Premier League Ukraine-Russian War

ယူကရိန်းငြိမ်းချမ်းရေး ဆွေးနွေးနေတဲ့ အေဘရာမိုဗစ်ချ်အသက်ကို လုပ်ကြံခံနေရပြီလား

ယူကရိန်းနိုင်ငံအတွက် ငြိမ်းချမ်းရေးရရှိအောင် ကြားထဲက ကြိုးစားပေးနေပြီး ချဲလ်ဆီးအသင်းကို ရောင်းချရသမျှကိုပါ လှူဒါန်းဖို့ အစီအစဉ် ရှိနေတယ်ဆိုတဲ့ ရုရှားဘီလီယံနာ ရိုမန် အေဘရာမိုဗစ်ချ်အနေနဲ့ ကိဗ်ကနေ အပြန်မှာ ဆိုးရွားတဲ့ ရောဂါလက္ခဏာတွေကို ခံစားနေရပြီး ဒါဟာ ကျူးကျော်သူ သမ္မတ ဗလာဒီမီယာ ပူတင်ဘက်က ယုတ်မာကောက်ကျစ်တဲ့ လုပ်ကြံမှုမျိုးဖြစ်နိုင်တယ်လို့ ထင်ကြေးပေးနေကြပါတယ်။

ပူတင့်အနားမှာရှိတဲ့ အိုလီဂါ့ချ်တွေထဲကမှ ပုံရိပ်အမြင့်မားဆုံးနဲ့ ချဲလ်ဆီးအသင်းနဲ့အတူ လူချစ်လူခင် အခံရဆုံး အစ္စရေး-ရုရှားနွယ်ဖွား သူဌေးရဲ့ နီးစပ်တဲ့ အသိုင်းအဝိုင်းက ထွက်ပေါ်လာတဲ့ သတင်းအရ ယူကရိန်းမြို့တော် ကိဗ်က အပြန်မှာ ဖျားနာလာခဲ့သလို အရေပြားတွေ ကွာကျခြင်းစတဲ့ အဆိပ်မိတဲ့ လက္ခဏာမျိုးတွေ ရှိနေတယ်လို့ ဆိုပါတယ်။

ရုရှားရဲ့ ကျူးကျော်စစ်ကို ရပ်တန့်ဖို့အတွက် ဆွေးနွေးနေကြတဲ့ နှစ်ဖက်တာဝန်ရှိသူတွေထဲက ယူကရိန်းခေါင်းဆောင်နှစ်ဦးဖြစ်တဲ့ ပါလီမန်အမတ် ရူစတင်မ် အူမီရော့ဗ်မှာလည်း အေဘရာမိုဗစ်ချ်လိုပဲ ရောဂါလက္ခဏာတွေ ပြသနေတယ်လို့ သိရပြီး သူတို့နဲ့ တွေ့ဆုံခဲ့တဲ့ ယူကရိန်းသမ္မတ ဗိုလိုဒီမီယာ ဇီလင်စကီးကတော့ ဘာမှ ထိခိုက်ခြင်း မရှိခဲ့ဘူးလို့ ဖော်ပြခဲ့ကြတာပါ။

ဂျာနယ်လစ်အဖွဲ့အစည်းတစ်ခုဖြစ်တဲ့ Bellingcat ကတော့ အေဗရာမိုဗစ်ချ်အပါအဝင် ငြိမ်းချမ်းရေး ဆွေးနွေးသူတွေမှာ ဘာမှန်း အတိအကျ အတည်ပြုလို့ မရသေးတဲ့ ဓာတုအဆိပ်သင့်နေတယ်လို့ ယုံကြည်ရကြောင်း ထုတ်ပြန်ခဲ့ပြီး “မျက်လုံးနဲ့ အရေပြားတွေ ရောင်ရမ်းခြင်းနဲ့အတူ စူးရှနာကျင်တဲ့ ခံစားချက်တွေနဲ့ပါ ကြုံနေရတယ်”လို့လည်း ရှင်းပြသွားခဲ့ပါတယ်။

အေဘရာမိုဗစ်ချ်အနေနဲ့ ဒီလိုမျိုး ခံစားခဲ့ရတာဟာ ရုရှားသမ္မတ ပူတင်ရဲ့ လက်မရွံ့လုပ်ကြံရေးသမားတွေရဲ့ လက်ချက်ဖြစ်တယ်လို့ စောင့်ကြည့်သူတွေက စွပ်စွဲခဲ့ကြပြီး ယူကရိန်းဘက်က ခေါင်းဆောင်တွေကို လုပ်ကြံသတ်ဖြတ်ဖို့ စီစဉ်ထားခဲ့ချိန်မှာ သူ့ကို သစ္စာဖောက်တဲ့ အိုလီဂါ့ချ်ကို ပညာပေးဖို့ လုပ်ဆောင်ခဲ့တာလို့လည်း ယူဆနေကြတာပါ။

ချဲလ်ဆီးပိုင်ရှင်အနေနဲ့ သူ့ရဲ့ အသင်းကို ရောင်းချဖို့ စီစဉ်နေမှုကတော့ လက်ရှိမှာ မပြီးပြတ်သေးဘဲဖြစ်နေပြီး ပေါင် ၃ ဘီလီယံနဲ့ ကမ်းလှမ်းမှုကို လက်ခံမယ်လို့ ဆိုထားခဲ့သလို လက်ရှိ တင်ရှိနေတဲ့ ပေါင် ၁.၅ ဘီလီယံ အကြွေးတွေကိုလည်း ချေပစ်မယ်လို့ ဆိုထားခဲ့တဲ့အတွက် ဝယ်သူတွေအနေနဲ့တော့ စိတ်ဝင်စားစရာဖြစ်နေခဲ့သလို ဒီအသင်းရဲ့ အကျပ်အတည်းကို ကယ်တင်ဖို့လည်း ပရိသတ်သူဌေးတချို့က ကြိုးစားနေခဲ့ပါတယ်။

လက်ရှိမှာတော့ အဆိပ်သင့်တယ်လို့ ကနဦးအနေနဲ့ ယူဆခံထားရတဲ့ အေဘရာမိုဗစ်ချ်၊ အူမီရော့ဗ်တို့ရဲ့ ကျန်းမာရေး အခြေအနေတွေနဲ့ ပတ်သက်ပြီး ကာယကံရှင်တွေဘက်ကတော့ တရားဝင် ထုတ်ပြန်ထားခြင်း မရှိသေးဘဲ ဘယ်သူက လုပ်ကြံတိုက်ခိုက်ခဲ့တယ်ဆိုတာကိုလည်း အတည်ပြုခြင်း မရှိသေးဘူးလို့ ဘီဘီစီမှာ ဖော်ပြထားကြောင်း သိရှိရပါတယ်။

REF: INTERNET SOURCES
PHOTOS CREDIT TO OWNERS
SPORTS A2Z.

ZAWGYI:

ယူကရိန္းႏိုင္ငံအတြက္ ၿငိမ္းခ်မ္းေရးရရွိေအာင္ ၾကားထဲက ႀကိဳးစားေပးေနၿပီး ခ်ဲလ္ဆီးအသင္းကို ေရာင္းခ်ရသမွ်ကိုပါ လႉဒါန္းဖို႔ အစီအစဥ္ ရွိေနတယ္ဆိုတဲ့ ႐ုရွားဘီလီယံနာ ႐ိုမန္ ေအဘရာမိုဗစ္ခ်္အေနနဲ႔ ကိဗ္ကေန အျပန္မွာ ဆိုး႐ြားတဲ့ ေရာဂါလကၡဏာေတြကို ခံစားေနရၿပီး ဒါဟာ က်ဴးေက်ာ္သူ သမၼတ ဗလာဒီမီယာ ပူတင္ဘက္က ယုတ္မာေကာက္က်စ္တဲ့ လုပ္ႀကံမႈမ်ိဳးျဖစ္ႏိုင္တယ္လို႔ ထင္ေၾကးေပးေနၾကပါတယ္။

ပူတင့္အနားမွာရွိတဲ့ အိုလီဂါ့ခ်္ေတြထဲကမွ ပုံရိပ္အျမင့္မားဆုံးနဲ႔ ခ်ဲလ္ဆီးအသင္းနဲ႔အတူ လူခ်စ္လူခင္ အခံရဆုံး အစၥေရး-႐ုရွားႏြယ္ဖြား သူေဌးရဲ႕ နီးစပ္တဲ့ အသိုင္းအဝိုင္းက ထြက္ေပၚလာတဲ့ သတင္းအရ ယူကရိန္းၿမိဳ႕ေတာ္ ကိဗ္က အျပန္မွာ ဖ်ားနာလာခဲ့သလို အေရျပားေတြ ကြာက်ျခင္းစတဲ့ အဆိပ္မိတဲ့ လကၡဏာမ်ိဳးေတြ ရွိေနတယ္လို႔ ဆိုပါတယ္။

႐ုရွားရဲ႕ က်ဴးေက်ာ္စစ္ကို ရပ္တန႔္ဖို႔အတြက္ ေဆြးေႏြးေနၾကတဲ့ ႏွစ္ဖက္တာဝန္ရွိသူေတြထဲက ယူကရိန္းေခါင္းေဆာင္ႏွစ္ဦးျဖစ္တဲ့ ပါလီမန္အမတ္ ႐ူစတင္မ္ အူမီေရာ့ဗ္မွာလည္း ေအဘရာမိုဗစ္ခ်္လိုပဲ ေရာဂါလကၡဏာေတြ ျပသေနတယ္လို႔ သိရၿပီး သူတို႔နဲ႔ ေတြ႕ဆုံခဲ့တဲ့ ယူကရိန္းသမၼတ ဗိုလိုဒီမီယာ ဇီလင္စကီးကေတာ့ ဘာမွ ထိခိုက္ျခင္း မရွိခဲ့ဘူးလို႔ ေဖာ္ျပခဲ့ၾကတာပါ။

ဂ်ာနယ္လစ္အဖြဲ႕အစည္းတစ္ခုျဖစ္တဲ့ Bellingcat ကေတာ့ ေအဗရာမိုဗစ္ခ်္အပါအဝင္ ၿငိမ္းခ်မ္းေရး ေဆြးေႏြးသူေတြမွာ ဘာမွန္း အတိအက် အတည္ျပဳလို႔ မရေသးတဲ့ ဓာတုအဆိပ္သင့္ေနတယ္လို႔ ယုံၾကည္ရေၾကာင္း ထုတ္ျပန္ခဲ့ၿပီး “မ်က္လုံးနဲ႔ အေရျပားေတြ ေရာင္ရမ္းျခင္းနဲ႔အတူ စူးရွနာက်င္တဲ့ ခံစားခ်က္ေတြနဲ႔ပါ ႀကဳံေနရတယ္”လို႔လည္း ရွင္းျပသြားခဲ့ပါတယ္။

ေအဘရာမိုဗစ္ခ်္အေနနဲ႔ ဒီလိုမ်ိဳး ခံစားခဲ့ရတာဟာ ႐ုရွားသမၼတ ပူတင္ရဲ႕ လက္မ႐ြံ႕လုပ္ႀကံေရးသမားေတြရဲ႕ လက္ခ်က္ျဖစ္တယ္လို႔ ေစာင့္ၾကည့္သူေတြက စြပ္စြဲခဲ့ၾကၿပီး ယူကရိန္းဘက္က ေခါင္းေဆာင္ေတြကို လုပ္ႀကံသတ္ျဖတ္ဖို႔ စီစဥ္ထားခဲ့ခ်ိန္မွာ သူ႔ကို သစၥာေဖာက္တဲ့ အိုလီဂါ့ခ်္ကို ပညာေပးဖို႔ လုပ္ေဆာင္ခဲ့တာလို႔လည္း ယူဆေနၾကတာပါ။

ခ်ဲလ္ဆီးပိုင္ရွင္အေနနဲ႔ သူ႔ရဲ႕ အသင္းကို ေရာင္းခ်ဖို႔ စီစဥ္ေနမႈကေတာ့ လက္ရွိမွာ မၿပီးျပတ္ေသးဘဲျဖစ္ေနၿပီး ေပါင္ ၃ ဘီလီယံနဲ႔ ကမ္းလွမ္းမႈကို လက္ခံမယ္လို႔ ဆိုထားခဲ့သလို လက္ရွိ တင္ရွိေနတဲ့ ေပါင္ ၁.၅ ဘီလီယံ အေႂကြးေတြကိုလည္း ေခ်ပစ္မယ္လို႔ ဆိုထားခဲ့တဲ့အတြက္ ဝယ္သူေတြအေနနဲ႔ေတာ့ စိတ္ဝင္စားစရာျဖစ္ေနခဲ့သလို ဒီအသင္းရဲ႕ အက်ပ္အတည္းကို ကယ္တင္ဖို႔လည္း ပရိသတ္သူေဌးတခ်ိဳ႕က ႀကိဳးစားေနခဲ့ပါတယ္။

လက္ရွိမွာေတာ့ အဆိပ္သင့္တယ္လို႔ ကနဦးအေနနဲ႔ ယူဆခံထားရတဲ့ ေအဘရာမိုဗစ္ခ်္၊ အူမီေရာ့ဗ္တို႔ရဲ႕ က်န္းမာေရး အေျခအေနေတြနဲ႔ ပတ္သက္ၿပီး ကာယကံရွင္ေတြဘက္ကေတာ့ တရားဝင္ ထုတ္ျပန္ထားျခင္း မရွိေသးဘဲ ဘယ္သူက လုပ္ႀကံတိုက္ခိုက္ခဲ့တယ္ဆိုတာကိုလည္း အတည္ျပဳျခင္း မရွိေသးဘူးလို႔ ဘီဘီစီမွာ ေဖာ္ျပထားေၾကာင္း သိရွိရပါတယ္။

REF: INTERNET SOURCES
PHOTOS CREDIT TO OWNERS
SPORTS A2Z.