စီးရီးအေရဲ့ နောက်ကျပွဲကျန်တစ်ပွဲဖြစ်တဲ့ ဗီရိုနာနဲ့ အူဒီနီးစီးအသင်းတို့ ပြီးခဲ့တဲ့ တနင်္လာနေ့ညက ကစားခဲ့ကြပြီး စနေ၊ တနင်္ဂနွေမှာ မကစားခဲ့လို့ အဆင့်ကျသွားခဲ့တဲ့ အီတလီ အရှေ့မြောက်ပိုင်းသားတွေအနေနဲ့ ဒီပွဲကို အကောင်းဆုံးကစားပြီး ဂိုးစပေးခဲ့ရပေမယ့် နောက်ကနေ နိုင်ပွဲကို ဖန်တီးရှာဖွေ သွားနိုင်ခဲ့ကြပါတယ်။
အူဒီနီးစီးနည်းပြ အန်ဒရီးယား ဆော့တေးလ်အနေနဲ့ ဒီနေ့ပွဲမှာ ဂိုးသမား ဆီလ်ဗက်စ်ထရီ၊ ခံစစ်မှာ ဘီယောလ်၊ ဘီကာအိုနဲ့ နီအွန် ပီရက်ဇ်တို့ကို ပွဲထုတ်လာခဲ့ပြီး ကွင်းလယ်မှာတော့ လိုဗရစ်ချ်၊ ဝေါလေ့စ်၊ မာကင်ဂို၊ အူဒိုဂီနဲ့ ပါရဲရားတို့ကို ခင်းကျင်းလာခဲ့သလို တိုက်စစ်မှာတော့ ဒူလိုဖူးနဲ့ ဆပ်ဆက်စ်တို့ကို အသုံးပြုခဲ့တာပါ။
အိမ်ရှင် ဗီရိုနာတို့ကတော့ ဂျိုဗန်နီ ဆီမီယွန်နီကို နာပိုလီဆီ ရောင်းထုတ်လိုက်အပြီးမှာ အင်အားချိနဲ့နေခဲ့ပြီး ဂိုးသမား မွန်တီပို၊ ခံစစ်မှာ ဂွန်တာ၊ ဟီယန်၊ ချက်ခယ်ရီနီတို့ကို အထိုင်ချခဲ့သလို ကွင်းလယ်မှာတော့ ဗီလိုဆို၊ တာမဲဇီ၊ ဗာဒီ၊ လာဇိုဗစ်ချ်၊ ဒွိုက်ဂ်တို့နဲ့ စုဖွဲ့လာခဲ့ပြီး တိုက်စစ်မှာတော့ ပစ်ကိုလီနဲ့ အွန်နရီတို့ကို ကစားစေခဲ့တာဖြစ်ပါတယ်။
ပွဲချိန် ၂၃ မိနစ်မှာ ဗီရိုနာတို့ အဖွင့်ဂိုး သွင်းယူနိုင်ခဲ့ကြပြီး ဒီဂိုးကိုတော့ ညာခြမ်းက လာဇိုဗစ်ချ်ရဲ့ ဖြတ်တင်ဘောကို ခေါင်းတိုက်ဖျက်ထုတ်ရာက ပြန်ကျလာချိန်မှာ ဘယ်နောက်ခံလူအဖြစ် ကစားနေတဲ့ စကော့တလန်သား ဒွိုက်ဂ်က ဂိုးဧရိယာထဲကနေ မြေမကျ Volley ကန်သွင်းခဲ့ရာမှာ ညာဘက်တိုင်ခြေကို ဝင်သွားခဲ့လို့ အူဒီနီးစီးတို့ နောက်က လိုက်ကစားခဲ့ရတာပါ။
ပထမပိုင်းမှာ ဗီရိုနာတို့ တစ်ဂိုး-ဂိုးမရှိနဲ့ ဦးဆောင်နေခဲ့တာကြောင့် အူဒီနီးစီးတို့ ဘောလုံးပိုင်ဆိုင်မှု ၆၉ ရာခိုင်နှုန်းအထိ အသာနဲ့ ဖိကစားခဲ့ပြီး ဂိုးကန်သွင်းခွင့် ၂၁ ကြိမ်အထိ လုပ်ဆောင်နိုင်ခဲ့ကြသလို ၈ ကြိမ် ဂိုးပေါက်တည့်ခဲ့တဲ့အထိ အဝေးကွင်းမှာ စိုးမိုးနိုင်တဲ့ ပုံစံကို ပြသွားခဲ့ချိန်မှာ အိမ်ရှင်တွေကတော့ ခံစစ်ပဲ ပိတ်ကစားနေခဲ့ကြတာဖြစ်ပါတယ်။
နည်းပြ ဆော့တေးလ်အနေနဲ့ ပေါ့ဇိုမိသားစု ဂျင်းထည့်ထားလို့ ဝတ်ဖို့ဒ်မှာ လဒူကျပြီးမှ အီတလီကို လွင့်လာခဲ့သလို အလုပ်မဖြစ်တဲ့ တိုက်စစ်က ဆပ်ဆက်စ်အစား ဘီတိုကို ထည့်သွင်းခဲ့ပြီး ကွင်းလယ်မှာလည်း မာကင်ဂိုနဲ့ လိုဗရစ်ချ်တို့အစား ဆမာဂျစ်ချ်နဲ့ အာဆလန်တို့ကို အပြောင်းအလဲလုပ်ခဲ့ရာမှာ အသင်းကစားကွက်က ပိုစီးမိလာခဲ့တာပါ။
ပွဲချိန် မိနစ် ၇၀ မှာတော့ အူဒီနီးစီးတို့ ချေပဂိုး ပြန်လည်သွင်းယူသွားနိုင်ခဲ့ကြပြီး ဒီဂိုးကိုတော့ ကွင်းလယ်က ဆမာဂျစ်ချ်က ဧရိယာထဲကို လှမ်းချပေးတာကို ဒူလိုဖူက တစ်ချက်ထိနဲ့ ဖန်တီးပေးပို့ခဲ့ရာမှာ ဘေးက အဆင်သင့်ရှိနေတဲ့ လူစားဝင်တိုက်စစ်မှူး ဘီတိုက ကန်သွင်းပြီး ပိတ်ကစားနေတဲ့ ဗီရိုနာတို့ကို အသည်းခွဲနိုင်ခဲ့တာဖြစ်ပါတယ်။
ပွဲချိန်မိနစ် ၉၀ အထိ သရေကျနေခဲ့ကြပေမယ့် နာကျင်အချိန်ပို ၂ မိနစ်မှာတော့ အူဒီနီးစီးတို့ပဲ လိုအပ်နေတဲ့ နိုင်ပွဲကို ရှာဖွေသွားနိုင်ခဲ့ကြပြီး ဒီဂိုးကိုတော့ ဘယ်ခြမ်းမှာ ရတဲ့ ဖရီးကစ်ကနေ ပထမဂိုးမှာ အရေးပါတဲ့ ပေးပို့မှုကို ပြုလုပ်ခဲ့သူ ဆမာဂျစ်ချ်ကပဲ အဝေးတိုင်ဘက်ကို ဖြတ်တင်ပေးရာမှာ နောက်ခံလူ ဘီယောလ်က ခေါင်းတိုက်သွင်းယူနိုင်ခဲ့တာပါ။
ပွဲချိန်အပြည့်မှာတော့ အူဒီနီးစီးတို့ အဝေးကွင်းမှာ ဗီရိုနာတို့အပေါ် နှစ်ဂိုး-ဂိုးမရှိနဲ့ အောင်ပွဲခံနိုင်ခဲ့တာကြောင့် ဒီရာသီမှာ ခြေအမှန်ဆုံးနဲ့ အတည်ငြိမ်ဆုံးအသင်းတွေထဲက တစ်သင်းအဖြစ် ရပ်တည်နေခဲ့ပြီး စီးရီးအေ အမှတ်ပေးဇယားမှာလည်း ၈ ပွဲကစား ၆ ပွဲနိုင်၊ ၁ ပွဲသရေ၊ ၁ ပွဲရှုံး၊ ရမှတ် ၁၉ မှတ်နဲ့ ထိပ်ဆုံးနှစ်သင်းနဲ့ တစ်မှတ်အကွာ တတိယနေရာကို တက်ရောက်လာနိုင်ခဲ့ပါကြောင်း ဖော်ပြလိုက်ရပါတယ်။
REF: INTERNET SOURCES
PHOTOS CREDIT TO OWNERS
SPORTS A2Z.
ZAWGYI:
စီးရီးေအရဲ႕ ေနာက္က်ပြဲက်န္တစ္ပြဲျဖစ္တဲ့ ဗီ႐ိုနာနဲ႔ အူဒီနီးစီးအသင္းတို႔ ၿပီးခဲ့တဲ့ တနလၤာေန႔ညက ကစားခဲ့ၾကၿပီး စေန၊ တနဂၤေႏြမွာ မကစားခဲ့လို႔ အဆင့္က်သြားခဲ့တဲ့ အီတလီ အေရွ႕ေျမာက္ပိုင္းသားေတြအေနနဲ႔ ဒီပြဲကို အေကာင္းဆုံးကစားၿပီး ဂိုးစေပးခဲ့ရေပမယ့္ ေနာက္ကေန ႏိုင္ပြဲကို ဖန္တီးရွာေဖြ သြားႏိုင္ခဲ့ၾကပါတယ္။
အူဒီနီးစီးနည္းျပ အန္ဒရီးယား ေဆာ့ေတးလ္အေနနဲ႔ ဒီေန႔ပြဲမွာ ဂိုးသမား ဆီလ္ဗက္စ္ထရီ၊ ခံစစ္မွာ ဘီေယာလ္၊ ဘီကာအိုနဲ႔ နီအြန္ ပီရက္ဇ္တို႔ကို ပြဲထုတ္လာခဲ့ၿပီး ကြင္းလယ္မွာေတာ့ လိုဗရစ္ခ်္၊ ေဝါေလ့စ္၊ မာကင္ဂို၊ အူဒိုဂီနဲ႔ ပါရဲရားတို႔ကို ခင္းက်င္းလာခဲ့သလို တိုက္စစ္မွာေတာ့ ဒူလိုဖူးနဲ႔ ဆပ္ဆက္စ္တို႔ကို အသုံးျပဳခဲ့တာပါ။
အိမ္ရွင္ ဗီ႐ိုနာတို႔ကေတာ့ ဂ်ိဳဗန္နီ ဆီမီယြန္နီကို နာပိုလီဆီ ေရာင္းထုတ္လိုက္အၿပီးမွာ အင္အားခ်ိနဲ႔ေနခဲ့ၿပီး ဂိုးသမား မြန္တီပို၊ ခံစစ္မွာ ဂြန္တာ၊ ဟီယန္၊ ခ်က္ခယ္ရီနီတို႔ကို အထိုင္ခ်ခဲ့သလို ကြင္းလယ္မွာေတာ့ ဗီလိုဆို၊ တာမဲဇီ၊ ဗာဒီ၊ လာဇိုဗစ္ခ်္၊ ဒြိဳက္ဂ္တို႔နဲ႔ စုဖြဲ႕လာခဲ့ၿပီး တိုက္စစ္မွာေတာ့ ပစ္ကိုလီနဲ႔ အြန္နရီတို႔ကို ကစားေစခဲ့တာျဖစ္ပါတယ္။
ပြဲခ်ိန္ ၂၃ မိနစ္မွာ ဗီ႐ိုနာတို႔ အဖြင့္ဂိုး သြင္းယူႏိုင္ခဲ့ၾကၿပီး ဒီဂိုးကိုေတာ့ ညာျခမ္းက လာဇိုဗစ္ခ်္ရဲ႕ ျဖတ္တင္ေဘာကို ေခါင္းတိုက္ဖ်က္ထုတ္ရာက ျပန္က်လာခ်ိန္မွာ ဘယ္ေနာက္ခံလူအျဖစ္ ကစားေနတဲ့ စေကာ့တလန္သား ဒြိဳက္ဂ္က ဂိုးဧရိယာထဲကေန ေျမမက် Volley ကန္သြင္းခဲ့ရာမွာ ညာဘက္တိုင္ေျခကို ဝင္သြားခဲ့လို႔ အူဒီနီးစီးတို႔ ေနာက္က လိုက္ကစားခဲ့ရတာပါ။
ပထမပိုင္းမွာ ဗီ႐ိုနာတို႔ တစ္ဂိုး-ဂိုးမရွိနဲ႔ ဦးေဆာင္ေနခဲ့တာေၾကာင့္ အူဒီနီးစီးတို႔ ေဘာလုံးပိုင္ဆိုင္မႈ ၆၉ ရာခိုင္ႏႈန္းအထိ အသာနဲ႔ ဖိကစားခဲ့ၿပီး ဂိုးကန္သြင္းခြင့္ ၂၁ ႀကိမ္အထိ လုပ္ေဆာင္ႏိုင္ခဲ့ၾကသလို ၈ ႀကိမ္ ဂိုးေပါက္တည့္ခဲ့တဲ့အထိ အေဝးကြင္းမွာ စိုးမိုးႏိုင္တဲ့ ပုံစံကို ျပသြားခဲ့ခ်ိန္မွာ အိမ္ရွင္ေတြကေတာ့ ခံစစ္ပဲ ပိတ္ကစားေနခဲ့ၾကတာျဖစ္ပါတယ္။
နည္းျပ ေဆာ့ေတးလ္အေနနဲ႔ ေပါ့ဇိုမိသားစု ဂ်င္းထည့္ထားလို႔ ဝတ္ဖို႔ဒ္မွာ လဒူက်ၿပီးမွ အီတလီကို လြင့္လာခဲ့သလို အလုပ္မျဖစ္တဲ့ တိုက္စစ္က ဆပ္ဆက္စ္အစား ဘီတိုကို ထည့္သြင္းခဲ့ၿပီး ကြင္းလယ္မွာလည္း မာကင္ဂိုနဲ႔ လိုဗရစ္ခ်္တို႔အစား ဆမာဂ်စ္ခ်္နဲ႔ အာဆလန္တို႔ကို အေျပာင္းအလဲလုပ္ခဲ့ရာမွာ အသင္းကစားကြက္က ပိုစီးမိလာခဲ့တာပါ။
ပြဲခ်ိန္ မိနစ္ ၇၀ မွာေတာ့ အူဒီနီးစီးတို႔ ေခ်ပဂိုး ျပန္လည္သြင္းယူသြားႏိုင္ခဲ့ၾကၿပီး ဒီဂိုးကိုေတာ့ ကြင္းလယ္က ဆမာဂ်စ္ခ်္က ဧရိယာထဲကို လွမ္းခ်ေပးတာကို ဒူလိုဖူက တစ္ခ်က္ထိနဲ႔ ဖန္တီးေပးပို႔ခဲ့ရာမွာ ေဘးက အဆင္သင့္ရွိေနတဲ့ လူစားဝင္တိုက္စစ္မႉး ဘီတိုက ကန္သြင္းၿပီး ပိတ္ကစားေနတဲ့ ဗီ႐ိုနာတို႔ကို အသည္းခြဲႏိုင္ခဲ့တာျဖစ္ပါတယ္။
ပြဲခ်ိန္မိနစ္ ၉၀ အထိ သေရက်ေနခဲ့ၾကေပမယ့္ နာက်င္အခ်ိန္ပို ၂ မိနစ္မွာေတာ့ အူဒီနီးစီးတို႔ပဲ လိုအပ္ေနတဲ့ ႏိုင္ပြဲကို ရွာေဖြသြားႏိုင္ခဲ့ၾကၿပီး ဒီဂိုးကိုေတာ့ ဘယ္ျခမ္းမွာ ရတဲ့ ဖရီးကစ္ကေန ပထမဂိုးမွာ အေရးပါတဲ့ ေပးပို႔မႈကို ျပဳလုပ္ခဲ့သူ ဆမာဂ်စ္ခ်္ကပဲ အေဝးတိုင္ဘက္ကို ျဖတ္တင္ေပးရာမွာ ေနာက္ခံလူ ဘီေယာလ္က ေခါင္းတိုက္သြင္းယူႏိုင္ခဲ့တာပါ။
ပြဲခ်ိန္အျပည့္မွာေတာ့ အူဒီနီးစီးတို႔ အေဝးကြင္းမွာ ဗီ႐ိုနာတို႔အေပၚ ႏွစ္ဂိုး-ဂိုးမရွိနဲ႔ ေအာင္ပြဲခံႏိုင္ခဲ့တာေၾကာင့္ ဒီရာသီမွာ ေျခအမွန္ဆုံးနဲ႔ အတည္ၿငိမ္ဆုံးအသင္းေတြထဲက တစ္သင္းအျဖစ္ ရပ္တည္ေနခဲ့ၿပီး စီးရီးေအ အမွတ္ေပးဇယားမွာလည္း ၈ ပြဲကစား ၆ ပြဲႏိုင္၊ ၁ ပြဲသေရ၊ ၁ ပြဲရႈံး၊ ရမွတ္ ၁၉ မွတ္နဲ႔ ထိပ္ဆုံးႏွစ္သင္းနဲ႔ တစ္မွတ္အကြာ တတိယေနရာကို တက္ေရာက္လာႏိုင္ခဲ့ပါေၾကာင္း ေဖာ္ျပလိုက္ရပါတယ္။
REF: INTERNET SOURCES
PHOTOS CREDIT TO OWNERS
SPORTS A2Z.
