Match Report Premier League

နော့ဝစ်ချ်အပေါ် ဒေါသပေါက်ကွဲပြီး အိမ်ကွင်းမှာ ဂိုးပြတ်နိုင်ပွဲဆင်တဲ့ မန်ချက်စတာစီးတီး

မန်ချက်စတာစီးတီးအသင်းအနေနဲ့ ဒီနေ့မှာ ပြီးခဲ့တဲ့ အဖွင့်ပွဲစဉ်က ဂိုးပေါက်ပျောက်ပြီး ရှုံးပွဲတွေ့ထားခဲ့မှုအပေါ် အိမ်ကွင်းမှာ ပေါက်ကွဲလာခဲ့ပြီး နော့ဝစ်ချ်စီးတီးကို ငါးဂိုးအထိ သွင်းယူနိုင်ခဲ့သလို ဟာရီကိန်းကို မရရင်လည်း တိုက်စစ်ပိုင်းက ကိစ္စမရှိဘူးဆိုတဲ့ ဂွါဒီယိုလာရဲ့ စကား မှန်ကန်နိုင်မလား စဉ်းစားစရာဖြစ်လာခဲ့ပါတယ်။

နောက်ခံလူနေရာမှာ ရူဘင် ဒီယက်စ်နဲ့ လာပေါ့တ်ကို တွဲပေးခဲ့ပြီး ကန်ဆယ်လိုကို ဘယ်ခြမ်းမှာ ပြန်ထားခဲ့တဲ့ စီးတီးရဲ့ ခံစစ်က အများကြီး တည်ငြိမ်ခဲ့သလို ရိုဒရီပါဝင်လာတဲ့ ကွင်းလယ်ကြောင့်လည်း ဘာနာဒို ဆေးလ်ဗားနဲ့ ဂွန်ဒိုးဝမ်တို့ တိုက်စစ်ကို လွတ်လွတ်လပ်လပ် ပုံဖော်နိုင်ခဲ့ပြီး ရှေ့တန်းမှာတော့ ဂရီးလစ်ရှ်၊ ဂျေဆူးစ်နဲ့ ဖယ်ရန် တောရက်စ်တို့ ကစားလာခဲ့ကြတာဖြစ်ပါတယ်။

စီးတီးတို့ရဲ့ တစ်နေရာထက် ပိုကစားနိုင်တဲ့ Versatile Player တွေ များပြားမှုက ဒီနေ့မှာ အသင်းကစားကွက်ကို ပုံသေမဟုတ်ပဲ ပြောင်းလဲ ကစားသွားနိုင်ခဲ့သလို ဘာနာဒို ဆေးလ်ဗားနဲ့ ဂျေဆူးစ်တို့က တောင်ပံတွေ ထွက်ချိန်မှာ ၄-၂-၄ ဆန်ဆန်လည်းဖြစ်သွားတတ်ပြီး လိုအပ်တဲ့ နေရာကို Intelligence မြင့်မားတဲ့ ကွင်းလယ်လူတွေက ဖြည့်ဆည်းပြောင်းလဲကစားသွားကြတာပါ။

ပွဲချိန် ၇ မိနစ်မှာတော့ မန်ချက်စတာစီးတီးတို့ ဂိုးစတင်ရခဲ့ပြီး ညာခြမ်းကနေ ဂျေဆူးစ် ဖြတ်တင်ပေးတဲ့ ဘောလုံးကို နောက်ခံလူ ဟန်လီ ရှင်းထုတ်ရာမှာ လေးလံနေတဲ့ ဂိုးသမား ကရူးလ်နဲ့ ပြန်ထိပြီး ဂိုးထဲ ဝင်သွားခဲ့လို့ နော့ဝစ်ချ်တို့ ကံဆိုးခဲ့ရပြီး နည်းပြ ဒန်နီယယ်လ် ဖာကာအနေနဲ့ အသက်နဲ့မလိုက်အောင် နှေးကွေးလာတဲ့ ဒီ ၃၃ နှစ်သားကြီးကို ပြောင်းလဲဖို့တော့ စဉ်းစားသင့်နေပြီလည်းဖြစ်ပါတယ်။

ပွဲချိန် ၁၅ မိနစ်မှာတော့ ဘာနာဒို ဆေးလ်ဗားကို ဘောလုံးလိမ်ခေါက်ဖို့ ကြိုးစားတဲ့ ရာရှီကာ လဲကျသွားရာကနေ ဂျေဆူးစ်က ဘောလုံးပြန်ယူပြီး ပေးခဲ့တာကို ဖယ်ရန် တောရက်စ် ကန်သွင်းနိုင်ခဲ့ပေမယ့် စောဒကတက်တဲ့ နော့ဝစ်ချ်ကစားသမားတွေကြောင့် ဒိုင်လူကြီး ဂရေဟမ် စကော့က VAR ပြန်ကြည့်ခဲ့ရာမှာ မြင်ကွင်းက မသေချာခဲ့ပေမယ့်လည်း ပြစ်ဒဏ်ဘောသတ်မှတ်ပြီး ဂိုးကို ပယ်ဖျက်သွားခဲ့လို့ စီးတီးတို့ နစ်နာခဲ့ရပါတယ်။

ပွဲချိန် ၂၂ မိနစ်မှာတော့ ဆက်တိုက်ဖန်တီးနေခဲ့တဲ့ ဂျေဆူးစ်ကြောင့်ပဲ စီးတီးတို့ ဒုတိယဂိုးထပ်ရခဲ့ပြီး ညာတောင်ပံနဲ့ Half Space တွေမှာ နေရာယူထားတဲ့ ဘရာဇီးလ်တိုက်စစ်မှူးရဲ့ ဖြတ်တင်ဘော ခပ်ပြင်းပြင်းကို နော့ဝစ်ချ်နောက်တန်းတွေ မတားဆီးနိုင်ခဲ့ဘဲ ကျော်လာတာကို ဂရီးလစ်ရှ် ထိန်းဖို့ ကြိုးစားရာမှာ ဘောလုံးက ဂိုးထဲ သွားချင်လွန်းနေပြီး ကန်ခွင့်တောင် မရလိုက်ဘဲ ဂိုးဝင်သွားခဲ့တာပါ။

ပထမပိုင်းမှာတော့ စီးတီးတို့ အခွင့်အရေးတွေ ထပ်ရခဲ့ပေမယ့် အသုံးချနိုင်ခြင်း မရှိတော့တာကြောင့် နှစ်ဂိုး-ဂိုးမရှိနဲ့ပဲ ကျေနပ်ခဲ့ရသလို နော့ဝစ်ချ် တစ်သင်းလုံးကတော့ နောက်မှာ ဆင်းကစားနေခဲ့သလို ဂိုးပြတ်မရှုံးရေးကို ဦးတည်နေပုံရခဲ့ပြီး အိမ်ရှင်တွေကို တုံ့ပြန်နိုင်စွမ်း နည်းပါးခဲ့တာဖြစ်ပါတယ်။

ဒုတိယပိုင်းမှာလည်း စီးတီးတို့ပဲ ဖိကစားနေခဲ့သလို ဂျေဆူးစ်ကတော့ ဂိုးရကံ သိပ်မပါခဲ့တာကြောင့် လွဲချော်မှုနဲ့ ပိတ်ဆို့ခံရမှုတွေပဲ များခဲ့ပြီး ပွဲချိန် ၆၅ မိနစ်မှာတော့ ထောင့်ကန်ဘောကနေ လာပေါ့တ် ခေါင်းတိုက်သွင်းမှုက နော့ဝစ်ချ်ခံစစ်နဲ့ထိပြီး ပြန်ကျလာတာက သူ့ရှေ့ကိုပဲ ထပ်ရောက်လာခဲ့ရာမှာ စပိန်သားတစ်ဖြစ်လဲ ပြင်သစ်သားက ညာခြေနဲ့ ထပ်ကန်သွင်းယူခဲ့တာဖြစ်ပါတယ်။

ပွဲချိန် မိနစ် ၇၀ မှာတော့ တောရက်စ်အစား ဝင်လာတဲ့ စတာလင်က ကွင်းထဲရောက်ပြီး ၉ မိနစ်အကြာမှာ ဂိုးသွင်းယူနိုင်ခဲ့သလို စီးတီးတို့အတွက် စတုတ္ထဂိုးကိုတော့ ရေထွက်နေပြီဖြစ်တဲ့ နော့ဝစ်ချ်ရဲ့ ဘယ်ခြမ်းကနေပဲ တစ်ချိန်လုံး ဖန်တီးနေခဲ့တဲ့ ဂျေဆူးစ်ရဲ့ ဖြတ်တင်ဘောကို အင်္ဂလန်တိုက်စစ်မှူးက အနီးကပ် ပိတ်သွင်းယူခဲ့တာလည်းဖြစ်ပါတယ်။

ပွဲချိန် ၈၄ မိနစ်မှာတော့ လူကျွံဘော မဖမ်းတတ်ဘဲ ဖမ်းပြီး စီးတီးရှေ့တန်းတွေကို မကြာခဏ လွှတ်ပေးနေခဲ့တဲ့ နော့ဝစ်ချ်နောက်တန်းကြားက ပြေးထွက်ခဲ့တဲ့ လူစားဝင်တောင်ပံကစားသမား မာရက်ဇ်က တစ်ယောက်တည်း လွတ်နေခဲ့ပြန်ပြီး ဒီယက်စ် မ,တင်ပေးလိုက်တဲ့ ဘောလုံးကို ဂိုးသမား ကရူးလ်နဲ့အတွေ့မှာ အဝေးတိုင်ထောင့်ကို ကန်သွင်းနိုင်ခဲ့လို့ အိမ်ရှင်တွေ ပဉ္စမဦးဆောင်ဂိုး ရရှိသွားခဲ့ပါတယ်။

ပွဲချိန်အပြည့်မှာတော့ ပရီးမီးယားလိဂ်ကို တစ်ရာသီဆင်း တစ်ရာသီတက်လုပ်နေပြီး ဒီရာသီအဖွင့်ပွဲနှစ်ပွဲမှာ ရှစ်ဂိုးအထိ ပေးခဲ့ရတဲ့ နော့ဝစ်ချ်ကို မန်ချက်စတာစီးတီးတို့ ငါးဂိုး-ဂိုးမရှိနဲ့ အောင်ပွဲခံနိုင်ခဲ့ပြီး အဖွင့်ပွဲစဉ်က ရှုံးနိမ့်ထားခဲ့ရမှုကို အကောင်းဆုံး ပေါက်ကွဲတုံ့ပြန်နိုင်ခဲ့သလို အာဆင်နယ်နဲ့ နောက်တစ်ပတ်မှာ မကစားခင်မှာ လမ်းကြောင်းမှန်ပေါ် ပြန်လည်တက်ရောက်လာနိုင်ခဲ့ပါကြောင်း ဖော်ပြလိုက်ရပါတယ်။

REF: INTERNET SOURCES
PHOTOS CREDIT TO OWNERS
SPORTS A2Z.

ZAWGYI: မန္ခ်က္စတာစီးတီးအသင္းအေနနဲ႔ ဒီေန႔မွာ ၿပီးခဲ့တဲ့ အဖြင့္ပြဲစဥ္က ဂိုးေပါက္ေပ်ာက္ၿပီး ရႈံးပြဲေတြ႕ထားခဲ့မႈအေပၚ အိမ္ကြင္းမွာ ေပါက္ကြဲလာခဲ့ၿပီး ေနာ့ဝစ္ခ်္စီးတီးကို ငါးဂိုးအထိ သြင္းယူႏိုင္ခဲ့သလို ဟာရီကိန္းကို မရရင္လည္း တိုက္စစ္ပိုင္းက ကိစၥမရွိဘူးဆိုတဲ့ ဂြါဒီယိုလာရဲ႕ စကား မွန္ကန္ႏိုင္မလား စဥ္းစားစရာျဖစ္လာခဲ့ပါတယ္။

ေနာက္ခံလူေနရာမွာ ႐ူဘင္ ဒီယက္စ္နဲ႔ လာေပါ့တ္ကို တြဲေပးခဲ့ၿပီး ကန္ဆယ္လိုကို ဘယ္ျခမ္းမွာ ျပန္ထားခဲ့တဲ့ စီးတီးရဲ႕ ခံစစ္က အမ်ားႀကီး တည္ၿငိမ္ခဲ့သလို ႐ိုဒရီပါဝင္လာတဲ့ ကြင္းလယ္ေၾကာင့္လည္း ဘာနာဒို ေဆးလ္ဗားနဲ႔ ဂြန္ဒိုးဝမ္တို႔ တိုက္စစ္ကို လြတ္လြတ္လပ္လပ္ ပုံေဖာ္ႏိုင္ခဲ့ၿပီး ေရွ႕တန္းမွာေတာ့ ဂရီးလစ္ရွ္၊ ေဂ်ဆူးစ္နဲ႔ ဖယ္ရန္ ေတာရက္စ္တို႔ ကစားလာခဲ့ၾကတာျဖစ္ပါတယ္။

စီးတီးတို႔ရဲ႕ တစ္ေနရာထက္ ပိုကစားႏိုင္တဲ့ Versatile Player ေတြ မ်ားျပားမႈက ဒီေန႔မွာ အသင္းကစားကြက္ကို ပုံေသမဟုတ္ပဲ ေျပာင္းလဲ ကစားသြားႏိုင္ခဲ့သလို ဘာနာဒို ေဆးလ္ဗားနဲ႔ ေဂ်ဆူးစ္တို႔က ေတာင္ပံေတြ ထြက္ခ်ိန္မွာ ၄-၂-၄ ဆန္ဆန္လည္းျဖစ္သြားတတ္ၿပီး လိုအပ္တဲ့ ေနရာကို Intelligence ျမင့္မားတဲ့ ကြင္းလယ္လူေတြက ျဖည့္ဆည္းေျပာင္းလဲကစားသြားၾကတာပါ။

ပြဲခ်ိန္ ၇ မိနစ္မွာေတာ့ မန္ခ်က္စတာစီးတီးတို႔ ဂိုးစတင္ရခဲ့ၿပီး ညာျခမ္းကေန ေဂ်ဆူးစ္ ျဖတ္တင္ေပးတဲ့ ေဘာလုံးကို ေနာက္ခံလူ ဟန္လီ ရွင္းထုတ္ရာမွာ ေလးလံေနတဲ့ ဂိုးသမား က႐ူးလ္နဲ႔ ျပန္ထိၿပီး ဂိုးထဲ ဝင္သြားခဲ့လို႔ ေနာ့ဝစ္ခ်္တို႔ ကံဆိုးခဲ့ရၿပီး နည္းျပ ဒန္နီယယ္လ္ ဖာကာအေနနဲ႔ အသက္နဲ႔မလိုက္ေအာင္ ေႏွးေကြးလာတဲ့ ဒီ ၃၃ ႏွစ္သားႀကီးကို ေျပာင္းလဲဖို႔ေတာ့ စဥ္းစားသင့္ေနၿပီလည္းျဖစ္ပါတယ္။

ပြဲခ်ိန္ ၁၅ မိနစ္မွာေတာ့ ဘာနာဒို ေဆးလ္ဗားကို ေဘာလုံးလိမ္ေခါက္ဖို႔ ႀကိဳးစားတဲ့ ရာရွီကာ လဲက်သြားရာကေန ေဂ်ဆူးစ္က ေဘာလုံးျပန္ယူၿပီး ေပးခဲ့တာကို ဖယ္ရန္ ေတာရက္စ္ ကန္သြင္းႏိုင္ခဲ့ေပမယ့္ ေစာဒကတက္တဲ့ ေနာ့ဝစ္ခ်္ကစားသမားေတြေၾကာင့္ ဒိုင္လူႀကီး ဂေရဟမ္ စေကာ့က VAR ျပန္ၾကည့္ခဲ့ရာမွာ ျမင္ကြင္းက မေသခ်ာခဲ့ေပမယ့္လည္း ျပစ္ဒဏ္ေဘာသတ္မွတ္ၿပီး ဂိုးကို ပယ္ဖ်က္သြားခဲ့လို႔ စီးတီးတို႔ နစ္နာခဲ့ရပါတယ္။

ပြဲခ်ိန္ ၂၂ မိနစ္မွာေတာ့ ဆက္တိုက္ဖန္တီးေနခဲ့တဲ့ ေဂ်ဆူးစ္ေၾကာင့္ပဲ စီးတီးတို႔ ဒုတိယဂိုးထပ္ရခဲ့ၿပီး ညာေတာင္ပံနဲ႔ Half Space ေတြမွာ ေနရာယူထားတဲ့ ဘရာဇီးလ္တိုက္စစ္မႉးရဲ႕ ျဖတ္တင္ေဘာ ခပ္ျပင္းျပင္းကို ေနာ့ဝစ္ခ်္ေနာက္တန္းေတြ မတားဆီးႏိုင္ခဲ့ဘဲ ေက်ာ္လာတာကို ဂရီးလစ္ရွ္ ထိန္းဖို႔ ႀကိဳးစားရာမွာ ေဘာလုံးက ဂိုးထဲ သြားခ်င္လြန္းေနၿပီး ကန္ခြင့္ေတာင္ မရလိုက္ဘဲ ဂိုးဝင္သြားခဲ့တာပါ။

ပထမပိုင္းမွာေတာ့ စီးတီးတို႔ အခြင့္အေရးေတြ ထပ္ရခဲ့ေပမယ့္ အသုံးခ်ႏိုင္ျခင္း မရွိေတာ့တာေၾကာင့္ ႏွစ္ဂိုး-ဂိုးမရွိနဲ႔ပဲ ေက်နပ္ခဲ့ရသလို ေနာ့ဝစ္ခ်္ တစ္သင္းလုံးကေတာ့ ေနာက္မွာ ဆင္းကစားေနခဲ့သလို ဂိုးျပတ္မရႈံးေရးကို ဦးတည္ေနပုံရခဲ့ၿပီး အိမ္ရွင္ေတြကို တုံ႔ျပန္ႏိုင္စြမ္း နည္းပါးခဲ့တာျဖစ္ပါတယ္။

ဒုတိယပိုင္းမွာလည္း စီးတီးတို႔ပဲ ဖိကစားေနခဲ့သလို ေဂ်ဆူးစ္ကေတာ့ ဂိုးရကံ သိပ္မပါခဲ့တာေၾကာင့္ လြဲေခ်ာ္မႈနဲ႔ ပိတ္ဆို႔ခံရမႈေတြပဲ မ်ားခဲ့ၿပီး ပြဲခ်ိန္ ၆၅ မိနစ္မွာေတာ့ ေထာင့္ကန္ေဘာကေန လာေပါ့တ္ ေခါင္းတိုက္သြင္းမႈက ေနာ့ဝစ္ခ်္ခံစစ္နဲ႔ထိၿပီး ျပန္က်လာတာက သူ႔ေရွ႕ကိုပဲ ထပ္ေရာက္လာခဲ့ရာမွာ စပိန္သားတစ္ျဖစ္လဲ ျပင္သစ္သားက ညာေျခနဲ႔ ထပ္ကန္သြင္းယူခဲ့တာျဖစ္ပါတယ္။

ပြဲခ်ိန္ မိနစ္ ၇၀ မွာေတာ့ ေတာရက္စ္အစား ဝင္လာတဲ့ စတာလင္က ကြင္းထဲေရာက္ၿပီး ၉ မိနစ္အၾကာမွာ ဂိုးသြင္းယူႏိုင္ခဲ့သလို စီးတီးတို႔အတြက္ စတုတၳဂိုးကိုေတာ့ ေရထြက္ေနၿပီျဖစ္တဲ့ ေနာ့ဝစ္ခ်္ရဲ႕ ဘယ္ျခမ္းကေနပဲ တစ္ခ်ိန္လုံး ဖန္တီးေနခဲ့တဲ့ ေဂ်ဆူးစ္ရဲ႕ ျဖတ္တင္ေဘာကို အဂၤလန္တိုက္စစ္မႉးက အနီးကပ္ ပိတ္သြင္းယူခဲ့တာလည္းျဖစ္ပါတယ္။

ပြဲခ်ိန္ ၈၄ မိနစ္မွာေတာ့ လူကြၽံေဘာ မဖမ္းတတ္ဘဲ ဖမ္းၿပီး စီးတီးေရွ႕တန္းေတြကို မၾကာခဏ လႊတ္ေပးေနခဲ့တဲ့ ေနာ့ဝစ္ခ်္ေနာက္တန္းၾကားက ေျပးထြက္ခဲ့တဲ့ လူစားဝင္ေတာင္ပံကစားသမား မာရက္ဇ္က တစ္ေယာက္တည္း လြတ္ေနခဲ့ျပန္ၿပီး ဒီယက္စ္ မ,တင္ေပးလိုက္တဲ့ ေဘာလုံးကို ဂိုးသမား က႐ူးလ္နဲ႔အေတြ႕မွာ အေဝးတိုင္ေထာင့္ကို ကန္သြင္းႏိုင္ခဲ့လို႔ အိမ္ရွင္ေတြ ပၪၥမဦးေဆာင္ဂိုး ရရွိသြားခဲ့ပါတယ္။

ပြဲခ်ိန္အျပည့္မွာေတာ့ ပရီးမီးယားလိဂ္ကို တစ္ရာသီဆင္း တစ္ရာသီတက္လုပ္ေနၿပီး ဒီရာသီအဖြင့္ပြဲႏွစ္ပြဲမွာ ရွစ္ဂိုးအထိ ေပးခဲ့ရတဲ့ ေနာ့ဝစ္ခ်္ကို မန္ခ်က္စတာစီးတီးတို႔ ငါးဂိုး-ဂိုးမရွိနဲ႔ ေအာင္ပြဲခံႏိုင္ခဲ့ၿပီး အဖြင့္ပြဲစဥ္က ရႈံးနိမ့္ထားခဲ့ရမႈကို အေကာင္းဆုံး ေပါက္ကြဲတုံ႔ျပန္ႏိုင္ခဲ့သလို အာဆင္နယ္နဲ႔ ေနာက္တစ္ပတ္မွာ မကစားခင္မွာ လမ္းေၾကာင္းမွန္ေပၚ ျပန္လည္တက္ေရာက္လာႏိုင္ခဲ့ပါေၾကာင္း ေဖာ္ျပလိုက္ရပါတယ္။

REF: INTERNET SOURCES
PHOTOS CREDIT TO OWNERS
SPORTS A2Z.