Premier League

အာတီတာကို မျှမျှတတ စောင့်ကြည့်ပြီး ခြေလှမ်းမှားတာနဲ့ ထုတ်ဖို့ အဘွန်လဟော်တိုက်တွန်း

အာဆင်နယ်အသင်းအနေနဲ့ နည်းပြ မီခယ်လ် အာတီတာကို လာမယ့် မန်စီးတီးနဲ့ပွဲကနေစပြီး ၅ ပွဲ စောင့်ကြည့်သွားမယ်ဆိုတဲ့အပေါ်မှာ Talk Sport ရဲ့ ဘောလုံးကျွမ်းကျင်သူ တိုက်စစ်မှူးဟောင်း ဂါဘရီယယ်လ် အဘွန်လဟော်ကတော့ အကဲဖြတ်မှုတွေကို ရယ်စရာမလုပ်ဖို့နဲ့ ပရိသတ်တွေအတွက် မျှမျှတတ လုပ်ဆောင်ပေးဖို့ အကြံပြုဝေဖန်လိုက်ပါတယ်။

လာမယ့် မန်ချက်စတာစီးတီးနဲ့ပွဲကို အာဆင်နယ်တာဝန်ရှိသူတွေဘက်က အရှုံးလို့ အပိုင်တွက်ထားပုံရပြီး အာတီတာကို စောင့်ကြည့်မယ့် ပွဲတွေထဲမှာ လျှော့ပေါ့ထားနိုင်သလို ပြီးခဲ့တဲ့ ဝက်စ်ဘရွန်းအသင်းကို နိုင်ခဲ့တဲ့ ကာရာဘောင်းဖလားပွဲစဉ်ကိုလည်း ထည့်မတွက်ဘဲ လာမယ့် နိုင်ငံတကာပွဲစဉ်တွေကနေ ပြန်လာမယ့် နော့ဝစ်ချ်နဲ့ ပွဲစဉ်ကိုမှ စတင်အကဲဖြတ်သွားဖို့ ရှိနေတယ်လို့ ဆိုနေကြပါတယ်။

အဘွန်လဟော်ကတော့ အာဆင်နယ်တာဝန်ရှိသူတွေအနေနဲ့ ပရိသတ်တွေရဲ့ ဒေါသတွေကို သိမြင်ဖို့နဲ့ ဘာကြောင့် မန်စီးတီးနဲ့ပွဲကို ထည့်ပြီး မစဉ်းစားတာလဲလို့ မေးခွန်းထုတ်လိုက်သလို လာမယ့် နော့ဝစ်ချ်နဲ့ပွဲကစလို့ စာမေးပွဲလေးပွဲစစ်ရင်ရော မျှမျှတတရှိနိုင်ပါ့မလားလို့ လှောင်ပြောင်လိုက်တာပါ။

“အာဆင်နယ်ဘုတ်အဖွဲ့အနေနဲ့ သူ့ကို အကဲဖြတ်ရာမှာ အားလုံးအတွက် တရားမျှတဖို့ လိုတယ်။ ဘရန့်ဖို့ဒ်ကို နှစ်ဂိုး-ဂိုးမရှိနဲ့ ရှုံးတယ်။ ပြီးတော့ ချဲလ်ဆီးကို ၆ ဂိုးလောက်နဲ့ ရှုံးနိုင်တဲ့ ခြေစွမ်းနဲ့ နှစ်ဂိုးနဲ့ပဲ ရှုံးတယ်။ ဒီပွဲတွေမှာ အသင်းရဲ့ စွမ်းဆောင်ရည်က ဆိုးရွားခဲ့သလို ချဲလ်ဆီးနဲ့ပွဲမှာတော့ နည်းနည်း တိုးတက်လာတာပေါ့လေ”

“သူတို့ ဒီတစ်ပတ်မှာ မန်စီးတီးနဲ့ ကစားရတော့မှာဖြစ်ပြီး နည်းပြအတွက် ကစားကြမယ်ပေါ့။ ပြီးရင်တော့ နော့ဝစ်ချ်၊ ဘန်လေ၊ စပါးစ်နဲ့ ဘရိုက်တန်တို့ကို ရင်ဆိုင်ရမှာပါ။ သူတို့ပုံစံ ကြည့်ရတာ နော့ဝစ်ချ်နဲ့ပွဲမှ စပြီး အကဲဖြတ်မယ့်ပုံပါပဲ။ ဒီပွဲကို သူတို့ အနိုင်ရဖို့ သတ်မှတ်ထားမယ်၊ ဘန်လေကိုလည်း နှိပ်ကွပ်နိုင်ရလိမ့်မယ်။ စပါးစ်နဲ့ပွဲကျတော့ သရေဆိုရင် လက်ခံလိမ့်မယ်။ ပြီးတော့ ဘရိုက်တန်ကို သရေပေါ့…”

“တကယ်က နော့ဝစ်ချ်နဲ့ပွဲက ဘာမှ ပြောမနေဘဲ နိုင်သင့်တဲ့ပွဲဖြစ်သလို သရေတောင်ကျလို့ မရပါဘူး။ အာတီတာသာ ဒီပွဲကို နိုင်အောင် နည်းမပြနိုင်ရင် ကျွန်တော်ဆိုရင်တော့ ချက်ချင်းထုတ်ပစ်မှာပါ။ အကယ်၍များ နော့ဝစ်ချ်ကသာ သူတို့ကို နိုင်သွားမယ်ဆိုရင်တော့ အာဆင်နယ်ဆိုတာ ပရီးမီးယားလိဂ်မှာ လူရယ်စရာအသင်းဖြစ်သွားနိုင်တာပေါ့ဗျာ”လို့ အဘွန်လဟော်က မန်စီးတီးပွဲ မတိုင်ခင်မှာ ပြောသွားခဲ့တာပါ။

အာဆင်နယ်အသင်းအနေနဲ့ အာတီတာကို ချက်ချင်း မထုတ်ပယ်နိုင်ဘဲ အခွင့်အရေးပေးနေရတာဟာ အသင်းအတွက် ဆုပ်လည်းစူး စားလည်းရူး အနေအထားကို ရောက်ရှိစေပြီး လာမယ့်ပွဲတွေမှာ ရလဒ်မကောင်းလို့ ထုတ်ပယ်ခဲ့ရင် ပေးလိုက်ရတဲ့ အချိန်ကပါ အသင်းကို တန်ဖိုးကြီးကြီးမားမား ပေးဆပ်ရစေနိုင်ပြီး ခက်ခဲတဲ့ ရာသီတစ်ခုကို ထပ်မံကြုံတွေ့ရနိုင်ကြောင်းလည်း ကျွမ်းကျင်သူတွေက သုံးသပ်ထားကြပါတယ်။

REF: INTERNET SOURCES
PHOTOS CREDIT TO OWNERS
SPORTS A2Z.

ZAWGYI: အာဆင္နယ္အသင္းအေနနဲ႔ နည္းျပ မီခယ္လ္ အာတီတာကို လာမယ့္ မန္စီးတီးနဲ႔ပြဲကေနစၿပီး ၅ ပြဲ ေစာင့္ၾကည့္သြားမယ္ဆိုတဲ့အေပၚမွာ Talk Sport ရဲ႕ ေဘာလုံးကြၽမ္းက်င္သူ တိုက္စစ္မႉးေဟာင္း ဂါဘရီယယ္လ္ အဘြန္လေဟာ္ကေတာ့ အကဲျဖတ္မႈေတြကို ရယ္စရာမလုပ္ဖို႔နဲ႔ ပရိသတ္ေတြအတြက္ မွ်မွ်တတ လုပ္ေဆာင္ေပးဖို႔ အႀကံျပဳေဝဖန္လိုက္ပါတယ္။

လာမယ့္ မန္ခ်က္စတာစီးတီးနဲ႔ပြဲကို အာဆင္နယ္တာဝန္ရွိသူေတြဘက္က အရႈံးလို႔ အပိုင္တြက္ထားပုံရၿပီး အာတီတာကို ေစာင့္ၾကည့္မယ့္ ပြဲေတြထဲမွာ ေလွ်ာ့ေပါ့ထားႏိုင္သလို ၿပီးခဲ့တဲ့ ဝက္စ္ဘ႐ြန္းအသင္းကို ႏိုင္ခဲ့တဲ့ ကာရာေဘာင္းဖလားပြဲစဥ္ကိုလည္း ထည့္မတြက္ဘဲ လာမယ့္ ႏိုင္ငံတကာပြဲစဥ္ေတြကေန ျပန္လာမယ့္ ေနာ့ဝစ္ခ်္နဲ႔ ပြဲစဥ္ကိုမွ စတင္အကဲျဖတ္သြားဖို႔ ရွိေနတယ္လို႔ ဆိုေနၾကပါတယ္။

အဘြန္လေဟာ္ကေတာ့ အာဆင္နယ္တာဝန္ရွိသူေတြအေနနဲ႔ ပရိသတ္ေတြရဲ႕ ေဒါသေတြကို သိျမင္ဖို႔နဲ႔ ဘာေၾကာင့္ မန္စီးတီးနဲ႔ပြဲကို ထည့္ၿပီး မစဥ္းစားတာလဲလို႔ ေမးခြန္းထုတ္လိုက္သလို လာမယ့္ ေနာ့ဝစ္ခ်္နဲ႔ပြဲကစလို႔ စာေမးပြဲေလးပြဲစစ္ရင္ေရာ မွ်မွ်တတရွိႏိုင္ပါ့မလားလို႔ ေလွာင္ေျပာင္လိုက္တာပါ။

“အာဆင္နယ္ဘုတ္အဖြဲ႕အေနနဲ႔ သူ႔ကို အကဲျဖတ္ရာမွာ အားလုံးအတြက္ တရားမွ်တဖို႔ လိုတယ္။ ဘရန႔္ဖို႔ဒ္ကို ႏွစ္ဂိုး-ဂိုးမရွိနဲ႔ ရႈံးတယ္။ ၿပီးေတာ့ ခ်ဲလ္ဆီးကို ၆ ဂိုးေလာက္နဲ႔ ရႈံးႏိုင္တဲ့ ေျခစြမ္းနဲ႔ ႏွစ္ဂိုးနဲ႔ပဲ ရႈံးတယ္။ ဒီပြဲေတြမွာ အသင္းရဲ႕ စြမ္းေဆာင္ရည္က ဆိုး႐ြားခဲ့သလို ခ်ဲလ္ဆီးနဲ႔ပြဲမွာေတာ့ နည္းနည္း တိုးတက္လာတာေပါ့ေလ”

“သူတို႔ ဒီတစ္ပတ္မွာ မန္စီးတီးနဲ႔ ကစားရေတာ့မွာျဖစ္ၿပီး နည္းျပအတြက္ ကစားၾကမယ္ေပါ့။ ၿပီးရင္ေတာ့ ေနာ့ဝစ္ခ်္၊ ဘန္ေလ၊ စပါးစ္နဲ႔ ဘ႐ိုက္တန္တို႔ကို ရင္ဆိုင္ရမွာပါ။ သူတို႔ပုံစံ ၾကည့္ရတာ ေနာ့ဝစ္ခ်္နဲ႔ပြဲမွ စၿပီး အကဲျဖတ္မယ့္ပုံပါပဲ။ ဒီပြဲကို သူတို႔ အႏိုင္ရဖို႔ သတ္မွတ္ထားမယ္၊ ဘန္ေလကိုလည္း ႏွိပ္ကြပ္ႏိုင္ရလိမ့္မယ္။ စပါးစ္နဲ႔ပြဲက်ေတာ့ သေရဆိုရင္ လက္ခံလိမ့္မယ္။ ၿပီးေတာ့ ဘ႐ိုက္တန္ကို သေရေပါ့…”

“တကယ္က ေနာ့ဝစ္ခ်္နဲ႔ပြဲက ဘာမွ ေျပာမေနဘဲ ႏိုင္သင့္တဲ့ပြဲျဖစ္သလို သေရေတာင္က်လို႔ မရပါဘူး။ အာတီတာသာ ဒီပြဲကို ႏိုင္ေအာင္ နည္းမျပႏိုင္ရင္ ကြၽန္ေတာ္ဆိုရင္ေတာ့ ခ်က္ခ်င္းထုတ္ပစ္မွာပါ။ အကယ္၍မ်ား ေနာ့ဝစ္ခ်္ကသာ သူတို႔ကို ႏိုင္သြားမယ္ဆိုရင္ေတာ့ အာဆင္နယ္ဆိုတာ ပရီးမီးယားလိဂ္မွာ လူရယ္စရာအသင္းျဖစ္သြားႏိုင္တာေပါ့ဗ်ာ”လို႔ အဘြန္လေဟာ္က မန္စီးတီးပြဲ မတိုင္ခင္မွာ ေျပာသြားခဲ့တာပါ။

အာဆင္နယ္အသင္းအေနနဲ႔ အာတီတာကို ခ်က္ခ်င္း မထုတ္ပယ္ႏိုင္ဘဲ အခြင့္အေရးေပးေနရတာဟာ အသင္းအတြက္ ဆုပ္လည္းစူး စားလည္း႐ူး အေနအထားကို ေရာက္ရွိေစၿပီး လာမယ့္ပြဲေတြမွာ ရလဒ္မေကာင္းလို႔ ထုတ္ပယ္ခဲ့ရင္ ေပးလိုက္ရတဲ့ အခ်ိန္ကပါ အသင္းကို တန္ဖိုးႀကီးႀကီးမားမား ေပးဆပ္ရေစႏိုင္ၿပီး ခက္ခဲတဲ့ ရာသီတစ္ခုကို ထပ္မံႀကဳံေတြ႕ရႏိုင္ေၾကာင္းလည္း ကြၽမ္းက်င္သူေတြက သုံးသပ္ထားၾကပါတယ္။

REF: INTERNET SOURCES
PHOTOS CREDIT TO OWNERS
SPORTS A2Z.