတို႔ကို ထည့္ကစားခဲ့ေပမယ့္ အလုပ္မျဖစ္ခဲ့သလို ပြဲခ်ိန္ ၇၄ မိနစ္မွာ ဧည့္သည္ေတြရဲ႕ ေကာင္တာကေန ကလစ္ခ်္ကေတာင္မွ ဂိုးသြင္းႏိုင္ခဲ့ၿပီး ဂိုးစည္းေပၚမွာ လူကြၽံေနတဲ့ ႐ိုဒရီဂိုကို သြားမွန္ခဲ့လို႔ ထပ္အရွက္မကြဲခဲ့ရတာျဖစ္ပါတယ္။
ပြဲခ်ိန္ ၈၂ မိနစ္မွာ ယာမိုလန္ကို အနီးကပ္အေနအထားကေန ဂိုးသြင္းႏိုင္ခဲ့ေပမယ့္ သူ႔မတိုင္ခင္ ပိတ္သြင္းတဲ့ ဘိုဝင္ လူကြၽံေနခဲ့ျပန္တာေၾကာင့္ ဝက္စ္ဟမ္းတို႔ စိတ္ပ်က္ခဲ့ရၿပီး လက္က်န္ပြဲခ်ိန္ေတြမွာေတာ့ လူေကာင္ႀကီးၿပီး ေတာင့္တင္းတဲ့ လိဒ္စ္ခံစစ္က အမွားအယြင္းမရွိ ပိတ္ကစားႏိုင္ခဲ့လို႔ ပြဲခ်ိန္အျပည့္မွာ ဧည့္သည္ေတြ သုံးဂိုး-ႏွစ္ဂိုးနဲ႔ ေအာင္ပြဲခံႏိုင္ခဲ့ၾကပါတယ္။
ဟာရစ္ဆန္ ဟက္ထရစ္နဲ႔ ေျခစြမ္းျပခဲ့တဲ့ ဒီပြဲရလဒ္ေၾကာင့္ တန္းဆင္းဇုန္နားက လိဒ္စ္တို႔ အဆင့္ ၁၅ အထိ ႐ုန္းထြက္ႏိုင္ခဲ့ၾကခ်ိန္မွာ ဥေရာပနဲ႔ ခ်န္ပီယံလိဂ္ဝင္ခြင့္အတြက္ ဦးစားေပး ၿပိဳင္ဆိုင္ေနခဲ့တဲ့ ဝက္စ္ဟမ္းတို႔ကေတာ့ ႏိုင္ပြဲသုံးပြဲဆက္မႈကို အရႈံးနဲ႔ ရပ္တန႔္ခဲ့ရၿပီး အာဆင္နယ္၊ စပါးစ္နဲ႔ မန္ခ်က္စတာယူႏိုက္တက္တို႔ဆီ အဆင့္ ၄ ကို လႊဲေပးရဖို႔ နီးလာခဲ့ၿပီျဖစ္ေၾကာင္း ေဖာ္ျပလိုက္ရပါတယ္။
REF: INTERNET SOURCES
PHOTOS CREDIT TO OWNERS
SPORTS A2Z.
