ပက် ဂွါဒီယိုလာဟာ ဗုဒ္ဓဟူးနေ့မှာ ဘိုင်ယန်မြူးနစ်အိမ်ကွင်းကို သွားရောက်ယှဉ်ပြိုင်ရမယ့်ပွဲမတိုင်ခင် ဆာဒီယို မာနေးနဲ့ လီရွိုင်း ဆာနေးတို့ကြား ခိုက်ရန်ဖြစ်ပွားမှုအပေါ် ၎င်းရဲ့ ထင်မြင်ချက်ကို မျှဝေခဲ့ပါတယ်။
မနချက်စတာစီးတီးဟာ ပြီးခဲ့တဲ့အပတ်က ဂျာမန်ဘွန်ဒက်စ်လီဂါ ချန်ပီယံတွေကို လွှမ်းမိုးထားနိုင်ခဲ့တာဖြစ်ပြီး ယခုအပတ် ကွာတားဖိုင်နယ် ဒုတိယအကျော့ပွဲစဉ်မှာ ၃-၀ အသာစီးနဲ့ ယှဉ်ပြိုင်သွားမှာဖြစ်ပါတယ်။
ရိုဒရီ၊ ဘာနာဒို ဆေးလ်ဗား၊ အာလင်း ဟာလန်းတို့ဟာ အစ်တီဟတ်မှာ ဂိုးသွင်းယူနိုင်ခဲ့ကြပေမယ့်လည်း အဲဒီပွဲစဉ်ဟာ ဘိုင်ယန်မြူးနစ်ကြယ်ပွင့်တွေဖြစ်တဲ့ မာနေးနဲ့ ဆာနေးတို့ကြားက ဖြစ်စဉ်ကြောင့် အရိပ်မိုးခြင်း ခံခဲ့ရတာဖြစ်ပါတယ်။
မာနေးနဲ့ ဆာနေးတို့ဟာ ကွင်းထဲမှာ စကားများခဲ့ကြပြီးနောက် ဆီနီဂေါတိုက်စစ်မှူးက ဂျာမန်တောင်ပံကစားသမားကို အဝတ်လဲခန်းထဲမှာ အံ့အားသင့်ဖွယ် ထိုးကြိတ်ခဲ့တာ ဖြစ်ပါတယ်။
မာနေးဟာ ဘိုင်ယန်မြူးနစ်အသင်းရဲ့ ကြီးမားတဲ့ ဒဏ်ငွေတပ်ရိုက်ခြင်းခံခဲ့ရပြီး ဟော်ဖန်ဟိမ်းနဲ့ သရေကျခဲ့တဲ့ အိမ်ကွင်းပွဲစဉ်အတွက် လူစာရင်းထဲမှာ ချန်လှပ်ခြင်း ခံခဲ့ရတာဖြစ်ပါတယ်။ ဒါပေမယ့်လည်း ဂွါဒီယိုလာက မာနေးနဲ့ ဆာနေးတို့ကြားက ခိုက်ရန်ဖြစ်ပွားမှုက ပထမအကျော့က ရှုံးနိမ့်ခဲ့မှုကို ပြောင်းပြန်လှန်ပစ်ဖို့ ကြိုးပမ်းနေတဲ့ တူဟယ်ရဲ့အသင်းကို စိတ်ဓာတ်ခွန်အားဖြစ်လာမှာကို စိုးရိမ်နေတာဖြစ်ပါတယ်။
“တစ်ခါတလေ ခင်ဗျား အသင်းကို စိတ်အားတက်ကြွအောင်နဲ့ သူတို့တွေ အရှုံးမပေးဘူးဆိုတာကို လက်ခံလာအောင် ပဋိပက္ခတွေ လိုအပ်တယ်။ လုံးဝ ကျိန်းသေတယ်။ တစ်ခါတလေ အသင်းကို ပိုပြီးတော့ တစုတစည်းတည်းဖြစ်အောင်လုပ်ဖို့ ပဋိပက္ခလိုအပ်ပါတယ်။ အဲဒါကို ကျွန်တော် တော်တော်လေး သေချာပါတယ်။ အဲဒါက အားနည်းချက်မဟုတ်ပါဘူး။ အဲဒါက ကျွန်တော်တို့နဲ့ ရင်ဆိုင်တဲ့အခါမှာ အားသာချက် ဖြစ်လာပါလိမ့်မယ်”
“ကျွန်တော် ဒီအသင်းကို ကောင်းကောင်းသိတယ်။ စီးတီးနဲ့ ရင်ဆိုင်ကစားမယ့် အခြေအနေကို ကျွန်တော် မြင်ယောင်နိုင်တယ်။ ကျွန်တော်တို့ အဲဒီမှာ ကစားမယ်။ ကစားသမားတွေက သူတို့ရဲ့ အကောင်းဆုံးကို လုပ်ကြလိမ့်မယ်။ ဘိုင်ယန်က ဗုဒ္ဓဟူးနေ့မှာ သူတို့ရဲ့ အကောင်းဆုံးကို လုပ်လိမ့်မယ်။ ဒါပေမယ့် အဲဒီမှာ ဖြစ်ပျက်ခဲ့တာကို ကျွန်တော် တော်တော်လေး သေချာပါတယ်။ တကယ်လို့ အဲဒါက ဆန့်ကျင်ဘက်ဖြစ်ခဲ့ရင် ကျွန်တော်တို့ ၃-၀ နဲ့ ရှုံးနိမ့်ခဲ့မှာဖြစ်ပြီး ဒီနေ့ အနိုင်မရခဲ့ဘဲ ပဋိပက္ခအချို့ရှိခဲ့မယ်။ အသင်းက ငါတို့အတွက် အဲဒါက ဗိုလ်လုပွဲပဲလို့ ပြောလိမ့်မယ်။ ကျွန်တော်တို့ ဘာလုပ်ရမလဲဆိုတာကို အတိအကျသိပြီး အဲဒါကို လုပ်သွားမှာပါ။”လို့ ပြောကြားခဲ့တာဖြစ်ပါတယ်။
REF: INTERNET SOURCES
PHOTOS CREDIT TO OWNERS
SPORTS A2Z.
