International Match Report

ဒိန်းမတ်တို့ ရှုံးပွဲတွေ့ခဲ့ပြီး ခရိုအေးရှားတို့ ပြန်လာနိုင်ခဲ့တဲ့ နေးရှင်းလိဂ်ပွဲ

အိမ်ရှင် ဒိန်းမတ်အသင်းအနေနဲ့ ဒီနေ့မှာ ဂိုးသမား ရှမိုက်ကယ်၊ ခံစစ်မှာ အန်ဒါဆန်၊ ခရစ္စတင်ဆန်၊ ဗာ့စ်နဲ့ မေလီတို့ကို သုံးယောက်တန်း မကစားတော့ဘဲ လေးယောက်တန်း ပြန်သုံးခဲ့ပြီး ကွင်းလယ်မှာ ဒီလေးနီ၊ ဟွိုင်ဘယာ့ဂ်နဲ့ အဲရစ်ဆန်တို့ ကစားခဲ့သလို တိုက်စစ်မှာတော့ ကော်နယ်လီးယပ်စ်ကို ဒမ်းစ်ဂါ့ဒ်နဲ့ စကော့ဗ် အောလ်ဆန်တို့ ရံပြီး ပွဲထွက်ကစားလာခဲ့တာဖြစ်ပါတယ်။

ဧည့်သည် ခရိုအေးရှားတို့ကတော့ ဂိုးသမား လီဗာကိုဗစ်ချ်၊ ခံစစ်မှာ ရှူတာလို၊ အာလစ်ချ်၊ ဗာဆယ်လ်ကိုနဲ့ ယူရာနိုဗစ်ချ်တို့ကို ခင်းကျင်းလာခဲ့ပြီး ကွင်းလယ်မှာတော့ ဘရိုဇိုဗစ်ချ်၊ ယာကစ်ချ်နဲ့ ပါဆာလစ်ချ်တို့ ကစားခဲ့ကြသလို တိုက်စစ်မှာတော့ အော်ရှစ်ချ်၊ အီဗန်နူရှက်ချ်နဲ့ ကရာမာရစ်ချ်တို့ကို အသုံးပြုလာခဲ့တာပါ။

ကော်နယ်လီးယပ်စ်ရဲ့ ပွဲချိန် ၇ မိနစ် ကန်ချက်က ဘားကျော်သွားခဲ့သလို ဘယ်တောင်ပံကနေ အဲရစ်ဆန် ပိတ်သွင်းနိုင်ဖို့ ချိုးပေးရမယ့်အစား မေလီရဲ့ တစ်ကိုယ်ကောင်းဆန်တဲ့ ကန်ချက်ကြောင့် ဒိန်းမတ်တို့ အပိုင်အခွင့်အရေးတွေ နစ်နာခဲ့ရပြီး ပုံစံကောင်းမှာ ရှိမနေတဲ့ ခရိုအေးရှားတို့ကတော့ သက်သာခွင့်ရခဲ့တာဖြစ်ပါတယ်။

ပထမပိုင်းမှာ ဒိန်းမတ်တို့ချည်း ဘောလုံးပိုင်ဆိုင်မှုအသာနဲ့ ဖိကစားနေခဲ့ပေမယ့် သူတို့ရဲ့ အဆုံးသတ်ပိုင်းကတော့ တော်တော်လေး ဆိုးရွားခဲ့သလို အထူးသဖြင့် ဧရိယာအပြင်က ကန်သွင်းချက်တွေမှာ ဂိုးသမား လီဗာကိုဗစ်ချ်ကို ခြိမ်းခြောက်နိုင်မှု နည်းပါးခဲ့ပြီး ပွဲချိန် မိနစ် ၄၀ က ကော်နယ်လီးယပ်စ်ရဲ့ ကန်ချက်တစ်ခုတည်းကိုသာ ပုတ်ထုတ်ခဲ့ရတာဖြစ်လို့ ဂိုးမရှိသရေနဲ့ ပြီးဆုံးခဲ့တာပါ။

ဒုတိယပိုင်း ပြန်အစမှာတော့ ခံစစ်ဦးစားပေးနောက်ခံလူ ဗာဆယ်လ်ကိုအစား ဘိုင်ယန်မြူးနစ်ကစားသမား စတန်နီရှစ်ချ် ဝင်လာခဲ့သလို အီဗန်နူရှက်ချ်အစား မိုဒရစ်ချ်ကိုပါ ထည့်သွင်းလိုက်တာကြောင့် ခရိုအေးရှားတို့ရဲ့ ကွင်းလယ်ကစားကွက်က ပိုကောင်းလာခဲ့ပြီး ပထမပိုင်းကလိုမျိုး ဒိန်းမတ်ရဲ့ ဖိအားကို မခံစားရတော့ဘဲ ပြန်လည်ထိုးဖောက်လာနိုင်ခဲ့ကြပါတယ်။

ခရိုအေးရှားတို့ဘက်က အော်ရှစ်ချ်အစား ဗလာရှစ်ချ်ကို ထပ်ထည့်ခဲ့ချိန်မှာ ဒိန်းမတ်တို့ဘက်ကတော့ ဗာ့စ်အစား ရက်စ်မတ် ခရစ္စတင်ဆန်၊ ကော်နယ်လီးယပ်စ်အစား ဗင်းဒ်၊ ဒမ်းစ်ဂါ့ဒ်အစား ဘရိတ်သ်ဝိတ်တို့ကို ပြောင်းလဲထည့်သွင်းသွားခဲ့ပေမယ့် ဘောလုံးကို ပွဲကြည့်စင်ဆီ ဘယ်လို ကန်ရမလဲဆိုတာ သိပ်ကို သိနေတဲ့ အိမ်ရှင်တွေကတော့ ဂိုးမရနိုင်ဘဲဖြစ်နေခဲ့ကြတာပါ။

ပွဲချိန် ၆၉ မိနစ်မှာတော့ မိုဒရစ်ချ် အားကိုးနဲ့ မိုက်နေတဲ့ ခရိုအေးရှားတို့ အဖွင့်ဂိုး စတင်ရယူနိုင်ခဲ့ကြပြီး ဒီဂိုးကိုတော့ ထောင့်ကန်ဘောကနေ အတိုပေးပြီး ဘရိုဇိုဗစ်ချ်ရဲ့ ပေးပို့မှုက ဒိန်းမတ်ခံစစ်နဲ့ ထိပြီး ထွက်လာတာကို အထွက်နောက်ကျနေတဲ့ ရှမိုက်ကယ်ရဲ့ ခြေကြားကနေ ပါဆာလစ်ချ်က ကန်သွင်းယူနိုင်ခဲ့လို့ ဧည့်သည်တွေ ဦးဆောင်နိုင်ခဲ့ကြပါတယ်။

ဂိုးပေးရအပြီးမှာတော့ ဒိန်းမတ်တို့ တိုက်စစ်မြှင့်ဖို့ အော်လ်ဆန်အစား ယူဆွတ်ဖ် ပေါ်လ်ဆန်ကို ထည့်သွင်းလာခဲ့ပြီး ဘောလုံးက ဂိုးရှေ့မှာ ဝဲအောင် စွမ်းဆောင်နိုင်ခဲ့ပေမယ့် ဘရိတ်သ်ဝိတ်တို့အဖွဲ့ ဖြုန်းတီးပစ်ခဲ့ကြသလို ခရိုအေးရှားဘက်ကလည်း ရှေ့မှာ အလုပ်မဖြစ်တဲ့ ကရာမာရစ်ချ်အစား ဘူဒီမီယာကို ထည့်သွင်းခဲ့တာပါ။

ပွဲချိန် ၈၇ မိနစ်မှာ ဒိန်းမတ်တိုက်စစ်မှူး ဗင်းဒ်က ချေပဂိုးသွင်းယူနိုင်ခဲ့ပေမယ့် လူအနည်းငယ်ကျွံနေတာကြောင့် ပယ်ဖျက်ခံခဲ့ရပြီး လက်ကျန် ပွဲချိန်တွေမှာတော့ ခရိုအေးရှားတို့ ခံစစ်ပိတ်ကစားသွားနိုင်ခဲ့လို့ ပွဲသိမ်းခရာမှုတ်ချိန်မှာ အဖိုးတန် အဝေးကွင်းနိုင်ပွဲကို ရယူနိုင်ခဲ့ကြတာဖြစ်ပါတယ်။

ဒီပွဲရလဒ်ကြောင့် ပြင်သစ်၊ ဩစတြီးယား၊ ဒိန်းမတ်တို့နဲ့ ယှဉ်ပြိုင်ကစားနေတဲ့ နေးရှင်းလိဂ်(A) အုပ်စု(၁)မှာ ခရိုအေးရှားတို့ သုံးပွဲကစား တစ်ပွဲနိုင် တစ်ပွဲသရေ တစ်ပွဲရှုံး၊ ရမှတ် ၄ မှတ်နဲ့ အုပ်စုကနေ တက်နိုင်ဖို့ မျှော်လင့်ချက်တွေ ပြန်လည်ရှင်သန်လာနိုင်ခဲ့ပြီး Head to Head အရပါ ဒိန်းမတ်ကို အသာရနိုင်တဲ့ လမ်းကြောင်းပေါ်ကို ရောက်ရှိသွားခဲ့ပါကြောင်း ဖော်ပြလိုက်ရပါတယ်။

REF: INTERNET SOURCES
PHOTOS CREDIT TO OWNERS
SPORTS A2Z.

ZAWGYI:

အိမ္ရွင္ ဒိန္းမတ္အသင္းအေနနဲ႔ ဒီေန႔မွာ ဂိုးသမား ရွမိုက္ကယ္၊ ခံစစ္မွာ အန္ဒါဆန္၊ ခရစၥတင္ဆန္၊ ဗာ့စ္နဲ႔ ေမလီတို႔ကို သုံးေယာက္တန္း မကစားေတာ့ဘဲ ေလးေယာက္တန္း ျပန္သုံးခဲ့ၿပီး ကြင္းလယ္မွာ ဒီေလးနီ၊ ဟြိဳင္ဘယာ့ဂ္နဲ႔ အဲရစ္ဆန္တို႔ ကစားခဲ့သလို တိုက္စစ္မွာေတာ့ ေကာ္နယ္လီးယပ္စ္ကို ဒမ္းစ္ဂါ့ဒ္နဲ႔ စေကာ့ဗ္ ေအာလ္ဆန္တို႔ ရံၿပီး ပြဲထြက္ကစားလာခဲ့တာျဖစ္ပါတယ္။

ဧည့္သည္ ခ႐ိုေအးရွားတို႔ကေတာ့ ဂိုးသမား လီဗာကိုဗစ္ခ်္၊ ခံစစ္မွာ ရႉတာလို၊ အာလစ္ခ်္၊ ဗာဆယ္လ္ကိုနဲ႔ ယူရာႏိုဗစ္ခ်္တို႔ကို ခင္းက်င္းလာခဲ့ၿပီး ကြင္းလယ္မွာေတာ့ ဘ႐ိုဇိုဗစ္ခ်္၊ ယာကစ္ခ်္နဲ႔ ပါဆာလစ္ခ်္တို႔ ကစားခဲ့ၾကသလို တိုက္စစ္မွာေတာ့ ေအာ္ရွစ္ခ်္၊ အီဗန္ႏူရွက္ခ်္နဲ႔ ကရာမာရစ္ခ်္တို႔ကို အသုံးျပဳလာခဲ့တာပါ။

ေကာ္နယ္လီးယပ္စ္ရဲ႕ ပြဲခ်ိန္ ၇ မိနစ္ ကန္ခ်က္က ဘားေက်ာ္သြားခဲ့သလို ဘယ္ေတာင္ပံကေန အဲရစ္ဆန္ ပိတ္သြင္းႏိုင္ဖို႔ ခ်ိဳးေပးရမယ့္အစား ေမလီရဲ႕ တစ္ကိုယ္ေကာင္းဆန္တဲ့ ကန္ခ်က္ေၾကာင့္ ဒိန္းမတ္တို႔ အပိုင္အခြင့္အေရးေတြ နစ္နာခဲ့ရၿပီး ပုံစံေကာင္းမွာ ရွိမေနတဲ့ ခ႐ိုေအးရွားတို႔ကေတာ့ သက္သာခြင့္ရခဲ့တာျဖစ္ပါတယ္။

ပထမပိုင္းမွာ ဒိန္းမတ္တို႔ခ်ည္း ေဘာလုံးပိုင္ဆိုင္မႈအသာနဲ႔ ဖိကစားေနခဲ့ေပမယ့္ သူတို႔ရဲ႕ အဆုံးသတ္ပိုင္းကေတာ့ ေတာ္ေတာ္ေလး ဆိုး႐ြားခဲ့သလို အထူးသျဖင့္ ဧရိယာအျပင္က ကန္သြင္းခ်က္ေတြမွာ ဂိုးသမား လီဗာကိုဗစ္ခ်္ကို ၿခိမ္းေျခာက္ႏိုင္မႈ နည္းပါးခဲ့ၿပီး ပြဲခ်ိန္ မိနစ္ ၄၀ က ေကာ္နယ္လီးယပ္စ္ရဲ႕ ကန္ခ်က္တစ္ခုတည္းကိုသာ ပုတ္ထုတ္ခဲ့ရတာျဖစ္လို႔ ဂိုးမရွိသေရနဲ႔ ၿပီးဆုံးခဲ့တာပါ။

ဒုတိယပိုင္း ျပန္အစမွာေတာ့ ခံစစ္ဦးစားေပးေနာက္ခံလူ ဗာဆယ္လ္ကိုအစား ဘိုင္ယန္ျမဴးနစ္ကစားသမား စတန္နီရွစ္ခ်္ ဝင္လာခဲ့သလို အီဗန္ႏူရွက္ခ်္အစား မိုဒရစ္ခ်္ကိုပါ ထည့္သြင္းလိုက္တာေၾကာင့္ ခ႐ိုေအးရွားတို႔ရဲ႕ ကြင္းလယ္ကစားကြက္က ပိုေကာင္းလာခဲ့ၿပီး ပထမပိုင္းကလိုမ်ိဳး ဒိန္းမတ္ရဲ႕ ဖိအားကို မခံစားရေတာ့ဘဲ ျပန္လည္ထိုးေဖာက္လာႏိုင္ခဲ့ၾကပါတယ္။

ခ႐ိုေအးရွားတို႔ဘက္က ေအာ္ရွစ္ခ်္အစား ဗလာရွစ္ခ်္ကို ထပ္ထည့္ခဲ့ခ်ိန္မွာ ဒိန္းမတ္တို႔ဘက္ကေတာ့ ဗာ့စ္အစား ရက္စ္မတ္ ခရစၥတင္ဆန္၊ ေကာ္နယ္လီးယပ္စ္အစား ဗင္းဒ္၊ ဒမ္းစ္ဂါ့ဒ္အစား ဘရိတ္သ္ဝိတ္တို႔ကို ေျပာင္းလဲထည့္သြင္းသြားခဲ့ေပမယ့္ ေဘာလုံးကို ပြဲၾကည့္စင္ဆီ ဘယ္လို ကန္ရမလဲဆိုတာ သိပ္ကို သိေနတဲ့ အိမ္ရွင္ေတြကေတာ့ ဂိုးမရႏိုင္ဘဲျဖစ္ေနခဲ့ၾကတာပါ။

ပြဲခ်ိန္ ၆၉ မိနစ္မွာေတာ့ မိုဒရစ္ခ်္ အားကိုးနဲ႔ မိုက္ေနတဲ့ ခ႐ိုေအးရွားတို႔ အဖြင့္ဂိုး စတင္ရယူႏိုင္ခဲ့ၾကၿပီး ဒီဂိုးကိုေတာ့ ေထာင့္ကန္ေဘာကေန အတိုေပးၿပီး ဘ႐ိုဇိုဗစ္ခ်္ရဲ႕ ေပးပို႔မႈက ဒိန္းမတ္ခံစစ္နဲ႔ ထိၿပီး ထြက္လာတာကို အထြက္ေနာက္က်ေနတဲ့ ရွမိုက္ကယ္ရဲ႕ ေျခၾကားကေန ပါဆာလစ္ခ်္က ကန္သြင္းယူႏိုင္ခဲ့လို႔ ဧည့္သည္ေတြ ဦးေဆာင္ႏိုင္ခဲ့ၾကပါတယ္။

ဂိုးေပးရအၿပီးမွာေတာ့ ဒိန္းမတ္တို႔ တိုက္စစ္ျမႇင့္ဖို႔ ေအာ္လ္ဆန္အစား ယူဆြတ္ဖ္ ေပၚလ္ဆန္ကို ထည့္သြင္းလာခဲ့ၿပီး ေဘာလုံးက ဂိုးေရွ႕မွာ ဝဲေအာင္ စြမ္းေဆာင္ႏိုင္ခဲ့ေပမယ့္ ဘရိတ္သ္ဝိတ္တို႔အဖြဲ႕ ျဖဳန္းတီးပစ္ခဲ့ၾကသလို ခ႐ိုေအးရွားဘက္ကလည္း ေရွ႕မွာ အလုပ္မျဖစ္တဲ့ ကရာမာရစ္ခ်္အစား ဘူဒီမီယာကို ထည့္သြင္းခဲ့တာပါ။

ပြဲခ်ိန္ ၈၇ မိနစ္မွာ ဒိန္းမတ္တိုက္စစ္မႉး ဗင္းဒ္က ေခ်ပဂိုးသြင္းယူႏိုင္ခဲ့ေပမယ့္ လူအနည္းငယ္ကြၽံေနတာေၾကာင့္ ပယ္ဖ်က္ခံခဲ့ရၿပီး လက္က်န္ ပြဲခ်ိန္ေတြမွာေတာ့ ခ႐ိုေအးရွားတို႔ ခံစစ္ပိတ္ကစားသြားႏိုင္ခဲ့လို႔ ပြဲသိမ္းခရာမႈတ္ခ်ိန္မွာ အဖိုးတန္ အေဝးကြင္းႏိုင္ပြဲကို ရယူႏိုင္ခဲ့ၾကတာျဖစ္ပါတယ္။

ဒီပြဲရလဒ္ေၾကာင့္ ျပင္သစ္၊ ဩစႀတီးယား၊ ဒိန္းမတ္တို႔နဲ႔ ယွဥ္ၿပိဳင္ကစားေနတဲ့ ေနးရွင္းလိဂ္(A) အုပ္စု(၁)မွာ ခ႐ိုေအးရွားတို႔ သုံးပြဲကစား တစ္ပြဲႏိုင္ တစ္ပြဲသေရ တစ္ပြဲရႈံး၊ ရမွတ္ ၄ မွတ္နဲ႔ အုပ္စုကေန တက္ႏိုင္ဖို႔ ေမွ်ာ္လင့္ခ်က္ေတြ ျပန္လည္ရွင္သန္လာႏိုင္ခဲ့ၿပီး Head to Head အရပါ ဒိန္းမတ္ကို အသာရႏိုင္တဲ့ လမ္းေၾကာင္းေပၚကို ေရာက္ရွိသြားခဲ့ပါေၾကာင္း ေဖာ္ျပလိုက္ရပါတယ္။

REF: INTERNET SOURCES
PHOTOS CREDIT TO OWNERS
SPORTS A2Z.