International Match Report World Cup

အမေရိကန်ကို ဘောလုံးက ဘာလဲဆိုတာ ပညာပေးပြီး ကွာတားတက်တဲ့ နယ်သာလန်

နယ်သာလန်အသင်းအနေနဲ့ ဒီနေ့မှာ ဂိုးသမား နော့ပတ်၊ ခံစစ်မှာ တင်မ်ဘာ၊ ဗန်ဒိုက်၊ အာကေတို့ကိုပဲ ဆက်လက်အသုံးပြုခဲ့သလို ကွင်းလယ်မှာတော့ ဒီရွန်း၊ ဖရင်ကီ ဒီယုံး၊ ကလာ့စ်ဆန်၊ ဘလင်းဒ်နဲ့ ဒမ်းဖရီးစ်တို့ကို အထိုင်ချခဲ့သလို တိုက်စစ်မှာတော့ ဒီပိုင်းနဲ့ ဂက်ခ်ပိုတို့ကို ပွဲထုတ်လာခဲ့တာဖြစ်ပါတယ်။

အမေရိကန်အသင်းကတော့ ဂိုးသမား မတ်တာနာ၊ ခံစစ်မှာ ရင်းမ်၊ ဇင်မာမန်း၊ ဒက်စ်နဲ့ ရော်ဘင်ဆန်တို့ကို ကစားစေခဲ့ပြီး ကွင်းလယ်မှာတော့ တိုင်လာ အက်ဒမ်စ်၊ မက်ကင်နီနဲ့ မူဆာတို့ကို ခင်းကျင်းလာခဲ့သလို တိုက်စစ်မှာတော့ ပူလီရှစ်ချ်၊ ဝီယာတို့နဲ့အတူ ရှေ့ပွဲတွေတုန်းက သုံးစားမရတဲ့ နံပါတ် ၉ တိုက်စစ်မှူးတစ်နေရာအတွက် တစ်ပွဲမှ မကစားရသေးတဲ့ ဖာရဲရားကို စမ်းသပ်စွန့်စားလာခဲ့တာပါ။

နယ်သာလန်တို့အနေနဲ့ ဒီနေ့ပွဲမှာ အမေရိကန်တို့ရဲ့ ကစားအားကို ထိန်းချုပ်နိုင်ဖို့နဲ့ အလစ်အငိုက် မခံရစေဖို့ သူတို့ရဲ့ တိုက်စစ်နဲ့ ခံစစ် Unit တွေကို စုစည်းမှုရှိဖို့ အဓိက လုပ်ဆောင်သွားခဲ့ပြီး အထူးသဖြင့် ဂက်ခ်ပို၊ ဒီပိုင်းနဲ့ ကလာ့စ်ဆန်တို့ရဲ့ ပထမစည်းနဲ့ ဒီရွန်း၊ ဒီပိုင်း၊ ဒမ်းဖရီးစ်နဲ့ ဘလင်းဒ်တို့ရဲ့ ဒုတိယစည်းတွေက ပူလီရှစ်ချ်ကို တစ်ကြိမ် အခွင့်အရေးပေးအပြီးမှာ ပိုပြီးဂရုတစိုက် ကစားခဲ့ကြတာဖြစ်ပါတယ်။

ပွဲချိန် ၁၀ မိနစ်မှာ နယ်သာလန်တို့ အဖွင့်ဂိုး စတင်သွင်းယူသွားနိုင်ခဲ့ကြပြီး ဒီဂိုးကိုတော့ တန်ပြန်တိုက်စစ်ကနေ ဂက်ခ်ပိုက ညာခြမ်းကို ချပေးရာမှာ ဒမ်းဖရီးစ်က ဧရိယာအတွင်းကို ပြန်ပြီး အနိမ့်ဘော Cut Back လုပ်ပေးတာကို လူကပ်မခံရဘဲ လွတ်နေတဲ့ ဒီပိုင်းက အနိမ့်ဘောကန်သွင်းပြီး လိမေ္မာ်သီးတွေကို ဦးဆောင်စေခဲ့တာဖြစ်ပါတယ်။

ဒီဂိုးမှာ ဒီပိုင်းကို လိုက်မကပ်ဘဲ လွှတ်ပေးလိုက်တဲ့ အက်ဒမ်စ်ကတော့ ကျွမ်းကျင်သူတွေရဲ့ ပြစ်တင်မှုကိုလည်း ခံခဲ့ရပြီး အမေရိကန်တစ်သင်းလုံး အနေနဲ့ ကစားပုံ လောကြီးလွန်းနေခဲ့ချိန်မှာ အထူးသဖြင့် တောင်ပံခံစစ်သမားတွေဖြစ်တဲ့ ဒက်စ်က မလိုအပ်ဘဲ အတွင်းကို ဝင်လွန်းသလို ဖူလ်ဟမ်ရဲ့ ရော်ဘင်ဆန်ကလည်း ရှေ့တက်လွန်းလို့ နောက်မှာ နေရာလွတ်တွေ ပေါ်နေခဲ့ပြီး ဒတ်ချ်တွေကို ကြက်ဥတိုက်သလိုဖြစ်နေခဲ့တာပါ။

အထောင်တိုက်စစ်မှူးကောင်း မရှိတဲ့ တိုက်စစ်မှာ ဖာရဲရားကလည်း မမြင်ရသလောက်ဖြစ်နေခဲ့သလို မူဆာနဲ့ မက်ကင်နီတို့ကလည်း ဒီနေ့မှာ ဒတ်ချ်ကွင်းလယ်ရဲ့ လူပြန်စုချိန်မှာ ဂက်ခ်ပိုတစ်ယောက်တည်းကို ရှေ့မှာ ချန်ပြီး ၆ ယောက်အထိ စုစည်းခဲ့တဲ့ အင်အားကို မယှဉ်နိုင်ခဲ့ဘဲ နည်းပြ ဘာဟယ်လ်တာအတွက် ပွဲချိန် ၄၃ မိနစ်က ဝီယာရဲ့ ကန်ချက်ကတော့ မျှော်လင့်ချက်အနည်းငယ် ဖြစ်ပေါ်စေခဲ့ပါတယ်။

ဒါပေမယ့် နာကျင်အချိန်ပို ၁ မိနစ်မှာတော့ နယ်သာလန်တို့ပဲ နောက်ထပ် ဦးဆောင်ဂိုးတစ်ဂိုးကို ရယူသွားပြန်ပြီး ဒီဂိုးကိုလည်း ဘယ်ခြမ်းခံစစ်မှာ လမ်းလျှောက်ကျင့်နေခဲ့တဲ့ ရော်ဘင်ဆန်ဘက်ကပဲ ထိုးဖောက်သွားခဲ့တဲ့ ဒမ်းဖရီးစ်က ဧရိယာထဲကို အနိမ့်ဘော ချိုးပေးရာမှာ ပထမဂိုးက ဒီပိုင်း ကန်သွင်းသွားတဲ့ နေရာထက် နည်းနည်းပိုနီးတဲ့ ပင်နယ်တီအမှတ်အသားပေါ်ကနေ ဘလင်းဒ်က တစ်ပုံစံတည်းနီးပါး ပိတ်သွင်းသွားခဲ့တာပါ။

ပထမပိုင်းမှာတော့ နယ်သာလန်တို့က နှစ်ဂိုး-ဂိုးမရှိနဲ့ ဦးဆောင်နေခဲ့ပြီး ဒုတိယပိုင်း ပြန်အစမှာတော့ ခြေစွမ်းမပြနိုင်တဲ့ ဒီရွန်းနဲ့ ကလာ့စ်ဆန်တို့ အစား ကူးပ်မိန်နာစ်နဲ့ ဘာ့ဂ်ဗိုင်းတို့ကို လဲကစားခဲ့ပြီး အမေရိကန်တို့ကတော့ ဘယ်သူမှ သုံးစားမရတဲ့ နံပါတ် ၉ နေရာက ဖာရဲရားအစား ဒေါ့မွန်မှာ စွယ်စုံရ ကစားသမားအဖြစ် အသုံးပြုနေတဲ့ ဂျိုဗန်နီ ရေးနားကို ထည့်သွင်းလာခဲ့ပါတယ်။

ပွဲချိန် ၄၉ မိနစ်မှာ နောက်ခံလူ ရင်းမ်ရဲ့ ထောင့်ကန်ဘောက ပိတ်သွင်းဖို့ ကြိုးစားတာကို ဒတ်ချ်တွေ ဂိုးစည်းရှေ့က ရှင်းထုတ်ခဲ့ရသလို နှစ်မိနစ်အကြာမှာတော့ ညာခြမ်းမှာ လုပ်ချင်တိုင်းလုပ်နေခဲ့တဲ့ ဒမ်းဖရီးစ်ရဲ့ အနိမ့်ဘော ချိုးပေးတာကို ဒီပိုင်း ပိတ်သွင်းခဲ့ရာမှာ ဂိုးသမား ကာကွယ်နိုင်ခဲ့လို့ အမေရိကန်တို့ သက်သာရာရခဲ့တာပါ။

ပွဲချိန် ၆၇ မိနစ်မှာ လုပ်စားမရတော့တဲ့ မက်ကင်နီနဲ့ ဝီယာတို့အစား ဟာဂျီရိုက်နဲ့ အာရွန်ဆန်တို့ ဝင်လာခဲ့ကြပြီး ပွဲချိန် ၇၂ မိနစ်မှာ ကူးပ်မိန်နာစ်ရဲ့ အဝေးကန်ချက်နဲ့ နောက်က ပါလာတဲ့ ဒီပိုင်းရဲ့ အနီးကပ် ခေါင်းတိုက်ချက်ကို အမေရိကန်ဂိုးသမား မတ်တာနာ မယုံနိုင်လောက်အောင် လက်စွမ်းပြ ကာကွယ်သွားခဲ့သလို ပွဲချိန် ၇၅ မိနစ်မှာတော့ ဟာဂျီရိုက်ရဲ့ ထိုးဖောက်ကန်သွင်းမှုကို ဒမ်းဖရီးစ်က ဂိုးစည်းရှေ့က ရှင်းထုတ်ခဲ့ရတာပါ။

ပွဲချိန် ၇၆ မိနစ်မှာတော့ အမေရိကန်တို့ ချေပဂိုးတစ်ဂိုး ရှာဖွေသွားနိုင်ခဲ့ကြပြီး ဒီဂိုးကိုတော့ ထောင့်ကန်ဘောကနေ ပြန်ထွက်လာတဲ့ ဘောလုံးကို ညာခြမ်းကနေ ပူလီရှစ်ချ်က ဆွဲပြေးပြီး ဧရိယာထဲကို အနိမ့်ဘော ဖြတ်ပို့မှုကို ဟာဂျီရိုက်က ခြေထောက်နဲ့ မမီ့တမီ လှမ်းထောက်ခဲ့ရာမှာ ဘောလုံးက မြောက်တက်ပြီး ရည်ရွယ်တဲ့ အနီးတိုင်ထက် အဝေးတိုင်ဘက်ကို ဝင်သွားခဲ့လို့ ဂိုးသမား နော့ပတ် အငိုက်မိပြီး ဂိုးပေးလိုက်ရတာဖြစ်ပါတယ်။

ပွဲချိန် ၈၁ မိနစ်မှာတော့ နယ်သာလန်တို့ တတိယဂိုးနဲ့ အမေရိကန်တို့ရဲ့ မျှော်လင့်ချက်ကို ရိုက်ချိုးသွားနိုင်ခဲ့ကြပြီး ဒီဂိုးကိုတော့ ကွင်းလယ်ကနေ ဒီယုံးက ဘယ်ခြမ်းကို ချပေးရာမှာ ဘလင်းဒ်က ဖြတ်တင်ပေးခဲ့တာကို ဧရိယာထဲမှာ ရော်ဘင်ဆန်ရဲ့ အားနည်းမှုကြောင့် လူကပ်မခံရဘဲ လွတ်နေခဲ့တဲ့ ဒမ်းဖရီးစ်က သေချာအချိန်ယူပြီးမှ ဘယ်ခြေနဲ့ အပိုင်ပိတ်သွင်းသွားခဲ့တာပါ။

ပွဲချိန်အပြည့်မှာတော့ နယ်သာလန်တို့ သုံးဂိုး-တစ်ဂိုးနဲ့ အောင်ပွဲခံခဲ့ပြီး ကွင်းလယ်ကစားအားတစ်ပေါက်တည်းနဲ့ ရှုံးထွက်အဆင့်ရောက်လာတဲ့ အမေရိကန်တို့ကို Soccer မဟုတ်တဲ့ Football ရဲ့ တကယ့်ဘောလုံးကစားဟန်က ဘာလဲဆိုတာ ပြသပြီး အနိုင်ယူသွားခဲ့သလို ကွာတားဖိုင်နယ်အဆင့်ကို တက်ရောက်သွားခဲ့ကြပြီး လာမယ့်ပွဲမှာတော့ အာဂျင်တီးနားနဲ့ ဩစတေးလျတို့ပွဲက အနိုင်ရတဲ့ အသင်းနဲ့ ကစားရတော့မှာဖြစ်ပါကြောင်း ဖော်ပြလိုက်ရပါတယ်။

REF: INTERNET SOURCES
PHOTOS CREDIT TO OWNERS
SPORTS A2Z.

ZAWGYI:

နယ္သာလန္အသင္းအေနနဲ႔ ဒီေန႔မွာ ဂိုးသမား ေနာ့ပတ္၊ ခံစစ္မွာ တင္မ္ဘာ၊ ဗန္ဒိုက္၊ အာေကတို႔ကိုပဲ ဆက္လက္အသုံးျပဳခဲ့သလို ကြင္းလယ္မွာေတာ့ ဒီ႐ြန္း၊ ဖရင္ကီ ဒီယုံး၊ ကလာ့စ္ဆန္၊ ဘလင္းဒ္နဲ႔ ဒမ္းဖရီးစ္တို႔ကို အထိုင္ခ်ခဲ့သလို တိုက္စစ္မွာေတာ့ ဒီပိုင္းနဲ႔ ဂက္ခ္ပိုတို႔ကို ပြဲထုတ္လာခဲ့တာျဖစ္ပါတယ္။

အေမရိကန္အသင္းကေတာ့ ဂိုးသမား မတ္တာနာ၊ ခံစစ္မွာ ရင္းမ္၊ ဇင္မာမန္း၊ ဒက္စ္နဲ႔ ေရာ္ဘင္ဆန္တို႔ကို ကစားေစခဲ့ၿပီး ကြင္းလယ္မွာေတာ့ တိုင္လာ အက္ဒမ္စ္၊ မက္ကင္နီနဲ႔ မူဆာတို႔ကို ခင္းက်င္းလာခဲ့သလို တိုက္စစ္မွာေတာ့ ပူလီရွစ္ခ်္၊ ဝီယာတို႔နဲ႔အတူ ေရွ႕ပြဲေတြတုန္းက သုံးစားမရတဲ့ နံပါတ္ ၉ တိုက္စစ္မႉးတစ္ေနရာအတြက္ တစ္ပြဲမွ မကစားရေသးတဲ့ ဖာရဲရားကို စမ္းသပ္စြန႔္စားလာခဲ့တာပါ။

နယ္သာလန္တို႔အေနနဲ႔ ဒီေန႔ပြဲမွာ အေမရိကန္တို႔ရဲ႕ ကစားအားကို ထိန္းခ်ဳပ္ႏိုင္ဖို႔နဲ႔ အလစ္အငိုက္ မခံရေစဖို႔ သူတို႔ရဲ႕ တိုက္စစ္နဲ႔ ခံစစ္ Unit ေတြကို စုစည္းမႈရွိဖို႔ အဓိက လုပ္ေဆာင္သြားခဲ့ၿပီး အထူးသျဖင့္ ဂက္ခ္ပို၊ ဒီပိုင္းနဲ႔ ကလာ့စ္ဆန္တို႔ရဲ႕ ပထမစည္းနဲ႔ ဒီ႐ြန္း၊ ဒီပိုင္း၊ ဒမ္းဖရီးစ္နဲ႔ ဘလင္းဒ္တို႔ရဲ႕ ဒုတိယစည္းေတြက ပူလီရွစ္ခ်္ကို တစ္ႀကိမ္ အခြင့္အေရးေပးအၿပီးမွာ ပိုၿပီးဂ႐ုတစိုက္ ကစားခဲ့ၾကတာျဖစ္ပါတယ္။

ပြဲခ်ိန္ ၁၀ မိနစ္မွာ နယ္သာလန္တို႔ အဖြင့္ဂိုး စတင္သြင္းယူသြားႏိုင္ခဲ့ၾကၿပီး ဒီဂိုးကိုေတာ့ တန္ျပန္တိုက္စစ္ကေန ဂက္ခ္ပိုက ညာျခမ္းကို ခ်ေပးရာမွာ ဒမ္းဖရီးစ္က ဧရိယာအတြင္းကို ျပန္ၿပီး အနိမ့္ေဘာ Cut Back လုပ္ေပးတာကို လူကပ္မခံရဘဲ လြတ္ေနတဲ့ ဒီပိုင္းက အနိမ့္ေဘာကန္သြင္းၿပီး လိေမၼာ္သီးေတြကို ဦးေဆာင္ေစခဲ့တာျဖစ္ပါတယ္။

ဒီဂိုးမွာ ဒီပိုင္းကို လိုက္မကပ္ဘဲ လႊတ္ေပးလိုက္တဲ့ အက္ဒမ္စ္ကေတာ့ ကြၽမ္းက်င္သူေတြရဲ႕ ျပစ္တင္မႈကိုလည္း ခံခဲ့ရၿပီး အေမရိကန္တစ္သင္းလုံး အေနနဲ႔ ကစားပုံ ေလာႀကီးလြန္းေနခဲ့ခ်ိန္မွာ အထူးသျဖင့္ ေတာင္ပံခံစစ္သမားေတြျဖစ္တဲ့ ဒက္စ္က မလိုအပ္ဘဲ အတြင္းကို ဝင္လြန္းသလို ဖူလ္ဟမ္ရဲ႕ ေရာ္ဘင္ဆန္ကလည္း ေရွ႕တက္လြန္းလို႔ ေနာက္မွာ ေနရာလြတ္ေတြ ေပၚေနခဲ့ၿပီး ဒတ္ခ်္ေတြကို ၾကက္ဥတိုက္သလိုျဖစ္ေနခဲ့တာပါ။

အေထာင္တိုက္စစ္မႉးေကာင္း မရွိတဲ့ တိုက္စစ္မွာ ဖာရဲရားကလည္း မျမင္ရသေလာက္ျဖစ္ေနခဲ့သလို မူဆာနဲ႔ မက္ကင္နီတို႔ကလည္း ဒီေန႔မွာ ဒတ္ခ်္ကြင္းလယ္ရဲ႕ လူျပန္စုခ်ိန္မွာ ဂက္ခ္ပိုတစ္ေယာက္တည္းကို ေရွ႕မွာ ခ်န္ၿပီး ၆ ေယာက္အထိ စုစည္းခဲ့တဲ့ အင္အားကို မယွဥ္ႏိုင္ခဲ့ဘဲ နည္းျပ ဘာဟယ္လ္တာအတြက္ ပြဲခ်ိန္ ၄၃ မိနစ္က ဝီယာရဲ႕ ကန္ခ်က္ကေတာ့ ေမွ်ာ္လင့္ခ်က္အနည္းငယ္ ျဖစ္ေပၚေစခဲ့ပါတယ္။

ဒါေပမယ့္ နာက်င္အခ်ိန္ပို ၁ မိနစ္မွာေတာ့ နယ္သာလန္တို႔ပဲ ေနာက္ထပ္ ဦးေဆာင္ဂိုးတစ္ဂိုးကို ရယူသြားျပန္ၿပီး ဒီဂိုးကိုလည္း ဘယ္ျခမ္းခံစစ္မွာ လမ္းေလွ်ာက္က်င့္ေနခဲ့တဲ့ ေရာ္ဘင္ဆန္ဘက္ကပဲ ထိုးေဖာက္သြားခဲ့တဲ့ ဒမ္းဖရီးစ္က ဧရိယာထဲကို အနိမ့္ေဘာ ခ်ိဳးေပးရာမွာ ပထမဂိုးက ဒီပိုင္း ကန္သြင္းသြားတဲ့ ေနရာထက္ နည္းနည္းပိုနီးတဲ့ ပင္နယ္တီအမွတ္အသားေပၚကေန ဘလင္းဒ္က တစ္ပုံစံတည္းနီးပါး ပိတ္သြင္းသြားခဲ့တာပါ။

ပထမပိုင္းမွာေတာ့ နယ္သာလန္တို႔က ႏွစ္ဂိုး-ဂိုးမရွိနဲ႔ ဦးေဆာင္ေနခဲ့ၿပီး ဒုတိယပိုင္း ျပန္အစမွာေတာ့ ေျခစြမ္းမျပႏိုင္တဲ့ ဒီ႐ြန္းနဲ႔ ကလာ့စ္ဆန္တို႔ အစား ကူးပ္မိန္နာစ္နဲ႔ ဘာ့ဂ္ဗိုင္းတို႔ကို လဲကစားခဲ့ၿပီး အေမရိကန္တို႔ကေတာ့ ဘယ္သူမွ သုံးစားမရတဲ့ နံပါတ္ ၉ ေနရာက ဖာရဲရားအစား ေဒါ့မြန္မွာ စြယ္စုံရ ကစားသမားအျဖစ္ အသုံးျပဳေနတဲ့ ဂ်ိဳဗန္နီ ေရးနားကို ထည့္သြင္းလာခဲ့ပါတယ္။

ပြဲခ်ိန္ ၄၉ မိနစ္မွာ ေနာက္ခံလူ ရင္းမ္ရဲ႕ ေထာင့္ကန္ေဘာက ပိတ္သြင္းဖို႔ ႀကိဳးစားတာကို ဒတ္ခ်္ေတြ ဂိုးစည္းေရွ႕က ရွင္းထုတ္ခဲ့ရသလို ႏွစ္မိနစ္အၾကာမွာေတာ့ ညာျခမ္းမွာ လုပ္ခ်င္တိုင္းလုပ္ေနခဲ့တဲ့ ဒမ္းဖရီးစ္ရဲ႕ အနိမ့္ေဘာ ခ်ိဳးေပးတာကို ဒီပိုင္း ပိတ္သြင္းခဲ့ရာမွာ ဂိုးသမား ကာကြယ္ႏိုင္ခဲ့လို႔ အေမရိကန္တို႔ သက္သာရာရခဲ့တာပါ။

ပြဲခ်ိန္ ၆၇ မိနစ္မွာ လုပ္စားမရေတာ့တဲ့ မက္ကင္နီနဲ႔ ဝီယာတို႔အစား ဟာဂ်ီ႐ိုက္နဲ႔ အာ႐ြန္ဆန္တို႔ ဝင္လာခဲ့ၾကၿပီး ပြဲခ်ိန္ ၇၂ မိနစ္မွာ ကူးပ္မိန္နာစ္ရဲ႕ အေဝးကန္ခ်က္နဲ႔ ေနာက္က ပါလာတဲ့ ဒီပိုင္းရဲ႕ အနီးကပ္ ေခါင္းတိုက္ခ်က္ကို အေမရိကန္ဂိုးသမား မတ္တာနာ မယုံႏိုင္ေလာက္ေအာင္ လက္စြမ္းျပ ကာကြယ္သြားခဲ့သလို ပြဲခ်ိန္ ၇၅ မိနစ္မွာေတာ့ ဟာဂ်ီ႐ိုက္ရဲ႕ ထိုးေဖာက္ကန္သြင္းမႈကို ဒမ္းဖရီးစ္က ဂိုးစည္းေရွ႕က ရွင္းထုတ္ခဲ့ရတာပါ။

ပြဲခ်ိန္ ၇၆ မိနစ္မွာေတာ့ အေမရိကန္တို႔ ေခ်ပဂိုးတစ္ဂိုး ရွာေဖြသြားႏိုင္ခဲ့ၾကၿပီး ဒီဂိုးကိုေတာ့ ေထာင့္ကန္ေဘာကေန ျပန္ထြက္လာတဲ့ ေဘာလုံးကို ညာျခမ္းကေန ပူလီရွစ္ခ်္က ဆြဲေျပးၿပီး ဧရိယာထဲကို အနိမ့္ေဘာ ျဖတ္ပို႔မႈကို ဟာဂ်ီ႐ိုက္က ေျခေထာက္နဲ႔ မမီ့တမီ လွမ္းေထာက္ခဲ့ရာမွာ ေဘာလုံးက ေျမာက္တက္ၿပီး ရည္႐ြယ္တဲ့ အနီးတိုင္ထက္ အေဝးတိုင္ဘက္ကို ဝင္သြားခဲ့လို႔ ဂိုးသမား ေနာ့ပတ္ အငိုက္မိၿပီး ဂိုးေပးလိုက္ရတာျဖစ္ပါတယ္။

ပြဲခ်ိန္ ၈၁ မိနစ္မွာေတာ့ နယ္သာလန္တို႔ တတိယဂိုးနဲ႔ အေမရိကန္တို႔ရဲ႕ ေမွ်ာ္လင့္ခ်က္ကို ႐ိုက္ခ်ိဳးသြားႏိုင္ခဲ့ၾကၿပီး ဒီဂိုးကိုေတာ့ ကြင္းလယ္ကေန ဒီယုံးက ဘယ္ျခမ္းကို ခ်ေပးရာမွာ ဘလင္းဒ္က ျဖတ္တင္ေပးခဲ့တာကို ဧရိယာထဲမွာ ေရာ္ဘင္ဆန္ရဲ႕ အားနည္းမႈေၾကာင့္ လူကပ္မခံရဘဲ လြတ္ေနခဲ့တဲ့ ဒမ္းဖရီးစ္က ေသခ်ာအခ်ိန္ယူၿပီးမွ ဘယ္ေျခနဲ႔ အပိုင္ပိတ္သြင္းသြားခဲ့တာပါ။

ပြဲခ်ိန္အျပည့္မွာေတာ့ နယ္သာလန္တို႔ သုံးဂိုး-တစ္ဂိုးနဲ႔ ေအာင္ပြဲခံခဲ့ၿပီး ကြင္းလယ္ကစားအားတစ္ေပါက္တည္းနဲ႔ ရႈံးထြက္အဆင့္ေရာက္လာတဲ့ အေမရိကန္တို႔ကို Soccer မဟုတ္တဲ့ Football ရဲ႕ တကယ့္ေဘာလုံးကစားဟန္က ဘာလဲဆိုတာ ျပသၿပီး အႏိုင္ယူသြားခဲ့သလို ကြာတားဖိုင္နယ္အဆင့္ကို တက္ေရာက္သြားခဲ့ၾကၿပီး လာမယ့္ပြဲမွာေတာ့ အာဂ်င္တီးနားနဲ႔ ဩစေတးလ်တို႔ပြဲက အႏိုင္ရတဲ့ အသင္းနဲ႔ ကစားရေတာ့မွာျဖစ္ပါေၾကာင္း ေဖာ္ျပလိုက္ရပါတယ္။

REF: INTERNET SOURCES
PHOTOS CREDIT TO OWNERS
SPORTS A2Z.