UEFA ချန်ပီယံလိဂ်ရဲ့ နောက်ဆုံး ၁၀ နှစ်ကို ဗိုလ်စွဲထားတဲ့ အသင်းတွေထဲမှာ ခရိုအေးရှားတစ်ယောက်မဟုတ် တစ်ယောက်ကတော့ မဖြစ်မနေ ပါဝင်နေခဲ့တာကို တွေ့ရပြီး ဒီဆုဖလားကို လိုချင်ရင် ဒီနိုင်ငံသားတစ်ယောက်ကိုတော့ အသင်းမှာ မရှိမဖြစ် ပိုင်ဆိုင်မှုနဲ့ ခေါ်သုံးထားရလိမ့်မယ်လို့တောင် ဖြစ်နေပြီလို့ ဗြိတိန်ဘွတ်ကီဒိုင် ဝီလီယမ် ဟေးလ်က ဖော်ပြသွားခဲ့ပါတယ်။
ဒီမှတ်တမ်းက ၂၀၁၃ ခုနှစ်မှာ စတင်ခဲ့တာဖြစ်ပြီး ဘိုင်ယန်မြူးနစ်နဲ့ ဒေါ့မွန်တို့ရဲ့ All German Final တွေ့ဆုံမှာ နှစ်ဂိုး-တစ်ဂိုးနဲ့ အနိုင်ရရှိခဲ့တဲ့ ဘာဗေးရီးယားသားတွေဘက်က ခရိုအေးရှားတိုက်စစ်မှူး မာရီယို မန်ဂျူကစ်ချ်က ကျောနံပါတ် ၉ ကို ဝတ်ဆင်ပြီး ပါဝင်ကစားပေးခဲ့တာဖြစ်ပါတယ်။
၂၀၁၄ ခုနှစ်မှာတော့ ရီးရဲလ်မက်ဒရစ်တို့ရဲ့ လာဒက်စီမာ La Decima ဖလား ၁၀ လုံးမြောက် ပရောဂျက်ကို အောင်မြင်ဖို့ ကြိုးစားနိုင်ခဲ့ချိန်မှာ လက်ရှိအချိန်အထိ နုပျိုလန်းဆတ်နေဆဲ ကွင်းလယ်အကြီးအကဲ လူကာ မိုဒရစ်ချ်က သူနဲ့ ခရိုအေးရှားသားတွေရဲ့ သမိုင်းကို ဆက်လက်ရှေ့တိုးပေးခဲ့တာဖြစ်ပြီး နှစ်နှစ်မြောက် မှတ်တမ်းဖြစ်ခဲ့တာပါ။
၂၀၁၅ ခုနှစ်မှာတော့ ချန်ပီယံလိဂ်ဖလားကို ဘာစီလိုနာအသင်းက ရရှိခဲ့ပြီး မက်ဆီ၊ နေမာ၊ ဆွာရက်ဇ်တို့ရဲ့ MSN တိုက်စစ်အတွဲကို ကွင်းလယ်ကနေ ဘူးစ်ကွက်စ်၊ အင်နီယေစတာတို့နဲ့အတူ ထောက်ပံ့ပေးခဲ့သူက ဆီဗီလာအသင်းကနေ ခေါ်ယူထားခဲ့တဲ့ အီဗန် ရာကီတစ်ချ်ဖြစ်ခဲ့ပြီး သုံးနှစ်ဆက် ခရိုအေးရှားသား ပါဝင်မှုဖြစ်ခဲ့ပါတယ်။
၂၀၁၆၊ ၂၀၁၇ နဲ့ ၂၀၁၈ ခုနှစ် ချန်ပီယံလိဂ်ဖိုင်နယ်တွေမှာတော့ နည်းပြ ဇီနီဒန်း ဇီဒန်းရဲ့ ကိုင်တွယ်မှုနဲ့အတူ ရီးရဲလ်မက်ဒရစ်တို့ သုံးနှစ်ဆက် အောင်မြင်မှုကို ၁၃ ကြိမ်မှတ်တမ်းအထိ ရေးထိုးရယူနိုင်ခဲ့ရာမှာတော့ ခရိုအေးရှားသားနောက်တစ်ဦးပါ ထပ်တိုးလာခဲ့တာဖြစ်ပြီး မက်တီယို ကိုဗာချစ်က မိုဒရစ်ချ်နဲ့အတူ နှစ်ဦးအတွဲလိုက် ပါဝင်လာခဲ့တာပါ။ ဒီကြားထဲက ၂၀၁၈ ဖိုင်နယ်မှာ နောက်တစ်ကြိမ် ပါဝင်ခဲ့သေးတဲ့ မန်ဂျူကစ်ချ်ကတော့ ဂျူဗင်တပ်စ်နဲ့ ရှုံးနိမ့်ခဲ့ရတာဖြစ်ပါတယ်။
၂၀၁၉ ခုနှစ် ဖိုင်နယ်ကတော့ ရီးရဲလ်တို့ကို စိတ်မကျေတဲ့ လီဗာပူးလ်တို့ရဲ့ ပွဲဖြစ်ခဲ့ချိန်မှာတော့ စပါးစ်အသင်းကို အနိုင်ယူခဲ့တဲ့ ယာဂန် ကလော့ပ်ရဲ့ လူစာရင်းမှာ ခရိုအေးရှားသား ဗဟိုနောက်ခံလူ ဒေယန် လိုဗရန် ပါဝင်လာခဲ့တာဖြစ်သလို ၂၀၁၃ ကနေ စတင်ရေတွက်ရင် ခုနှစ်နှစ်မြောက်မှာလည်း ဖြူနီပြာနဲ့ ကျားကွက်ပုံ အလံတော်ကို ဆက်လက်လွှင့်ထူဖို့ ဖြစ်လာခဲ့ပါတယ်။
နောက်တစ်နှစ် ၂၀၂၀ မှာတော့ ချန်ပီယံလိဂ်ဖိုင်နယ်မှာ ဘိုင်ယန်မြူးနစ်နဲ့ ပီအက်စ်ဂျီတို့ တွေ့ဆုံခဲ့ကြပြီး ခရိုအေးရှားသားတွေရဲ့ မဖြစ်မနေ ပါဝင်ပတ်သက်မှုကို ပေးရမယ့် ဗိုလ်လုပွဲမှာတော့ အင်တာမီလန်အသင်းကနေ တိုက်တိုက်ဆိုင်ဆိုင် အငှားလာကစားပြီး ရောက်ရှိနေခဲ့တဲ့ အီဗန် ပါရီရှစ်ချ်က ပွဲချိန် ၆၈ မိနစ်မှာ ဂိုးသွင်းရှင် ကင်းစလီ ကိုမွန်အစား လူစားဝင်ကစားခဲ့တာဖြစ်ပါတယ်။
ပီအက်စ်ဂျီမှာ မအောင်မြင်လို့ လမ်းခွဲခဲ့တဲ့ နည်းပြ သောမတ်စ် တူဟယ်လ်ရဲ့ ကစားသမားဟောင်း သီယာဂို ဆေးလ်ဗားနဲ့ ပြန်လည်ပူးပေါင်းပြီး လေးလတည်းနဲ့ ချန်ပီယံလိဂ်ယူခဲ့တဲ့ ခရီးမှာတော့ ချဲလ်ဆီးအသင်းမှာ ရီးရဲလ်မက်ဒရစ်ကစားသမားဟောင်း မက်တီယို ကိုဗာချစ်က ပါဝင်နေခဲ့လို့ ခရိုအေးရှားတွေ ကိုးနှစ်ချန်ပီယံဆက်ဖြစ်နေခဲ့သေးတာပါ။
ဒီနှစ်မှာလည်း မိုဒရစ်ချ်က အသက် ၃၆ နှစ်အရွယ်ကို ရောက်ရှိနေခဲ့ပေမယ့် သူ့ရဲ့ ကွင်းလယ်တွဲဖက်သုံးဦးဖြစ်ကြတဲ့ ကာစီမီရို၊ တိုနီ ခရူးစ်နဲ့ ဖက်ဒါရီကို ဗယ်လ်ဗာဒီတို့ထက် ပိုမိုသာလွန်တဲ့ ခြေစွမ်းကို ပြသပြီး ဆုဖလားရယူပေးခဲ့တာကြောင့် ခရိုအေးရှားသားတွေ သမဏိရှည်စေမယ့် ချန်ပီယံ ဆယ်ကြိမ်မြောက်ကို ပါဝင်ပေးခဲ့တာဖြစ်ပါတယ်။
ဒါကြောင့် လာမယ့် ၂၀၂၃ ချန်ပီယံလိဂ်ဖိုင်နယ်မှာရော ဘယ်ခရိုအေးရှားသားရဲ့ အသင်းက ချန်ပီယံဖြစ်လာမလဲဆိုတာ စောင့်ကြည့်ရဖို့ ရှိနေခဲ့ပြီး အသင်းနဲ့ စာချုပ်သက်တမ်းတိုးဦးမယ့် မိုဒရစ်ချ်ကြီးတို့ရဲ့ ရီးရဲလ်မက်ဒရစ်ပဲ အမြင်ကတ်ဖို့ ကောင်းလောက်အောင်ပဲ ထပ်ရသွားဦးမလား၊ အင်တာရဲ့ မာဆယ်လို ဘရိုဇိုဗစ်ချ်နဲ့ ချဲလ်ဆီးရဲ့ ကိုဗာချစ်တို့ပဲ အလုပ်ပြနိုင်ကြဦးမလားတော့ စိတ်ဝင်စားစရာဖြစ်နေခဲ့ပါကြောင်း ဖော်ပြလိုက်ရပါတယ်။
REF: INTERNET SOURCES
PHOTOS CREDIT TO OWNERS
SPORTS A2Z.
ZAWGYI:
UEFA ခ်န္ပီယံလိဂ္ရဲ႕ ေနာက္ဆုံး ၁၀ ႏွစ္ကို ဗိုလ္စြဲထားတဲ့ အသင္းေတြထဲမွာ ခ႐ိုေအးရွားတစ္ေယာက္မဟုတ္ တစ္ေယာက္ကေတာ့ မျဖစ္မေန ပါဝင္ေနခဲ့တာကို ေတြ႕ရၿပီး ဒီဆုဖလားကို လိုခ်င္ရင္ ဒီႏိုင္ငံသားတစ္ေယာက္ကိုေတာ့ အသင္းမွာ မရွိမျဖစ္ ပိုင္ဆိုင္မႈနဲ႔ ေခၚသုံးထားရလိမ့္မယ္လို႔ေတာင္ ျဖစ္ေနၿပီလို႔ ၿဗိတိန္ဘြတ္ကီဒိုင္ ဝီလီယမ္ ေဟးလ္က ေဖာ္ျပသြားခဲ့ပါတယ္။
ဒီမွတ္တမ္းက ၂၀၁၃ ခုႏွစ္မွာ စတင္ခဲ့တာျဖစ္ၿပီး ဘိုင္ယန္ျမဴးနစ္နဲ႔ ေဒါ့မြန္တို႔ရဲ႕ All German Final ေတြ႕ဆုံမွာ ႏွစ္ဂိုး-တစ္ဂိုးနဲ႔ အႏိုင္ရရွိခဲ့တဲ့ ဘာေဗးရီးယားသားေတြဘက္က ခ႐ိုေအးရွားတိုက္စစ္မႉး မာရီယို မန္ဂ်ဴကစ္ခ်္က ေက်ာနံပါတ္ ၉ ကို ဝတ္ဆင္ၿပီး ပါဝင္ကစားေပးခဲ့တာျဖစ္ပါတယ္။
၂၀၁၄ ခုႏွစ္မွာေတာ့ ရီးရဲလ္မက္ဒရစ္တို႔ရဲ႕ လာဒက္စီမာ La Decima ဖလား ၁၀ လုံးေျမာက္ ပေရာဂ်က္ကို ေအာင္ျမင္ဖို႔ ႀကိဳးစားႏိုင္ခဲ့ခ်ိန္မွာ လက္ရွိအခ်ိန္အထိ ႏုပ်ိဳလန္းဆတ္ေနဆဲ ကြင္းလယ္အႀကီးအကဲ လူကာ မိုဒရစ္ခ်္က သူနဲ႔ ခ႐ိုေအးရွားသားေတြရဲ႕ သမိုင္းကို ဆက္လက္ေရွ႕တိုးေပးခဲ့တာျဖစ္ၿပီး ႏွစ္ႏွစ္ေျမာက္ မွတ္တမ္းျဖစ္ခဲ့တာပါ။
၂၀၁၅ ခုႏွစ္မွာေတာ့ ခ်န္ပီယံလိဂ္ဖလားကို ဘာစီလိုနာအသင္းက ရရွိခဲ့ၿပီး မက္ဆီ၊ ေနမာ၊ ဆြာရက္ဇ္တို႔ရဲ႕ MSN တိုက္စစ္အတြဲကို ကြင္းလယ္ကေန ဘူးစ္ကြက္စ္၊ အင္နီေယစတာတို႔နဲ႔အတူ ေထာက္ပံ့ေပးခဲ့သူက ဆီဗီလာအသင္းကေန ေခၚယူထားခဲ့တဲ့ အီဗန္ ရာကီတစ္ခ်္ျဖစ္ခဲ့ၿပီး သုံးႏွစ္ဆက္ ခ႐ိုေအးရွားသား ပါဝင္မႈျဖစ္ခဲ့ပါတယ္။
၂၀၁၆၊ ၂၀၁၇ နဲ႔ ၂၀၁၈ ခုႏွစ္ ခ်န္ပီယံလိဂ္ဖိုင္နယ္ေတြမွာေတာ့ နည္းျပ ဇီနီဒန္း ဇီဒန္းရဲ႕ ကိုင္တြယ္မႈနဲ႔အတူ ရီးရဲလ္မက္ဒရစ္တို႔ သုံးႏွစ္ဆက္ ေအာင္ျမင္မႈကို ၁၃ ႀကိမ္မွတ္တမ္းအထိ ေရးထိုးရယူႏိုင္ခဲ့ရာမွာေတာ့ ခ႐ိုေအးရွားသားေနာက္တစ္ဦးပါ ထပ္တိုးလာခဲ့တာျဖစ္ၿပီး မက္တီယို ကိုဗာခ်စ္က မိုဒရစ္ခ်္နဲ႔အတူ ႏွစ္ဦးအတြဲလိုက္ ပါဝင္လာခဲ့တာပါ။ ဒီၾကားထဲက ၂၀၁၈ ဖိုင္နယ္မွာ ေနာက္တစ္ႀကိမ္ ပါဝင္ခဲ့ေသးတဲ့ မန္ဂ်ဴကစ္ခ်္ကေတာ့ ဂ်ဴဗင္တပ္စ္နဲ႔ ရႈံးနိမ့္ခဲ့ရတာျဖစ္ပါတယ္။
၂၀၁၉ ခုႏွစ္ ဖိုင္နယ္ကေတာ့ ရီးရဲလ္တို႔ကို စိတ္မေက်တဲ့ လီဗာပူးလ္တို႔ရဲ႕ ပြဲျဖစ္ခဲ့ခ်ိန္မွာေတာ့ စပါးစ္အသင္းကို အႏိုင္ယူခဲ့တဲ့ ယာဂန္ ကေလာ့ပ္ရဲ႕ လူစာရင္းမွာ ခ႐ိုေအးရွားသား ဗဟိုေနာက္ခံလူ ေဒယန္ လိုဗရန္ ပါဝင္လာခဲ့တာျဖစ္သလို ၂၀၁၃ ကေန စတင္ေရတြက္ရင္ ခုႏွစ္ႏွစ္ေျမာက္မွာလည္း ျဖဴနီျပာနဲ႔ က်ားကြက္ပုံ အလံေတာ္ကို ဆက္လက္လႊင့္ထူဖို႔ ျဖစ္လာခဲ့ပါတယ္။
ေနာက္တစ္ႏွစ္ ၂၀၂၀ မွာေတာ့ ခ်န္ပီယံလိဂ္ဖိုင္နယ္မွာ ဘိုင္ယန္ျမဴးနစ္နဲ႔ ပီအက္စ္ဂ်ီတို႔ ေတြ႕ဆုံခဲ့ၾကၿပီး ခ႐ိုေအးရွားသားေတြရဲ႕ မျဖစ္မေန ပါဝင္ပတ္သက္မႈကို ေပးရမယ့္ ဗိုလ္လုပြဲမွာေတာ့ အင္တာမီလန္အသင္းကေန တိုက္တိုက္ဆိုင္ဆိုင္ အငွားလာကစားၿပီး ေရာက္ရွိေနခဲ့တဲ့ အီဗန္ ပါရီရွစ္ခ်္က ပြဲခ်ိန္ ၆၈ မိနစ္မွာ ဂိုးသြင္းရွင္ ကင္းစလီ ကိုမြန္အစား လူစားဝင္ကစားခဲ့တာျဖစ္ပါတယ္။
ပီအက္စ္ဂ်ီမွာ မေအာင္ျမင္လို႔ လမ္းခြဲခဲ့တဲ့ နည္းျပ ေသာမတ္စ္ တူဟယ္လ္ရဲ႕ ကစားသမားေဟာင္း သီယာဂို ေဆးလ္ဗားနဲ႔ ျပန္လည္ပူးေပါင္းၿပီး ေလးလတည္းနဲ႔ ခ်န္ပီယံလိဂ္ယူခဲ့တဲ့ ခရီးမွာေတာ့ ခ်ဲလ္ဆီးအသင္းမွာ ရီးရဲလ္မက္ဒရစ္ကစားသမားေဟာင္း မက္တီယို ကိုဗာခ်စ္က ပါဝင္ေနခဲ့လို႔ ခ႐ိုေအးရွားေတြ ကိုးႏွစ္ခ်န္ပီယံဆက္ျဖစ္ေနခဲ့ေသးတာပါ။
ဒီႏွစ္မွာလည္း မိုဒရစ္ခ်္က အသက္ ၃၆ ႏွစ္အ႐ြယ္ကို ေရာက္ရွိေနခဲ့ေပမယ့္ သူ႔ရဲ႕ ကြင္းလယ္တြဲဖက္သုံးဦးျဖစ္ၾကတဲ့ ကာစီမီ႐ို၊ တိုနီ ခ႐ူးစ္နဲ႔ ဖက္ဒါရီကို ဗယ္လ္ဗာဒီတို႔ထက္ ပိုမိုသာလြန္တဲ့ ေျခစြမ္းကို ျပသၿပီး ဆုဖလားရယူေပးခဲ့တာေၾကာင့္ ခ႐ိုေအးရွားသားေတြ သမဏိရွည္ေစမယ့္ ခ်န္ပီယံ ဆယ္ႀကိမ္ေျမာက္ကို ပါဝင္ေပးခဲ့တာျဖစ္ပါတယ္။
ဒါေၾကာင့္ လာမယ့္ ၂၀၂၃ ခ်န္ပီယံလိဂ္ဖိုင္နယ္မွာေရာ ဘယ္ခ႐ိုေအးရွားသားရဲ႕ အသင္းက ခ်န္ပီယံျဖစ္လာမလဲဆိုတာ ေစာင့္ၾကည့္ရဖို႔ ရွိေနခဲ့ၿပီး အသင္းနဲ႔ စာခ်ဳပ္သက္တမ္းတိုးဦးမယ့္ မိုဒရစ္ခ်္ႀကီးတို႔ရဲ႕ ရီးရဲလ္မက္ဒရစ္ပဲ အျမင္ကတ္ဖို႔ ေကာင္းေလာက္ေအာင္ပဲ ထပ္ရသြားဦးမလား၊ အင္တာရဲ႕ မာဆယ္လို ဘ႐ိုဇိုဗစ္ခ်္နဲ႔ ခ်ဲလ္ဆီးရဲ႕ ကိုဗာခ်စ္တို႔ပဲ အလုပ္ျပႏိုင္ၾကဦးမလားေတာ့ စိတ္ဝင္စားစရာျဖစ္ေနခဲ့ပါေၾကာင္း ေဖာ္ျပလိုက္ရပါတယ္။
REF: INTERNET SOURCES
PHOTOS CREDIT TO OWNERS
SPORTS A2Z.
