အခုလာမယ့် ပရီးမီးယားလိဂ်ရာသီသစ်အတွက် အသင်းတိုင်းက သွေးပူနေကြပြီဖြစ်ပြီး လာမယ့် ၁၄ ရက်နေ့ကစလို့ အဖွင့်ပွဲစဥ်ကို စိန်ခေါ်ရတော့မှာဖြစ်ပြီး ဘရန့်ဖို့ဒ်နဲ့ ကစားရမယ့် အာဆင်နယ်အသင်းဟာ ပြီးခဲ့တဲ့ရာသီက အဆင့် ၈ နဲ့ ရာသီသိမ်းပြီး ၂၆ နှစ်အတွင်း ပထမဆုံး ဥရောပတန်းမဝင်ခဲ့တဲ့ ကျိန်စာဆိုးကို ရာသီသစ်မှာ ချေဖျက်ပြရတော့မှာကြောင့် “အာဆင်နယ်တို့ လုပ်ပြပါလိမ့်မယ်”လို့ ခန့်မှန်းခံထားရတဲ့ အချက် ၅ ချက်ကိုလည်း တင်ဆက်ပေးဖို့ ဖြစ်လာပါတယ်။
ဒေါင်းတင်မောင်းတင်ပြန်လာမယ့် သောမတ်စ် ပါတေး
တာထွက်ရာသီမှာတော့ ဒဏ်ရာကြောင့် ခြေစွမ်းငုပ်ခဲ့ရတဲ့ ကွင်းလယ်လူ ပါတေးကို ဒီရာသီမှာတော့ ကြံ့ခိုင်မှုအပြည့်နဲ့ ပြန်လာပြီး နည်းပြမီခေးလ် အာတီတာရဲ့ အဓိကအခန်းကဏ္ဍဖြစ်လာမယ်လို့ မျှော်မှန်းထားကြပါတယ်။ အက်သလက်တီကို မက်ဒရစ်မှာ ပြသခဲ့တဲ့ ဂါနာသားရဲ့ ကွင်းလယ်ခံစစ်ပိုင်း ကစားအားကို အမြင့်ဆုံး မြင်တွေ့ရဖို့လည်း ဂန်းနားတို့ တောင့်တထားပါတယ်။ ယခုအခါမှာတော့ ချဲလ်ဆီးအသင်းနဲ့ ချစ်ကြည်ရေး ခြေစမ်းပွဲမှာ ရခဲ့တဲ့ ဒဏ်ရာကြောင့် ၃ ပတ် အနားယူနေရပါတယ်။
အကယ်ဒမီထုတ်ကုန်တွေကို အာတီတာ မြေတောင်မြှောက်မယ်
ပြီးခဲ့တဲ့ရာသီက အာဆင်နယ်အတွက် အမြတ်အထွက်ဆုံးက လူငယ်ခြေတက်လေးတွေဖြစ်တဲ့ ဘူကာယို ဆာကာနဲ့ အီမီးလ် စမစ်ရိုးတို့ရဲ့ တောက်ပမှုဖြစ်ပြီး အခုလာမယ့်ရာသီသစ်မှာလည်း အကယ်ဒမီထုတ်ကုန်လေးတွေဖြစ်တဲ့ ဖိုလာရင် ဘာလိုဂွန်၊ မီဂွယ်လ် အာဇီးတို့ ပထမအသင်းလူစာရင်းတို့ကို အာတီတာတယောက် ဆက်လက်မြေတောင်မြှောက်ပေးသွားဖို့လည်း ခန့်မှန်းထားကြပါတယ်။
ဆာကာနဲ့ စမစ်ရိုးတို့ ထိုးဖောက်မယ့် ရာသီသစ်
အခုရာသီမှာ ဒီအင်္ဂလန်သားလေးတွေက စပိန်နည်းပြရဲ့ကစားဟန်မှာ အသက်သွေးကြောဖြစ်လာဖွယ်ရှိနေပါတယ်။ ပြီးခဲ့တဲ့ရာသီက အသင်းရဲ့ အကောင်းဆုံး ကစားသမားဆုရခဲ့တဲ့ ဆာကာ၊ ကျောနံပါတ် ၁၀ နဲ့အတူ စာချုပ်သစ်ချုပ်ဆိုထားတဲ့ အီမီးလ် စမစ်ရိုးတို့ဟာ အာတီတာရဲ့ယုံကြည်မှုကို အပြည့်အဝ ပြန်လည်ပေးဆပ်ပြီး အထူးခြားဆုံး ထိုးဖောက်လာမယ့် ရာသီအဖြစ် သတ်မှတ်ခံထားရပြီဖြစ်ပါတယ်။
အစွန်းနှစ်ဖက်ထွက်နေတဲ့ ပေပေ လူသစ်စိတ်သစ်နဲ့ ပြန်လာမယ်
ပေါင် ၇၂ သန်းတန် ကစားသမားအကြောင်းကို ပြောရင် သူ့ကို အားကိုးပြီး ခေါ်ယူခဲ့တဲ့ စျေးနှုန်းက အတော်လေးမြင့်မားခဲ့သလောက် မျှော်လင့်ချက်ဖိအားကလည်း ကြောက်ခမန်းလိလိ ရှိခဲ့တာပါ။ ဒါတွေအတွက် နီကိုလာ ပေပေတစ်ယောက် သက်သေပြလာနိုင်မယ့် ရာသီအဖြစ် အာဆင်နယ်ပရိသတ်တွေက စောင့်ဆိုင်းနေပါတယ်။
ဒါ့အပြင် အိုင်ဗရီကို့စ်သားရဲ့ ပြဿနာဖြစ်တဲ့ ခြေစွမ်းနှစ်မျိုးကို နှစ်ကိုယ်ခွဲပြီး ပြသနေလေသလားလို့ ထင်မှတ်ရလောက်တဲ့ မတည်ငြိမ်တဲ့ စွမ်းဆောင်ရည်ကိုလည်း အစွန်းနှစ်ဖက်ထွက်ခြင်းကနေ စိတ်အာရုံပြန်လည်စုစည်းပြီး ပြင်သစ်လိဂ်မှာ ကြွေတက်ခဲ့သလို ပေါက်ကွဲမှု အစစ်အမှန်မျိုးနဲ့ ရာသီသစ်မှာ လူသစ်စိတ်သစ်နဲ့ ပြန်လာဖို့လည်း ရှိနေပါတယ်။
ဥရောပဝင်ခွင့် ပြန်ယူမယ်
အသင့်သုံးလို့ရမယ့် လူသစ်ကစားသမားအဖြစ် အနည်းဆုံး ၄ ဦးလောက် ဖြည့်တင်းနိုင်မယ်လို့ ယူဆထားတဲ့ အာတီတာကတော့ ပေါင်သန်း ၅၀ တန် ဘန်ဝှိုက် တစ်ဦးတည်းကိုသာ အင်အားဖြည့်တင်းနိုင်ခဲ့ပြီး နူနို တာဗာရက်စ်၊ အဲလ်ဘတ် ဆမ်ဘီ လိုကွန်ဂါတို့ကိုတော့ လူငယ်သွေးသစ်လေးတွေအနေနဲ့ ဆက်လက်စောင့်ကြည့်ရမှာဖြစ်သလို အဆိုးမြင်တယ်ပဲဆိုဆို လိုအပ်ချက် တပုံတပင်ဖြစ်နေတယ်လို့ သတ်မှတ်ခံထားရတဲ့ လူစာရင်းနဲ့ အာဆင်နယ်တို့ ဥရောပဝင်ခွင့်ကို ပြန်လည်ရဖို့ ရာသီရှည်ခရီးကို ဖြတ်သန်းရလိမ့်မယ်လို့ တွက်ချက်ခံရပါသေးတယ်။
REF: INTERNET SOURCES
PHOTOS CREDIT TO OWNERS
SPORTS A2Z.
ZAWGYI: အခုလာမယ့္ ပရီးမီးယားလိဂ္ရာသီသစ္အတြက္ အသင္းတိုင္းက ေသြးပူေနၾကၿပီျဖစ္ၿပီး လာမယ့္ ၁၄ ရက္ေန႔ကစလို႔ အဖြင့္ပြဲစဥ္ကို စိန္ေခၚရေတာ့မွာျဖစ္ၿပီး ဘရန္႔ဖို႔ဒ္နဲ႔ ကစားရမယ့္ အာဆင္နယ္အသင္းဟာ ၿပီးခဲ့တဲ့ရာသီက အဆင့္ ၈ နဲ႔ ရာသီသိမ္းၿပီး ၂၆ ႏွစ္အတြင္း ပထမဆုံးဥေရာပတန္းမဝင္ခဲ့တဲ့ က်ိန္စာဆိုးကို ရာသီသစ္မွာ ေခ်ဖ်က္ျပရေတာ့မွာေၾကာင့္ “အာဆင္နယ္တို႔ လုပ္ျပပါလိမ့္မယ္” လို႔ ခန္႔မွန္းခံထားရတဲ့ အခ်က္ ၅ ခ်က္ကိုလည္း တင္ဆက္ေပးဖို႔ ျဖစ္လာပါတယ္။
ေဒါင္းတင္ေမာင္းတင္ျပန္လာမယ့္ ေသာမတ္စ္ ပါေတး
တာထြက္ရာသီမွာေတာ့ ဒဏ္ရာေၾကာင့္ ေျခစြမ္းငုပ္ခဲ့ရတဲ့ ကြင္းလယ္လူ ပါေတးကို ဒီရာသီမွာေတာ့ ႀကံ့ခိုင္မႈအျပည့္နဲ႔ ျပန္လာၿပီး နည္းျပမီေခးလ္ အာတီတာရဲ႕ အဓိကအခန္းက႑ျဖစ္လာမယ္လို႔ ေမွ်ာ္မွန္းထားၾကပါတယ္။ အက္သလက္တီကို မက္ဒရစ္မွာ ျပသခဲ့တဲ့ ဂါနာသားရဲ႕ ကြင္းလယ္ခံစစ္ပိုင္း ကစားအားကို အျမင့္ဆုံးျမင္ေတြ႕ရဖို႔လည္း ဂန္းနားတို႔ ေတာင့္တထားပါတယ္။ ယခုအခါမွာေတာ့ ခ်ဲလ္ဆီးအသင္းနဲ႔ ခ်စ္ၾကည္ေရး ေျခစမ္းပြဲမွာ ရခဲ့တဲ့ ဒဏ္ရာေၾကာင့္ ၃ ပတ္အနားယူေနရပါတယ္။
အကယ္ဒမီထုတ္ကုန္ေတြကို အာတီတာေျမေတာင္ေျမႇာက္မယ္
ၿပီးခဲ့တဲ့ရာသီက အာဆင္နယ္အတြက္ အျမတ္အထြက္ဆုံးက လူငယ္ေျခတက္ေလးေတြျဖစ္တဲ့ ဘူကာယို ဆာကာနဲ႔ အီမီးလ္ စမစ္သ္႐ိုးတို႔ရဲ႕ ေတာက္ပမႈျဖစ္ၿပီး အခုလာမယ့္ရာသီသစ္မွာလည္း အကယ္ဒမီထုတ္ကုန္ေလးေတြျဖစ္တဲ့ ဖိုလာရင္ ဘာလိုဂြန္၊ မီဂြယ္လ္ အာဇီးတို႔ ပထမအသင္းလူစာရင္းတို႔ကို အာတီတာတေယာက္ ဆက္လက္ေျမေတာင္ေျမႇာက္ေပးသြားဖို႔လည္း ခန္႔မွန္းထားၾကပါတယ္။
ဆာကာနဲ႔ စမစ္႐ိုးတို႔ ထိုးေဖာက္မယ့္ရာသီသစ္
အခုရာသီမွာ ဒီအဂၤလန္သားေလးေတြက စပိန္နည္းျပရဲ႕ကစားဟန္မွာ အသက္ေသြးေၾကာျဖစ္လာဖြယ္ရွိေနပါတယ္။ ၿပီးခဲ့တဲ့ရာသီက အသင္းရဲ႕ အေကာင္းဆုံးကစားသမားဆုရခဲ့တဲ့ ဆာကာ၊ ေက်ာနံပါတ္ ၁၀ နဲ႔အတူ စာခ်ဳပ္သစ္ခ်ဳပ္ဆိုထားတဲ့ အီမီးလ္ စမစ္႐ိုးးတို႔ဟာ အာတီတာရဲ႕ယုံၾကည္မႈကို အျပည့္အဝျပန္လည္ေပးဆပ္ၿပီး အထူးျခားဆုံး ထိုးေဖာက္လာမယ့္ရာသီအျဖစ္ သတ္မွတ္ခံထားရၿပီျဖစ္ပါတယ္။
အစြန္းႏွစ္ဖက္ထြက္ေနတဲ့ ေပေပ လူသစ္စိတ္သစ္နဲ႔ ျပန္လာမယ္
ေပါင္ ၇၂ သန္းတန္ ကစားသမားအေၾကာင္းကိုေျပာရင္ သူ႔ကို အားကိုးၿပီး ေခၚယူခဲ့တဲ့ ေစ်းႏႈန္းက အေတာ္ေလးျမင့္မားခဲ့သေလာက္ ေမွ်ာ္လင့္ခ်က္ဖိအားကလည္း ေၾကာက္ခမန္းလိလိ ရွိခဲ့တာပါ။ ဒါေတြအတြက္ နီကိုလာ ေပေပ တေယာက္ သက္ေသျပလာႏိုင္မယ့္ ရာသီအျဖစ္ အာဆင္နယ္ပရိသတ္ေတြက ေစာင့္ဆိုင္းေနပါတယ္။
ဒါ့အျပင္ အိုင္ဗရီကို႔္စသားရဲ႕ ျပႆနာျဖစ္တဲ့ ေျခစြမ္းႏွစ္မ်ိဳးကို ႏွစ္ကိုယ္ခြဲၿပီး ျပသေနေလသလားလို႔ ထင္မွတ္ရေလာက္တဲ့ မတည္ၿငိမ္တဲ့ စြမ္းေဆာင္ရည္ကိုလည္း အစြန္းႏွစ္ဖက္ထြက္ျခင္းကေန စိတ္အာ႐ုံျပန္လည္စုစည္းၿပီး ျပင္သစ္လိဂ္မွာ ေႂကြတက္ခဲ့သလို ေပါက္ကြဲမႈအစစ္အမွန္မ်ိဳးနဲ႔ ရာသီသစ္မွာ လူသစ္စိတ္သစ္နဲ႔ ျပန္လာဖို႔လည္း ရွိေနပါတယ္။
ဥေရာပဝင္ခြင့္ျပန္ယူမယ္
အသင့္သုံးလို႔ရမယ့္ လူသစ္ကစားသမားအျဖစ္ အနည္းဆုံး ၄ ဦးေလာက္ ျဖည့္တင္းႏိုင္မယ္လို႔ ယူဆထားတဲ့ အာတီတာကေတာ့ ေပါင္သန္း ၅၀ တန္ ဘန္ဝႈိက္တဦးတည္းကိုသာ အင္အားျဖည့္တင္းႏိုင္ခဲ့ၿပီး ႏူႏို တာဗာရက္စ္၊ အဲလ္ဘတ္ ဆမ္ဘီ လိုကြန္ဂါတို႔ကိုေတာ့ လူငယ္ေသြးသစ္ေလးေတြအေနနဲ႔ ဆက္လက္ေစာင့္ၾကည့္ရမွာျဖစ္သလို အဆိုးျမင္တယ္ပဲဆိုဆို လိုအပ္ခ်က္တပုံတပင္ျဖစ္ေနတယ္လို႔ သတ္မွတ္ခံထားရတဲ့ လူစာရင္းနဲ႔ အာဆင္နယ္တို႔ ဥေရာပဝင္ခြင့္ကို ျပန္လည္ရဖို႔ ရာသီရွည္ခရီးကို ျဖတ္သန္းရလိမ့္မယ္လို႔ တြက္ခ်က္ခံရပါေသးတယ္။
REF: INTERNET SOURCES
PHOTOS CREDIT TO OWNERS
SPORTS A2Z.
