International Match Report

နာမည်ကြီး ခရိုအေးရှားကို အဝေးကွင်းမှာ ဂိုးပြတ်သိပ်ထည့်လိုက်တဲ့ ဩစတြီးယား

ခရိုအေးရှားအသင်းအနေနဲ့ ဒီနေ့မှာ အိမ်ကွင်းမှာ လက်ခံကစားခဲ့ရပြီး ဂိုးသမား အီဗူရှစ်ချ်၊ ခံစစ်မှာ ချာလက်တာ-ဆာ၊ ပွန်ဂရာချစ်၊ ယူရာနိုဗစ်ချ်၊ ဆိုဆာတို့နဲ့ ပွဲထွက်လာခဲ့ပြီး ကွင်းလယ်မှာတော့ မိုဒရစ်ချ်ကို အရန်ခုံမှာ ထားခဲ့ပြီး ဘရိုဇိုဗစ်ချ်၊ ကိုဗာချစ်၊ မေယာ၊ ဘရက်ကာလိုနဲ့ ပါဆာလစ်ချ်တို့ ကစားခဲ့ကြသလို တိုက်စစ်မှာတော့ ကရာမာရစ်ချ်တစ်ဦးတည်းကို အထောင်ထားလာခဲ့ပါတယ်။

ဧည့်သည် ဩစတြီးယားတို့ကတော့ နည်းပြ ရန်းနစ်ခ်ရဲ့ လမ်းညွှန်မှုအောက်မှာ ဂိုးသမား လင်ဒါ၊ ခံစစ်မှာ ထရော်နာ၊ ဒန်ဆိုနဲ့ ဗိုးဘားတို့ကို အထိုင်ချခဲ့ပြီး ကွင်းလယ်မှာတော့ ရှလေဂါ၊ လိုင်မာ၊ ဆာဘစ်ဇာ၊ ဗိုင်းမန်းနဲ့ လိန်နာတို့ကို စုဖွဲ့ပေးခဲ့ပြီး တိုက်စစ်မှာ အိုနီဆီဝို၊ အာနော်တိုဗစ်ချ်တို့နဲ့ ၃-၅-၂ ပုံစံ ကစားလာခဲ့ကြတာပါ။

မိုဒရစ်ချ်ကို အရန်ခုံမှာ ထားခဲ့တဲ့ ခရိုအေးရှားတို့ရဲ့ တိုက်စစ်ပိုင်း ဖန်တီးမှုနဲ့ End Product တွေကတော့ သိပ်ပြီး အလုပ်မဖြစ်ခဲ့သလို နာမည်ကြီး တိုက်စစ်မှူးတွေ ရှားပါလာခဲ့တာကလည်း သူတို့အတွက်တော့ မျိုးဆက်သစ် ပေါ်ထွက်ဖို့ ရုန်းကန်ရဆဲဖြစ်နေသလို ဝါရင့်ကစားသမားတွေကိုပဲ မှီခိုနေခဲ့ရတာဖြစ်ပါတယ်။

ပွဲချိန် ၄၁ မိနစ်မှာ ဩစတြီးယားတို့ အဖွင့်ဂိုး ရယူသွားခဲ့ကြပြီး ဒီဂိုးကိုတော့ ကွင်းလယ်ကနေ အိုနီဆီဝို ပေးတာကို ဘောလုံးရသွားခဲ့တဲ့ အာနော်တိုဗစ်ချ်က အလယ်ကြောတစ်လျှောက် ဆွဲပြေးပြီး ဂိုးဧရိယာထိပ်ကနေ ကန်သွင်းခဲ့ရာမှာ ခရိုအေးရှားဂိုးသမား အီဗူရှစ်ချ် မကာကွယ်နိုင်ခဲ့လို့ ဧည့်သည်တွေ စတင်ဦးဆောင်ခဲ့ပြီး ပထမပိုင်းမှာ တစ်ဂိုး-ဂိုးမရှိဖြစ်နေခဲ့ပါတယ်။

ခရိုအေးရှားတို့ ဘောလုံးပိုင်ဆိုင်မှု အသာနဲ့ ကစားနိုင်ခဲ့တဲ့ ဒီနေ့ပွဲမှာ ဒုတိယပိုင်းမှာလည်း ဆက်လက်ဖိကစားနေခဲ့ပေမယ့် အဆုံးသတ်ပိုင်းတွေ အားရစရာ မရှိခဲ့တာကြောင့် တိုက်စစ်က ဘဲဥမကွဲဘဲဖြစ်နေခဲ့သလို ဩစတြီးယားရဲ့ သိပ်အထင်ကြီးစရာ နာမည်တွေ မပါပေမယ့် မာကျောကျစ်လျစ်နေတဲ့ ခံစစ်ကို မကျော်နိုင်ခဲ့ဘဲဖြစ်နေခဲ့တာပါ။

ပွဲချိန် ၅၄ မိနစ်မှာတော့ ဂိုးလိုနေတဲ့ အိမ်ရှင်တွေကို ဩစတြီးယားတို့ပဲ ထပ်သုတ်သွားနိုင်ခဲ့ပြီး ဒုတိယဦးဆောင်ဂိုး ရယူသွားနိုင်ခဲ့သလို ဒီဂိုးကိုတော့ ကွင်းလယ်ကနေ ဘောလုံးပြန်ရလာခဲ့တဲ့ ဗိုးဘားရဲ့ ပေးပို့မှုကို ဒုတိယပိုင်းအစမှာ အိုနီဆီဝိုအစား ဝင်ကစားရဲ့ ဂရီဂေါ်ရစ်ရှ်က ဘယ်ခြေကန်ချက်နဲ့ အဆုံးသတ်သွားနိုင်ခဲ့တာဖြစ်ပါတယ်။

နောက်ထပ် သုံးမိနစ်အကြာ ပွဲချိန် ၅၇ မိနစ်မှာတော့ ဩစတြီးယားတို့ပဲ တတိယဂိုး ရယူသွားခဲ့ပြီး ဒီဂိုးကိုတော့ နောက်ခံလူ ဗိုးဘားရဲ့ ဖန်တီးပေးပို့မှုကနေ ရလာခဲ့တဲ့ ဘောလုံးကို ကွင်းလယ်လူ ဆာဘစ်ဇာက ဧရိယာအပြင်ကနေ ကန်သွင်းသွားခဲ့ပြီး သုံးဂိုး-ဂိုးမရှိဖြစ်နေခဲ့တာပါ။

သုံးဂိုးပြတ်သွားအပြီးမှာတော့ ခရိုအေးရှားတို့ဘက်က မိုဒရစ်ချ်ကို မေယာအစား လူစားလဲသွားခဲ့ပြီး တိုက်စစ်ပိုင်းမှာလည်း ကိုဗာချစ်အစား အော်ရှစ်ချ်ကို ထည့်သွင်းသွားခဲ့ပေမယ့် ဩစတြီးယားတို့ဘက်ကလည်း ခံစစ်အားသန် ကစားသမားတွေကို ထည့်ကစားပြီး အိမ်ရှင်တွေကို ဘောလုံးပေးကိုင်ပြီးမှ ပိတ်ကစားဖို့ လုပ်သွားခဲ့ပါတယ်။

ပွဲချိန်အပြည့်မှာတော့ ကမ္ဘာ့အဆင့်ကစားသမားတွေ ပါဝင်တဲ့ အိမ်ရှင် ခရိုအေးရှားတို့ နာမည်ကြီး ထမင်းငတ်ဖြစ်ခဲ့ရပြီး အိမ်ကွင်းမှာ ဘဲဥမကွဲဘဲ သုံးဂိုး-ဂိုးမရှိနဲ့ ရှုံးနိမ့်ခဲ့ရသလို အဝေးကွင်းနိုင်ပွဲ ရယူနိုင်ခဲ့တဲ့ ဩစတြီးယားတို့ကတော့ ယူအီးအက်ဖ်အေ နေးရှင်းလိဂ်ရဲ့ အုပ်စု(က)မှာ ပွဲစဉ်(၁)အပြီး ထိပ်ဆုံးကနေ ဦးဆောင်နိုင်ခဲ့ပါကြောင်း ဖော်ပြလိုက်ရပါတယ်။

REF: INTERNET SOURCES
PHOTOS CREDIT TO OWNERS
SPORTS A2Z.

ZAWGYI:

ခ႐ိုေအးရွားအသင္းအေနနဲ႔ ဒီေန႔မွာ အိမ္ကြင္းမွာ လက္ခံကစားခဲ့ရၿပီး ဂိုးသမား အီဗူရွစ္ခ်္၊ ခံစစ္မွာ ခ်ာလက္တာ-ဆာ၊ ပြန္ဂရာခ်စ္၊ ယူရာႏိုဗစ္ခ်္၊ ဆိုဆာတို႔နဲ႔ ပြဲထြက္လာခဲ့ၿပီး ကြင္းလယ္မွာေတာ့ မိုဒရစ္ခ်္ကို အရန္ခုံမွာ ထားခဲ့ၿပီး ဘ႐ိုဇိုဗစ္ခ်္၊ ကိုဗာခ်စ္၊ ေမယာ၊ ဘရက္ကာလိုနဲ႔ ပါဆာလစ္ခ်္တို႔ ကစားခဲ့ၾကသလို တိုက္စစ္မွာေတာ့ ကရာမာရစ္ခ်္တစ္ဦးတည္းကို အေထာင္ထားလာခဲ့ပါတယ္။

ဧည့္သည္ ဩစႀတီးယားတို႔ကေတာ့ နည္းျပ ရန္းနစ္ခ္ရဲ႕ လမ္းၫႊန္မႈေအာက္မွာ ဂိုးသမား လင္ဒါ၊ ခံစစ္မွာ ထေရာ္နာ၊ ဒန္ဆိုနဲ႔ ဗိုးဘားတို႔ကို အထိုင္ခ်ခဲ့ၿပီး ကြင္းလယ္မွာေတာ့ ရွေလဂါ၊ လိုင္မာ၊ ဆာဘစ္ဇာ၊ ဗိုင္းမန္းနဲ႔ လိန္နာတို႔ကို စုဖြဲ႕ေပးခဲ့ၿပီး တိုက္စစ္မွာ အိုနီဆီဝို၊ အာေနာ္တိုဗစ္ခ်္တို႔နဲ႔ ၃-၅-၂ ပုံစံ ကစားလာခဲ့ၾကတာပါ။

မိုဒရစ္ခ်္ကို အရန္ခုံမွာ ထားခဲ့တဲ့ ခ႐ိုေအးရွားတို႔ရဲ႕ တိုက္စစ္ပိုင္း ဖန္တီးမႈနဲ႔ End Product ေတြကေတာ့ သိပ္ၿပီး အလုပ္မျဖစ္ခဲ့သလို နာမည္ႀကီး တိုက္စစ္မႉးေတြ ရွားပါလာခဲ့တာကလည္း သူတို႔အတြက္ေတာ့ မ်ိဳးဆက္သစ္ ေပၚထြက္ဖို႔ ႐ုန္းကန္ရဆဲျဖစ္ေနသလို ဝါရင့္ကစားသမားေတြကိုပဲ မွီခိုေနခဲ့ရတာျဖစ္ပါတယ္။

ပြဲခ်ိန္ ၄၁ မိနစ္မွာ ဩစႀတီးယားတို႔ အဖြင့္ဂိုး ရယူသြားခဲ့ၾကၿပီး ဒီဂိုးကိုေတာ့ ကြင္းလယ္ကေန အိုနီဆီဝို ေပးတာကို ေဘာလုံးရသြားခဲ့တဲ့ အာေနာ္တိုဗစ္ခ်္က အလယ္ေၾကာတစ္ေလွ်ာက္ ဆြဲေျပးၿပီး ဂိုးဧရိယာထိပ္ကေန ကန္သြင္းခဲ့ရာမွာ ခ႐ိုေအးရွားဂိုးသမား အီဗူရွစ္ခ်္ မကာကြယ္ႏိုင္ခဲ့လို႔ ဧည့္သည္ေတြ စတင္ဦးေဆာင္ခဲ့ၿပီး ပထမပိုင္းမွာ တစ္ဂိုး-ဂိုးမရွိျဖစ္ေနခဲ့ပါတယ္။

ခ႐ိုေအးရွားတို႔ ေဘာလုံးပိုင္ဆိုင္မႈ အသာနဲ႔ ကစားႏိုင္ခဲ့တဲ့ ဒီေန႔ပြဲမွာ ဒုတိယပိုင္းမွာလည္း ဆက္လက္ဖိကစားေနခဲ့ေပမယ့္ အဆုံးသတ္ပိုင္းေတြ အားရစရာ မရွိခဲ့တာေၾကာင့္ တိုက္စစ္က ဘဲဥမကြဲဘဲျဖစ္ေနခဲ့သလို ဩစႀတီးယားရဲ႕ သိပ္အထင္ႀကီးစရာ နာမည္ေတြ မပါေပမယ့္ မာေက်ာက်စ္လ်စ္ေနတဲ့ ခံစစ္ကို မေက်ာ္ႏိုင္ခဲ့ဘဲျဖစ္ေနခဲ့တာပါ။

ပြဲခ်ိန္ ၅၄ မိနစ္မွာေတာ့ ဂိုးလိုေနတဲ့ အိမ္ရွင္ေတြကို ဩစႀတီးယားတို႔ပဲ ထပ္သုတ္သြားႏိုင္ခဲ့ၿပီး ဒုတိယဦးေဆာင္ဂိုး ရယူသြားႏိုင္ခဲ့သလို ဒီဂိုးကိုေတာ့ ကြင္းလယ္ကေန ေဘာလုံးျပန္ရလာခဲ့တဲ့ ဗိုးဘားရဲ႕ ေပးပို႔မႈကို ဒုတိယပိုင္းအစမွာ အိုနီဆီဝိုအစား ဝင္ကစားရဲ႕ ဂရီေဂၚရစ္ရွ္က ဘယ္ေျခကန္ခ်က္နဲ႔ အဆုံးသတ္သြားႏိုင္ခဲ့တာျဖစ္ပါတယ္။

ေနာက္ထပ္ သုံးမိနစ္အၾကာ ပြဲခ်ိန္ ၅၇ မိနစ္မွာေတာ့ ဩစႀတီးယားတို႔ပဲ တတိယဂိုး ရယူသြားခဲ့ၿပီး ဒီဂိုးကိုေတာ့ ေနာက္ခံလူ ဗိုးဘားရဲ႕ ဖန္တီးေပးပို႔မႈကေန ရလာခဲ့တဲ့ ေဘာလုံးကို ကြင္းလယ္လူ ဆာဘစ္ဇာက ဧရိယာအျပင္ကေန ကန္သြင္းသြားခဲ့ၿပီး သုံးဂိုး-ဂိုးမရွိျဖစ္ေနခဲ့တာပါ။

သုံးဂိုးျပတ္သြားအၿပီးမွာေတာ့ ခ႐ိုေအးရွားတို႔ဘက္က မိုဒရစ္ခ်္ကို ေမယာအစား လူစားလဲသြားခဲ့ၿပီး တိုက္စစ္ပိုင္းမွာလည္း ကိုဗာခ်စ္အစား ေအာ္ရွစ္ခ်္ကို ထည့္သြင္းသြားခဲ့ေပမယ့္ ဩစႀတီးယားတို႔ဘက္ကလည္း ခံစစ္အားသန္ ကစားသမားေတြကို ထည့္ကစားၿပီး အိမ္ရွင္ေတြကို ေဘာလုံးေပးကိုင္ၿပီးမွ ပိတ္ကစားဖို႔ လုပ္သြားခဲ့ပါတယ္။

ပြဲခ်ိန္အျပည့္မွာေတာ့ ကမာၻ႔အဆင့္ကစားသမားေတြ ပါဝင္တဲ့ အိမ္ရွင္ ခ႐ိုေအးရွားတို႔ နာမည္ႀကီး ထမင္းငတ္ျဖစ္ခဲ့ရၿပီး အိမ္ကြင္းမွာ ဘဲဥမကြဲဘဲ သုံးဂိုး-ဂိုးမရွိနဲ႔ ရႈံးနိမ့္ခဲ့ရသလို အေဝးကြင္းႏိုင္ပြဲ ရယူႏိုင္ခဲ့တဲ့ ဩစႀတီးယားတို႔ကေတာ့ ယူအီးအက္ဖ္ေအ ေနးရွင္းလိဂ္ရဲ႕ အုပ္စု(က)မွာ ပြဲစဥ္(၁)အၿပီး ထိပ္ဆုံးကေန ဦးေဆာင္ႏိုင္ခဲ့ပါေၾကာင္း ေဖာ္ျပလိုက္ရပါတယ္။

REF: INTERNET SOURCES
PHOTOS CREDIT TO OWNERS
SPORTS A2Z.