ဥရောပရဲ့ အကောင်းဆုံးကစားသမားတွေနဲ့ တောက်မယ့် မီးခဲလေးတွေကို လက်သွက်ပြီး သူ့ကို အေးဂျင့်အဖြစ် ထားရှိဖို့ ငွေကြေးရရှိမှုကို မက်လုံးပေးပြီး စည်းရုံးထားတတ်တဲ့ အေးဂျင့် မီနို ရိုင်ယိုလာဟာ နာမည်ဆိုးနဲ့ ကျော်ကြားသလို ကစားသမားတွေကို အသင်းပြောင်းအောင်၊ စာချုပ်သစ် လစာတိုးတောင်းအောင်လုပ်ပြီး သူ့အတွက် ကော်မရှင်ခဏကို မကြာခဏ ရှာဖွေတတ်သူဖြစ်ပါတယ်။
သူ့ရဲ့ ဉာဏ်နီဉာဏ်နက် ဉာဏ်ပြာဉာဏ်ဝါ နည်းလမ်းအမျိုးမျိုးနဲ့ ရိုက်စားလိုက် ရိတ်စားလိုက်လုပ်နေတဲ့ ဖောက်သည်ဘောလုံးသမားတွေထဲမှာ နာမည်ကြီးနဲ့ လူငယ်ခြေတက်တွေကို အဓိက ရွေးထုတ်ပြီး အကောင်းဆုံးကစားသမား ၁၁ ယောက်ကို စတင်ကြည့်မယ်ဆိုရင်တော့ ပီအက်စ်ဂျီကို ပူပူနွေးနွေးရောက်သွားသူ ယူရိုချန်ပီယံ ရွှေလက်ရှင်နဲ့ စတင်ရမှာဖြစ်ပါတယ်။
ဂျန်လွီဂျီ ဒွန်နာရမ်မာကို အေစီမီလန်အသင်းဘက်က စာချုပ်သစ်ချုပ်ဖို့ ကြိုးစားခဲ့ပေမယ့် မအောင်မြင်ခဲ့တာဟာ ရိုင်ယိုလာရဲ့ ဆေးထိုးမှုတွေကြောင့်လို့ အားလုံးက ယူဆနေကြပြီး အသင်းနဲ့ ဇူလိုင်လ ၁ ရက်နေ့မှာ စာချုပ်ကုန်ဆုံးအပြီးမှာတော့ အီတလီလက်ရွေးစင်ဂိုးသမားဟာ ပီအက်စ်ဂျီကို တစ်နှစ်လုပ်ခ ယူရို ၁၂ သန်းနဲ့ ဆန်ဆီရိုမှာ ရရှိနေတာထက် နှစ်ဆနဲ့ ပြောင်းရွှေ့သွားတာဖြစ်လို့ လူတွေ မုန်းကြပေမယ့် သူကတော့ ပီဇာသမားဟောင်းကို ချစ်မှာ သေချာနေပါတယ်။
၄-၃-၃ ပုံစံနဲ့ ရွေးချယ်ရမယ့် စာရင်းမှာ ခံစစ်သမားတွေအဖြစ်တော့ နာပိုလီရဲ့ ဂရိနောက်ခံလူ ကော့စ်တတ်စ် မာနိုလတ်စ်၊ ဂျူဗင်တပ်စ်ရဲ့ နယ်သာလန် လက်ရွေးစင် မက်သစ် ဒီလစ်ချ်၊ အေစီမီလန်ရဲ့ အီတလီသား အလက်စီယို ရိုမာညိုလီနဲ့ အင်တာမီလန်ရဲ့ ဒတ်ချ်ခံစစ်မှူး စတီဖန် ဒီဗရီးတို့ ပါဝင်နေပြီး အရွယ်ကောင်းတွေချည်းဖြစ်သလို အသင်းတိုင်းနီးပါး အလိုရှိနေကြတဲ့သူတွေလည်းဖြစ်ပါတယ်။
ထူးခြားထင်ရှားတာကတော့ အိုင်းယက်စ်လို ဒတ်ချ်အသင်းကနေ ဥရောပအသင်းကြီးတွေက ဆွဲဆောင်ဖို့ ဒီလစ်ချ်ရဲ့ အပြောင်းအရွှေ့လုပ်ဆောင်စဉ်မှာ ခက်ခဲခဲ့ကြတာဖြစ်ပြီး ရီးရဲလ်မက်ဒရစ်နဲ့ ဘာစီလိုနာတို့လိုအသင်းတွေ နောက်ကောက်ကျခဲ့ရပြီး နောက်ဆုံး အများဆုံးပေးခဲ့တဲ့ ဂျူဗင်တပ်စ်ကို သူနဲ့ ရိုင်ယိုလာတို့က ရွေးချယ်ခဲ့ကြတာပါ။
ကွင်းလယ်မှာတော့ မန်ချက်စတာယူနိုက်တက်ကနေ အမြဲတမ်း မတည်မငြိမ်ဖြစ်အောင် သွေးထိုးခံရတဲ့ ပေါလ် ပေါ့ဘာ၊ အိုင်းယက်စ်ရဲ့ လူငယ်ကွင်းလယ်လူ ရိုင်ယန် ဂရာဗင်ဘက်ချ်နဲ့ ပီအက်စ်ဂျီမှာ စွဲစွဲမြဲမြဲ ကစားနေခဲ့တဲ့ မာကို ဗာရက်တီတို့ ပါဝင်နေကြပြီး ဒီထဲမှာ ရိုင်ယိုလာနဲ့ အတူတွဲပြီး အမုန်းခံရတာကတော့ ပြင်သစ်သား ပေါ့ဘာဖြစ်သလို နည်းပြအဆက်ဆက် ကိုင်တွယ်ရ ခက်ခဲ့ပြီး နောက်ဆုံးမှာ သူ့ကို အသင်းပရိသတ်တွေကပါ ချဉ်သွားခဲ့ကြတာလည်းဖြစ်ပါတယ်။
တိုက်စစ်ပိုင်းမှာတော့ ဒေါ့မွန်ရဲ့ အာလင်း ဟားလန်း၊ နာပိုလီရဲ့ အီရ်ဗင်း လိုဇာနိုနဲ့ ပီအက်စ်ဂျီမှာ အငှားနဲ့ ကစားနေတဲ့ အဲဗာတန်ရဲ့ မွိုက်စ်ကီးန်တို့ ပါဝင်နေပြီး ဒီထဲမှာတော့ နော်ဝေသားကို ကျစ်ထားတဲ့ သူ့ရဲ့ အကွက်က အထင်ရှားဆုံးဖြစ်ပါတယ်။ ဒီနွေမှာ အသင်းပြောင်းဖြစ်ရင် ရိုင်ယိုလာဆီ ယူရိုသန်း ၄၀ ပေးချေရမယ်ဆိုတဲ့ အချက်က ရောင်းမယ့်သူကို စိတ်ညစ်စေသလို ဝယ်မယ့်သူတွေကိုလည်း ပက်လက်လန်စေပြီး ပုဂ္ဂိုလ်ရေး ခံစားခွင့်တွေမှာ လစာငွေ ဘယ်လောက်ပေးပေး အလုပ်မဖြစ်နိုင်ကြတော့တာပါ။
အီတလီအခြေစိုက် ကစားသမားတွေကို ကိုင်ထားနိုင်တဲ့အထဲမှာ ဒတ်ချ်လိဂ်က ဒီလစ်ချ်၊ ဂရာဗင်ဘက်ချ်နဲ့ လိုဇာနို(ယခင် ပီအက်စ်ဗီ)တို့ကို စည်းရုံးထားနိုင်ခဲ့တာကတော့ အံ့ဩစရာဖြစ်သလို ဩစတြီးယားမှာကတည်းက ဟားလန်းကို အပိုင်ကိုင်ထားခဲ့တာကလည်း ဆရာကျလွန်းပြီး ဒေါ့မွန်တို့ အနေနဲ့ သူတောင်းဆိုတဲ့အတိုင်း ယူရို ၇၅ သန်းတန် လျော်ကြေးစာချုပ် ထည့်သွင်းခဲ့ရသလို ပိုင်ဆိုင်ထားတာမှန်ပေမယ့် အချိန်တန်ရင် အလှီးခံရဦးမှာတော့ အသေအချာပဲဖြစ်ပါတယ်။
ဒီ ၁၁ ယောက်ကို ဒေးလီးမေးလ်က စုစည်းခဲ့ပြီး ဒီရာသီမှာ ဘယ်ကစားသမားမှ အသင်းမပြောင်းနိုင်ခဲ့တာဟာ ရိုင်ယိုလာရဲ့ ကော်မရှင် ဖြတ်စားမှုကို ကျော်လွန်ပြီး အကျိုးအမြတ်ရှိနိုင်အောင် တောင်းဆိုနေရတဲ့ ရောင်းမယ့်သူတွေရဲ့ အခက်အခဲကြောင့်လည်း ဖြစ်တယ်လို့ သိရသလို အနာဂတ်မှာလည်း ဘောလုံးလောကရဲ့ Black List ထဲကို ထည့်သွင်းရဖို့ နီးနေတဲ့ အီတလီသားရဲ့ စနက်မှာ အသင်းတွေနဲ့ ကစားသမားတွေ ဘယ်လိုတွေ တိုင်ပတ်ကြဦးမယ်ဆိုတာ စောင့်ကြည့်ရမှာဖြစ်ကြောင်း ဖော်ပြလိုက်ရပါတယ်။
REF: INTERNET SOURCES
PHOTOS CREDIT TO OWNERS
SPORTS A2Z.
ZAWGYI: ဥေရာပရဲ႕ အေကာင္းဆုံးကစားသမားေတြနဲ႔ ေတာက္မယ့္ မီးခဲေလးေတြကို လက္သြက္ၿပီး သူ႔ကို ေအးဂ်င့္အျဖစ္ ထားရွိဖို႔ ေငြေၾကးရရွိမႈကို မက္လုံးေပးၿပီး စည္း႐ုံးထားတတ္တဲ့ ေအးဂ်င့္ မီႏို ႐ိုင္ယိုလာဟာ နာမည္ဆိုးနဲ႔ ေက်ာ္ၾကားသလို ကစားသမားေတြကို အသင္းေျပာင္းေအာင္၊ စာခ်ဳပ္သစ္ လစာတိုးေတာင္းေအာင္လုပ္ၿပီး သူ႔အတြက္ ေကာ္မရွင္ခဏကို မၾကာခဏ ရွာေဖြတတ္သူျဖစ္ပါတယ္။
သူ႔ရဲ႕ ဉာဏ္နီဉာဏ္နက္ ဉာဏ္ျပာဉာဏ္ဝါ နည္းလမ္းအမ်ိဳးမ်ိဳးနဲ႔ ႐ိုက္စားလိုက္ ရိတ္စားလိုက္လုပ္ေနတဲ့ ေဖာက္သည္ေဘာလုံးသမားေတြထဲမွာ နာမည္ႀကီးနဲ႔ လူငယ္ေျခတက္ေတြကို အဓိက ေ႐ြးထုတ္ၿပီး အေကာင္းဆုံးကစားသမား ၁၁ ေယာက္ကို စတင္ၾကည့္မယ္ဆိုရင္ေတာ့ ပီအက္စ္ဂ်ီကို ပူပူေႏြးေႏြးေရာက္သြားသူ ယူ႐ိုခ်န္ပီယံ ေ႐ႊလက္ရွင္နဲ႔ စတင္ရမွာျဖစ္ပါတယ္။
ဂ်န္လြီဂ်ီ ဒြန္နာရမ္မာကို ေအစီမီလန္အသင္းဘက္က စာခ်ဳပ္သစ္ခ်ဳပ္ဖို႔ ႀကိဳးစားခဲ့ေပမယ့္ မေအာင္ျမင္ခဲ့တာဟာ ႐ိုင္ယိုလာရဲ႕ ေဆးထိုးမႈေတြေၾကာင့္လို႔ အားလုံးက ယူဆေနၾကၿပီး အသင္းနဲ႔ ဇူလိုင္လ ၁ ရက္ေန႔မွာ စာခ်ဳပ္ကုန္ဆုံးအၿပီးမွာေတာ့ အီတလီလက္ေ႐ြးစင္ဂိုးသမားဟာ ပီအက္စ္ဂ်ီကို တစ္ႏွစ္လုပ္ခ ယူ႐ို ၁၂ သန္းနဲ႔ ဆန္ဆီ႐ိုမွာ ရရွိေနတာထက္ ႏွစ္ဆနဲ႔ ေျပာင္းေ႐ႊ႕သြားတာျဖစ္လို႔ လူေတြ မုန္းၾကေပမယ့္ သူကေတာ့ ပီဇာသမားေဟာင္းကို ခ်စ္မွာ ေသခ်ာေနပါတယ္။
၄-၃-၃ ပုံစံနဲ႔ ေ႐ြးခ်ယ္ရမယ့္ စာရင္းမွာ ခံစစ္သမားေတြအျဖစ္ေတာ့ နာပိုလီရဲ႕ ဂရိေနာက္ခံလူ ေကာ့စ္တတ္စ္ မာႏိုလတ္စ္၊ ဂ်ဴဗင္တပ္စ္ရဲ႕ နယ္သာလန္ လက္ေ႐ြးစင္ မက္သစ္ ဒီလစ္ခ်္၊ ေအစီမီလန္ရဲ႕ အီတလီသား အလက္စီယို ႐ိုမာညိဳလီနဲ႔ အင္တာမီလန္ရဲ႕ ဒတ္ခ်္ခံစစ္မႉး စတီဖန္ ဒီဗရီးတို႔ ပါဝင္ေနၿပီး အ႐ြယ္ေကာင္းေတြခ်ည္းျဖစ္သလို အသင္းတိုင္းနီးပါး အလိုရွိေနၾကတဲ့သူေတြလည္းျဖစ္ပါတယ္။
ထူးျခားထင္ရွားတာကေတာ့ အိုင္းယက္စ္လို ဒတ္ခ်္အသင္းကေန ဥေရာပအသင္းႀကီးေတြက ဆြဲေဆာင္ဖို႔ ဒီလစ္ခ်္ရဲ႕ အေျပာင္းအေ႐ႊ႕လုပ္ေဆာင္စဥ္မွာ ခက္ခဲခဲ့ၾကတာျဖစ္ၿပီး ရီးရဲလ္မက္ဒရစ္နဲ႔ ဘာစီလိုနာတို႔လိုအသင္းေတြ ေနာက္ေကာက္က်ခဲ့ရၿပီး ေနာက္ဆုံး အမ်ားဆုံးေပးခဲ့တဲ့ ဂ်ဴဗင္တပ္စ္ကို သူနဲ႔ ႐ိုင္ယိုလာတို႔က ေ႐ြးခ်ယ္ခဲ့ၾကတာပါ။
ကြင္းလယ္မွာေတာ့ မန္ခ်က္စတာယူႏိုက္တက္ကေန အၿမဲတမ္း မတည္မၿငိမ္ျဖစ္ေအာင္ ေသြးထိုးခံရတဲ့ ေပါလ္ ေပါ့ဘာ၊ အိုင္းယက္စ္ရဲ႕ လူငယ္ကြင္းလယ္လူ ႐ိုင္ယန္ ဂရာဗင္ဘက္ခ်္နဲ႔ ပီအက္စ္ဂ်ီမွာ စြဲစြဲၿမဲၿမဲ ကစားေနခဲ့တဲ့ မာကို ဗာရက္တီတို႔ ပါဝင္ေနၾကၿပီး ဒီထဲမွာ ႐ိုင္ယိုလာနဲ႔ အတူတြဲၿပီး အမုန္းခံရတာကေတာ့ ျပင္သစ္သား ေပါ့ဘာျဖစ္သလို နည္းျပအဆက္ဆက္ ကိုင္တြယ္ရ ခက္ခဲ့ၿပီး ေနာက္ဆုံးမွာ သူ႔ကို အသင္းပရိသတ္ေတြကပါ ခ်ဥ္သြားခဲ့ၾကတာလည္းျဖစ္ပါတယ္။
တိုက္စစ္ပိုင္းမွာေတာ့ ေဒါ့မြန္ရဲ႕ အာလင္း ဟားလန္း၊ နာပိုလီရဲ႕ အီရ္ဗင္း လိုဇာႏိုနဲ႔ ပီအက္စ္ဂ်ီမွာ အငွားနဲ႔ ကစားေနတဲ့ အဲဗာတန္ရဲ႕ မြိဳက္စ္ကီးန္တို႔ ပါဝင္ေနၿပီး ဒီထဲမွာေတာ့ ေနာ္ေဝသားကို က်စ္ထားတဲ့ သူ႔ရဲ႕ အကြက္က အထင္ရွားဆုံးျဖစ္ပါတယ္။ ဒီေႏြမွာ အသင္းေျပာင္းျဖစ္ရင္ ႐ိုင္ယိုလာဆီ ယူ႐ိုသန္း ၄၀ ေပးေခ်ရမယ္ဆိုတဲ့ အခ်က္က ေရာင္းမယ့္သူကို စိတ္ညစ္ေစသလို ဝယ္မယ့္သူေတြကိုလည္း ပက္လက္လန္ေစၿပီး ပုဂၢိဳလ္ေရး ခံစားခြင့္ေတြမွာ လစာေငြ ဘယ္ေလာက္ေပးေပး အလုပ္မျဖစ္ႏိုင္ၾကေတာ့တာပါ။
အီတလီအေျခစိုက္ ကစားသမားေတြကို ကိုင္ထားႏိုင္တဲ့အထဲမွာ ဒတ္ခ်္လိဂ္က ဒီလစ္ခ်္၊ ဂရာဗင္ဘက္ခ်္နဲ႔ လိုဇာႏို(ယခင္ ပီအက္စ္ဗီ)တို႔ကို စည္း႐ုံးထားႏိုင္ခဲ့တာကေတာ့ အံ့ဩစရာျဖစ္သလို ဩစႀတီးယားမွာကတည္းက ဟားလန္းကို အပိုင္ကိုင္ထားခဲ့တာကလည္း ဆရာက်လြန္းၿပီး ေဒါ့မြန္တို႔ အေနနဲ႔ သူေတာင္းဆိုတဲ့အတိုင္း ယူ႐ို ၇၅ သန္းတန္ ေလ်ာ္ေၾကးစာခ်ဳပ္ ထည့္သြင္းခဲ့ရသလို ပိုင္ဆိုင္ထားတာမွန္ေပမယ့္ အခ်ိန္တန္ရင္ အလွီးခံရဦးမွာေတာ့ အေသအခ်ာပဲျဖစ္ပါတယ္။
ဒီ ၁၁ ေယာက္ကို ေဒးလီးေမးလ္က စုစည္းခဲ့ၿပီး ဒီရာသီမွာ ဘယ္ကစားသမားမွ အသင္းမေျပာင္းႏိုင္ခဲ့တာဟာ ႐ိုင္ယိုလာရဲ႕ ေကာ္မရွင္ ျဖတ္စားမႈကို ေက်ာ္လြန္ၿပီး အက်ိဳးအျမတ္ရွိႏိုင္ေအာင္ ေတာင္းဆိုေနရတဲ့ ေရာင္းမယ့္သူေတြရဲ႕ အခက္အခဲေၾကာင့္လည္း ျဖစ္တယ္လို႔ သိရသလို အနာဂတ္မွာလည္း ေဘာလုံးေလာကရဲ႕ Black List ထဲကို ထည့္သြင္းရဖို႔ နီးေနတဲ့ အီတလီသားရဲ႕ စနက္မွာ အသင္းေတြနဲ႔ ကစားသမားေတြ ဘယ္လိုေတြ တိုင္ပတ္ၾကဦးမယ္ဆိုတာ ေစာင့္ၾကည့္ရမွာျဖစ္ေၾကာင္း ေဖာ္ျပလိုက္ရပါတယ္။
REF: INTERNET SOURCES
PHOTOS CREDIT TO OWNERS
SPORTS A2Z.
