ဂျုဒ် ဘယ်လင်ဟမ်ဟာ အိုဆာဆူနာကို အနိုင်ရရှိခဲ့တဲ့ ပွဲစဉ်မှာ သွင်းဂိုး ၂ ဂိုးသွင်းယူခဲ့ပြီး နောက်ထပ်တစ်ကြိမ် ဘာနေဗျူးက ရီးရဲလ်မက်ဒရစ်ပရိသတ်တွေရဲ့ ချီးမြှောက်ခြင်းကို ခံခဲ့ရပါတယ်။
အင်္ဂလန်ကွင်းလယ်လူဟာ ယခုနွေရာသီမှာ ဒေါ့မွန်ကနေ ပြောင်းရွှေ့လာပြီးကတည်းက လာလီဂါမှာ ခြေစွမ်း ပြသနေသူဖြစ်ပြီး ဂျာမနီမှာတုန်းက ဂိုးသွင်းစွမ်းရည်ကို ပုံမှန်သာ ပြသနေခဲ့တာကြောင့် မက်ဒရစ်မှာတော့ ဒီလောက်ကြီး အားကောင်းတဲ့စတင်မှု ပြုလုပ်နိုင်မယ်လို့ ဘယ်သူကမှ မထင်ခဲ့ကြတာ အမှန်ပဲဖြစ်ပါတယ်။
အမှန်တကယ်လည်း အသက် ၂၀ အရွယ်ကစားသမားဟာ ပြီးခဲ့တဲ့ တစ်ရာသီလုံး သွင်းယူခဲ့တဲ့ လိဂ်သွင်းဂိုးကို လိုက်မီခဲ့ပြီးဖြစ်ပြီး ၈ ပွဲ ကစားခဲ့ရာမှာ ၈ ဂိုးအထိ သွင်းယူထားနိုင်ခဲ့ပြီ ဖြစ်ပါတယ်။ ဘယ်လင်ဟမ်ရဲ့ ဒုတိယသွင်းဂိုးဟာ အင်္ဂလန်ကွင်းလယ်လူရဲ့ ကောင်းခြင်းအဖြာဖြာကို ထင်ဟပ်စေခဲ့တာဖြစ်နိုင်ပြီး ကိုက် ၃၀ အကွာကနေ ဘောလုံးကို ရယူပြီးနောက် ဗယ်လ်ဗာဒီနဲ့ ဝမ်းတူးရိုက် နောက်ခံကစားသမားတွေကြားက ဖြတ်ကျော်ပြီး ဂိုးသမားပေါင်ကြားထဲကို ကန်သွင်းယူသွားခဲ့တာဖြစ်ပါတယ်။
ဘယ်လင်ဟမ်ဟာ ၇၂ မိနစ်မှာ လူစားလဲလှယ်ခြင်းခံခဲ့ရတာကြောင့် ဟက်ထရစ်မရခဲ့ပေမယ့်လည်း ရီးရဲလ်မက်ဒရစ်က ဗင်နီးရှပ်စ် ဂျူနီယာ၊ ဂျိုဆေးလူတို့ရဲ့ သွင်းဂိုးတွေကြောင့် ၄-၀ နဲ့ အနိုင်ရရှိခဲ့တာဖြစ်ပါတယ်။ ဒုတိယမြောက်သွင်းဂိုးကို သွင်းယူပြီးနောက် ဘာနေဗျူးကွင်းထဲက ပရိသတ်တွေဟာ ဘယ်လင်ဟမ်ကို ဂုဏ်ပြုတဲ့ သီချင်းဖြစ်တဲ့ ‘Hey Jude’ကို ဟစ်ကြွေးခဲ့ပြီး ချီးကျူး ဂုဏ်ပြုခဲ့ကြတာဖြစ်ပါတယ်။
ဘယ်လင်ဟမ်ဟာ ဗင်နီးရှပ်စ်က ရီးရဲလ်မက်ဒရစ်အတွက် တတိယမြောက် ဦးဆောင်ဂိုးကို သွင်းယူဖို့ ပြေးလွှားသွားချိန်ကတည်းက အောင်ပွဲခံနေခဲ့တာကို မြင်တွေ့ခဲ့ရပြီး ဒီနိုင်ပွဲကြောင့် အန်ဆယ်လော့တီရဲ့အသင်းဟာ ရာသီအစောပိုင်းမှာ အံ့အားသင့်ဖွယ်တွေ လုပ်ပြခဲ့တဲ့ ဂျီနိုအာရဲ့အထက် လာလီဂါအမှတ်ပေးဇယားထိပ်ဆုံးကို ပြန်လည်တက်လှမ်းနိုင်ခဲ့ပြီဖြစ်ပါတယ်။
ဂီရိုနာဟာ ပြီးခဲ့တဲ့အပတ်က ရီးရဲလ်မက်ဒရစ်ကို ၃-၀ နဲ့ မရှုံးနိမ့်ခင်အထိ လာလီဂါ ၇ ပွဲမှာ ၆ ပွဲအထိ အနိုင်ရရှိခဲ့တာဖြစ်ပေမယ့်လည်း စနေနေ့အစောပိုင်းမှာ ကဒစ်ဇ်ကို ၁-၀ နဲ့ အနိုင်ရရှိခဲ့ပြီးနောက် အမှတ်ပေးဇယားထိပ်ဆုံးကို ယာယီပြန်လည်တက်လှမ်းနိုင်ခဲ့တာဖြစ်ပါတယ်။
REF: INTERNET SOURCES
PHOTOS CREDIT TO OWNERS
SPORTS A2Z.
ZAWGYI: ဂ်ဳဒ္ ဘယ္လင္ဟမ္ဟာ အိုဆာဆူနာကို အႏိုင္ရရွိခဲ့တဲ့ ပြဲစဥ္မွာ သြင္းဂိုး ၂ ဂိုးသြင္းယူခဲ့ၿပီး ေနာက္ထပ္တစ္ႀကိမ္ ဘာေနဗ်ဴးက ရီးရဲလ္မက္ဒရစ္ပရိသတ္ေတြရဲ႕ ခ်ီးေျမႇာက္ျခင္းကို ခံခဲ့ရပါတယ္။
အဂၤလန္ကြင္းလယ္လူဟာ ယခုေႏြရာသီမွာ ေဒါ့မြန္ကေန ေျပာင္းေ႐ႊ႕လာၿပီးကတည္းက လာလီဂါမွာ ေျခစြမ္း ျပသေနသူျဖစ္ၿပီး ဂ်ာမနီမွာတုန္းက ဂိုးသြင္းစြမ္းရည္ကို ပုံမွန္သာ ျပသေနခဲ့တာေၾကာင့္ မက္ဒရစ္မွာေတာ့ ဒီေလာက္ႀကီး အားေကာင္းတဲ့စတင္မႈ ျပဳလုပ္ႏိုင္မယ္လို႔ ဘယ္သူကမွ မထင္ခဲ့ၾကတာ အမွန္ပဲျဖစ္ပါတယ္။
အမွန္တကယ္လည္း အသက္ ၂၀ အ႐ြယ္ကစားသမားဟာ ၿပီးခဲ့တဲ့ တစ္ရာသီလုံး သြင္းယူခဲ့တဲ့ လိဂ္သြင္းဂိုးကို လိုက္မီခဲ့ၿပီးျဖစ္ၿပီး ၈ ပြဲ ကစားခဲ့ရာမွာ ၈ ဂိုးအထိ သြင္းယူထားႏိုင္ခဲ့ၿပီ ျဖစ္ပါတယ္။ ဘယ္လင္ဟမ္ရဲ႕ ဒုတိယသြင္းဂိုးဟာ အဂၤလန္ကြင္းလယ္လူရဲ႕ ေကာင္းျခင္းအျဖာျဖာကို ထင္ဟပ္ေစခဲ့တာျဖစ္ႏိုင္ၿပီး ကိုက္ ၃၀ အကြာကေန ေဘာလုံးကို ရယူၿပီးေနာက္ ဗယ္လ္ဗာဒီနဲ႔ ဝမ္းတူး႐ိုက္ ေနာက္ခံကစားသမားေတြၾကားက ျဖတ္ေက်ာ္ၿပီး ဂိုးသမားေပါင္ၾကားထဲကို ကန္သြင္းယူသြားခဲ့တာျဖစ္ပါတယ္။
ဘယ္လင္ဟမ္ဟာ ၇၂ မိနစ္မွာ လူစားလဲလွယ္ျခင္းခံခဲ့ရတာေၾကာင့္ ဟက္ထရစ္မရခဲ့ေပမယ့္လည္း ရီးရဲလ္မက္ဒရစ္က ဗင္နီးရွပ္စ္ ဂ်ဴနီယာ၊ ဂ်ိဳေဆးလူတို႔ရဲ႕ သြင္းဂိုးေတြေၾကာင့္ ၄-၀ နဲ႔ အႏိုင္ရရွိခဲ့တာျဖစ္ပါတယ္။ ဒုတိယေျမာက္သြင္းဂိုးကို သြင္းယူၿပီးေနာက္ ဘာေနဗ်ဴးကြင္းထဲက ပရိသတ္ေတြဟာ ဘယ္လင္ဟမ္ကို ဂုဏ္ျပဳတဲ့ သီခ်င္းျဖစ္တဲ့ ‘Hey Jude’ကို ဟစ္ေႂကြးခဲ့ၿပီး ခ်ီးက်ဴး ဂုဏ္ျပဳခဲ့ၾကတာျဖစ္ပါတယ္။
ဘယ္လင္ဟမ္ဟာ ဗင္နီးရွပ္စ္က ရီးရဲလ္မက္ဒရစ္အတြက္ တတိယေျမာက္ ဦးေဆာင္ဂိုးကို သြင္းယူဖို႔ ေျပးလႊားသြားခ်ိန္ကတည္းက ေအာင္ပြဲခံေနခဲ့တာကို ျမင္ေတြ႕ခဲ့ရၿပီး ဒီႏိုင္ပြဲေၾကာင့္ အန္ဆယ္ေလာ့တီရဲ႕အသင္းဟာ ရာသီအေစာပိုင္းမွာ အံ့အားသင့္ဖြယ္ေတြ လုပ္ျပခဲ့တဲ့ ဂ်ီႏိုအာရဲ႕အထက္ လာလီဂါအမွတ္ေပးဇယားထိပ္ဆုံးကို ျပန္လည္တက္လွမ္းႏိုင္ခဲ့ၿပီျဖစ္ပါတယ္။
ဂီ႐ိုနာဟာ ၿပီးခဲ့တဲ့အပတ္က ရီးရဲလ္မက္ဒရစ္ကို ၃-၀ နဲ႔ မရႈံးနိမ့္ခင္အထိ လာလီဂါ ၇ ပြဲမွာ ၆ ပြဲအထိ အႏိုင္ရရွိခဲ့တာျဖစ္ေပမယ့္လည္း စေနေန႔အေစာပိုင္းမွာ ကဒစ္ဇ္ကို ၁-၀ နဲ႔ အႏိုင္ရရွိခဲ့ၿပီးေနာက္ အမွတ္ေပးဇယားထိပ္ဆုံးကို ယာယီျပန္လည္တက္လွမ္းႏိုင္ခဲ့တာျဖစ္ပါတယ္။
REF: INTERNET SOURCES
PHOTOS CREDIT TO OWNERS
SPORTS A2Z.
