အင်္ဂလန်ရဲ့ ပထမဆုံး ပေါင်သန်း ၁၀၀ တန် ကစားသမား
ဗြိတိန်စံချိန်တင်ပြောင်းရွှေ့ကြးဖြစ်တဲ့ ပေါင်သန်း ၁၀၀ နဲ့ ငယ်ဘဝအသင်းဖြစ်တဲ့ အက်စတန် ဗီလာကနေ မန်စီးတီးကို ပြောင်းရွှေ့သွားခဲ့တဲ့ ဂျက်ဂရီးလစ်ရှ်ကတော့ ချန်ပီယံလိဂ်ကစားချင်တယ်ဆိုတဲ့ ရည်ရွယ်ချက်နဲ့ အီတီဟတ်မြေမှာ နားခိုနေပြီဖြစ်ပါတယ်။ သူက ၆ နှစ်သားကတည်းက ကစားလာခဲ့တဲ့ ဘာမင်ဂမ်အခြေစိုက် ဗီလာကလပ်ကို ၁၉ နှစ်အကြာမှာ အိပ်မက်အတွက် စွန့်ခွာခဲ့တာလည်း ဖြစ်ပါတယ်။
ငယ်ဘဝနဲ့ ဇာတိ
ဂရီးလစ်ရှ်ကို ၁၉၉၅ ခုနှစ်မှာ အိုင်းရှစ်ရှ်ဖွားတွေဖြစ်တဲ့ ဖခင် ကယ်ဗင်နဲ့ မိခင် ကာရင်တို့က Solihull အရပ်မှာ မွေးဖွားခဲ့တာပါ။ အသက် ၆ နှစ်မှာ အက်စတန် ဗီလာအသင်းကို ရောက်ရှိလာခဲ့တယ်။ ဒီနောက်မှာတော့ အဘီဖြစ်သူရဲ့ ခြေရာကို နင်းဖို့ ဖြစ်လာခဲ့သလို သူက အိုင်းရှစ်ရှ်ဘောလုံးကစားနည်း Gaelic Football ကို အတော်လေးသဘောကျပြီး ကြီးပြင်းလာခဲ့တယ်။
ဗီလာအသင်းမှာ ရှိနေစဥ်အတွင်း ဒီအားကစားနည်းကိုပါ မက်မက်စက်စက်တွဲကစားခဲ့ပြီး ပရီးမီးယားလိဂ်လို အမဲဖျက်မတတ်ကစားကြတဲ့ ကြံ့ခိုင်မှုအသားပေးကစားဟန်အတွက် လမ်းကြောင်းခင်းပြီးသားဖြစ်စေခဲ့သလို သာမန်ထွားကျိုင်းမှုသာ ရှိပေမယ့် ပွဲတိုးခဲ့သလို စိတ်လှုပ်ရှားစရာ ဘောလုံးကျွမ်းကျင်ပိုင်နိိုင်မှုမျိုးကို ခင်းကျင်းပြသခဲ့တဲ့ ပါရမီရှင်တဦးလည်း ဖြစ်ပါတယ်။
Gaelic Football ကို ကစားရင်း ကြီးပြင်းလာသူ
တသင်းကို ၁၅ ဦးစီ နှစ်သင်းခွဲကစားကြတဲ့ အိုင်ယာလန်ဘောလုံးကစားနည်းဖြစ်တဲ့ Gaelic Football ကို ဂရီးလစ်ရှ်က ငယ်ငယ်တည်းက ခုံခုံမင်မင် ဝင်ကစားပြီး ကြီးပြင်းလာခဲ့သူပါ။ သူ့ရဲ့ဖခင်ရဲ့ပြောဆိုမှုအရ ဒီကစားနည်းကြောင့်ပဲ သားဖြစ်သူဟာ သန်သန်မာမာဖြစ််လာခဲ့တယ်လို့ သိရပါတယ်။
” ရိုးရိုးဘောလုံးကစားနည်းနဲ့စာရင် Gaelic Football က သိပ်ကိုကြမ်းတမ်းရက်စက်ပါတယ်။ ဘယ်အချိန် ဘယ်သူက ခပ်ကြမ်းကြမ်း ဝင်ဖျက်ထုတ်သွားမလဲဆိုတာ အမြဲသတိထားနေရတာပါ။ ပရီးမီးယားလိဂ်မှာ ဂျက်ကစားတော့ ဗီလာနည်းပြ ဂေါ်ဒန် ကိုဝင်ကို ကျွန်တော်ပြောပြခဲ့ဖူးပါတယ်”
” ကစားသမားတယောက် သူ့ဆီကနေ ဘောလုံးလာဖျက်ထုတ်တော့မယ်ဆိုရင် ဂျက်က ကြိုတွက်ထားပြီသားဗျ။ နည်းပြက သူဘာလို့အဲ့လောက်တောင်တော်နေရလဲလို့ အံ့သြတာပေါ့။ အဲဲဒါ Gaelic ကစားနည်းကြောင့်ပါ။ သူ့ခန္ဓာကိုယ်အပေါ်ပိုင်းက တော်တော်ကိုကျစ်လစ်တောင့်တင်းပြီး သန်မာသွားတယ်” လို့ ဂရီးလစ်ရှ်ရဲ့ဖခင်က ပြောပြခဲ့ဖူးတာပါ။
ဂရီးလစ်ရှ်ကိုယ်တိုင်ကလည်း “ကျွန်တော်က ကိုယ်သိပ်ခုံမင်တဲ့ Gaelic ကလွဲရင် ကျန်တဲ့အားကစားတွေ သိပ်မလုပ်ဖြစ်ခဲ့ပါဘူး။ လက်ထဲမှာ ဘောလုံးကိုသယ်ပြီး ပြေးလွှားရတာပေါ့ဗျာ။ အသက် ၁၃ နှစ်သားမှာ ဗီလာအသင်းက ဆက်မကစားတော့ဖို့ တားပါတယ်။ ဒါပေမယ့် အသက် ၁၅ နှစ်သားအထိ ရရင်ရသလို ကစားဖြစ်ခဲ့ပါတယ်” လို့ ဆိုသွားခဲ့ပါတယ်။
သွေးသားထဲက ဘောလုံးအမွေ
ဂရီးလစ်ရှ်ရဲ့ အဖိုးဖြစ်သူရဲ့အဖိုး ‘အဘီ’တော်စပ်တဲ့ ဘီလီ ဂါရက်တီက ဗီလာအသင်းရဲ့သူရဲကောင်းတဦးလည်းဖြစ်သလို အင်္ဂလန်လက်ရွေးစင်ဟောင်းတဦးလည်းဖြစ်ပါတယ်။ ဒါကြောင့် သူ့အနေနဲ့ ယူ၁၇၊ ယူ၁၈၊ နဲ့ ယူ၂၁ အဆင့်မှာ အိုင်ယာလန်အသင်းအတွက် ရွေးချယ်ခံခဲ့ရပေမယ့် လက်ရွေးစင်အဆင့်မှာတော့ အင်္ဂလန်အသင်းအတွက် ကိုယ်စားပြုကစားပေးဖို့သာ ရွေးချယ်ဖြစ်ခဲ့တယ်လို့ သိရပါတယ်။
အဘီဖြစ်တဲ့ ဂါရက်တီက ၁၈၉၈ ကနေ ၁၉၀၈ ခုနှစ်အတွင်း ဗီလာအတွက် ပွဲ ၂၆၀ ကစား၊ ၁၁၂ ဂိုးသွင်းယူခဲ့တဲ့ တိုက်စစ်မှူးတဦးဖြစ်သလို ၁၉၀၀ ခုနှစ်မှာ ဗီလာနဲ့အတူ ၃၃ ပွဲကစား၊ ၂၇ ဂိုးသွင်းယူကာ အင်္ဂလန်လိဂ်ချန်ပီယံဖြစ်ခဲ့ပြီး ၁၉၀၅ ခုနှစ်မှာ FA ဖလားချန်ပီယံလည်းဖြစ်ခဲ့ပါသေးတယ်။ ဒါကြောင့် ဂရီးလစ်ရှ်ဆီမှာ ဘောလုံးသွေးသားတွေ စီးဆင်းနေတယ်လို့ ဆိုရမှာပါ။
ပရဟိတစိတ်ဓာတ်ပိုင်ရှင်
စိတ်ဓာတ်အဆင့်အတန်းမြင့်မားတဲ့ ဂရီးလစ်ရှ်က ကွင်းပြင်ပမှာ အတော်လေးရက်ရောသလို ဘာမင်ဂမ်တဝိုက်မှာ သူ့ရဲ့ပရဟိတလုပ်ဆောင်မှုတွေက အတော်လေးနာမည်ကြီးပါတယ်။ ကိုရိုနာရောဂါကပ်ဆိုက်နေချိန်မှာ ဒေသတွင်းဆေးရုံတခုကို ပေါင် ၁ သိန်းခွဲ လှူဒါန်းခဲ့သလို အမျိုးသားကျန်းမာရေးစနစ်အတွက် သူ့ရဲ့ဂျာစီကို လေလံတင်ရောင်းချပြီး ပေါင် ၅ သောင်းခွဲ ရှာဖွေပေးခဲ့ပါသေးတယ်။
စိတ်ရောဂါနဲ့ ကိုယ့်ကိုယ်ကိုယ်အဆုံးစီရင်သွားတဲ့ သူငယ်ချင်းအတွက် ဗီလာပရိသတ်တဦးက အကူအညီတောင်းခံခဲ့ရာမှာ ဂရီးလစ်ရှ်က ဗီလာတသင်းလုံးလက်မှတ်ရေးထိုးထားတဲ့ ဂျာစီကို လေလံတင်ရောင်းချပြီး ရလာတဲ့ငွေကို စိတ်ကျန်းမာရေးပရဟိတဌာနဆီ လှူဒါန်းပေးခဲ့ဖူးသလို ကလေးသူငယ်ကယ်ဆယ်ရေးမှာလည်း ရှေ့နေအဖြစ် ဆောင်ရွက်ပေးခဲ့ဖူးသူလို့ သိရပါတယ်။
REF: INTERNET SOURCES
PHOTOS CREDIT TO OWNERS
SPORTS A2Z.
ZAWGYI:
အဂၤလန္ရဲ႕ ပထမဆုံး ေပါင္သန္း ၁၀၀ တန္ ကစားသမား
ၿဗိတိန္စံခ်ိန္တင္ေျပာင္းေ႐ႊ႕ၾကးျဖစ္တဲ့ ေပါင္သန္း ၁၀၀ နဲ႔ ငယ္ဘဝအသင္းျဖစ္တဲ့ အက္စတန္ ဗီလာကေန မန္စီးတီးကို ေျပာင္းေ႐ႊ႕သြားခဲ့တဲ့ ဂ်က္ဂရီးလစ္ရွ္ကေတာ့ ခ်န္ပီယံလိဂ္ကစားခ်င္တယ္ဆိုတဲ့ ရည္႐ြယ္ခ်က္နဲ႔ အီတီဟတ္ေျမမွာ နားခိုေနၿပီျဖစ္ပါတယ္။ သူက ၆ ႏွစ္သားကတည္းက ကစားလာခဲ့တဲ့ ဘာမင္ဂမ္အေျခစိုက္ ဗီလာကလပ္ကို ၁၉ ႏွစ္အၾကာမွာ အိပ္မက္အတြက္ စြန္႔ခြာခဲ့တာလည္း ျဖစ္ပါတယ္။
ငယ္ဘဝနဲ႔ ဇာတိ
ဂရီးလစ္ရွ္ကို ၁၉၉၅ ခုႏွစ္မွာ အိုင္းရွစ္ရွ္ဖြားေတြျဖစ္တဲ့ ဖခင္ ကယ္ဗင္နဲ႔ မိခင္ ကာရင္တို႔က Solihull အရပ္မွာ ေမြးဖြားခဲ့တာပါ။ အသက္ ၆ ႏွစ္မွာ အက္စတန္ ဗီလာအသင္းကို ေရာက္ရွိလာခဲ့တယ္။ ဒီေနာက္မွာေတာ့ အဘီျဖစ္သူရဲ႕ ေျခရာကို နင္းဖို႔ ျဖစ္လာခဲ့သလို သူက အိုင္းရွစ္ရွ္ေဘာလုံးကစားနည္း Gaelic Football ကို အေတာ္ေလးသေဘာက်ၿပီး ႀကီးျပင္းလာခဲ့တယ္။
ဗီလာအသင္းမွာ ရွိေနစဥ္အတြင္း ဒီအားကစားနည္းကိုပါ မက္မက္စက္စက္တြဲကစားခဲ့ၿပီး ပရီးမီးယားလိဂ္လို အမဲဖ်က္မတတ္ကစားၾကတဲ့ ႀကံ့ခိုင္မႈအသားေပးကစားဟန္အတြက္ လမ္းေၾကာင္းခင္းၿပီးသားျဖစ္ေစခဲ့သလို သာမန္ထြားက်ိဳင္းမႈသာ ရွိေပမယ့္ ပြဲတိုးခဲ့သလို စိတ္လႈပ္ရွားစရာ ေဘာလုံးကြၽမ္းက်င္ပိုင္နိိုင္မႈမ်ိဳးကို ခင္းက်င္းျပသခဲ့တဲ့ ပါရမီရွင္တဦးလည္း ျဖစ္ပါတယ္။
Gaelic Football ကို ကစားရင္း ႀကီးျပင္းလာသူ
တသင္းကို ၁၅ ဦးစီ ႏွစ္သင္းခြဲကစားၾကတဲ့ အိုင္ယာလန္ေဘာလုံးကစားနည္းျဖစ္တဲ့ Gaelic Football ကို ဂရီးလစ္ရွ္က ငယ္ငယ္တည္းက ခုံခုံမင္မင္ ဝင္ကစားၿပီး ႀကီးျပင္းလာခဲ့သူပါ။ သူ႔ရဲ႕ဖခင္ရဲ႕ေျပာဆိုမႈအရ ဒီကစားနည္းေၾကာင့္ပဲ သားျဖစ္သူဟာ သန္သန္မာမာျဖစ္္လာခဲ့တယ္လို႔ သိရပါတယ္။
” ႐ိုး႐ိုးေဘာလုံးကစားနည္းနဲ႔စာရင္ Gaelic Football က သိပ္ကိုၾကမ္းတမ္းရက္စက္ပါတယ္။ ဘယ္အခ်ိန္ ဘယ္သူက ခပ္ၾကမ္းၾကမ္း ဝင္ဖ်က္ထုတ္သြားမလဲဆိုတာ အၿမဲသတိထားေနရတာပါ။ ပရီးမီးယားလိဂ္မွာ ဂ်က္ကစားေတာ့ ဗီလာနည္းျပ ေဂၚဒန္ ကိုဝင္ကို ကြၽန္ေတာ္ေျပာျပခဲ့ဖူးပါတယ္”
” ကစားသမားတေယာက္ သူ႔ဆီကေန ေဘာလုံးလာဖ်က္ထုတ္ေတာ့မယ္ဆိုရင္ ဂ်က္က ႀကိဳတြက္ထားၿပီသားဗ်။ နည္းျပက သူဘာလို႔အဲ့ေလာက္ေတာင္ေတာ္ေနရလဲလို႔ အံ့ၾသတာေပါ့။ အဲဲဒါ Gaelic ကစားနည္းေၾကာင့္ပါ။ သူ႔ခႏၶာကိုယ္အေပၚပိုင္းက ေတာ္ေတာ္ကိုက်စ္လစ္ေတာင့္တင္းၿပီး သန္မာသြားတယ္” လို႔ ဂရီးလစ္ရွ္ရဲ႕ဖခင္က ေျပာျပခဲ့ဖူးတာပါ။
ဂရီးလစ္ရွ္ကိုယ္တိုင္ကလည္း “ကြၽန္ေတာ္က ကိုယ္သိပ္ခုံမင္တဲ့ Gaelic ကလြဲရင္ က်န္တဲ့အားကစားေတြ သိပ္မလုပ္ျဖစ္ခဲ့ပါဘူး။ လက္ထဲမွာ ေဘာလုံးကိုသယ္ၿပီး ေျပးလႊားရတာေပါ့ဗ်ာ။ အသက္ ၁၃ ႏွစ္သားမွာ ဗီလာအသင္းက ဆက္မကစားေတာ့ဖို႔ တားပါတယ္။ ဒါေပမယ့္ အသက္ ၁၅ ႏွစ္သားအထိ ရရင္ရသလို ကစားျဖစ္ခဲ့ပါတယ္” လို႔ ဆိုသြားခဲ့ပါတယ္။
ေသြးသားထဲက ေဘာလုံးအေမြ
ဂရီးလစ္ရွ္ရဲ႕ အဖိုးျဖစ္သူရဲ႕အဖိုး ‘အဘီ’ေတာ္စပ္တဲ့ ဘီလီ ဂါရက္တီက ဗီလာအသင္းရဲ႕သူရဲေကာင္းတဦးလည္းျဖစ္သလို အဂၤလန္လက္ေ႐ြးစင္ေဟာင္းတဦးလည္းျဖစ္ပါတယ္။ ဒါေၾကာင့္ သူ႔အေနနဲ႔ ယူ၁၇၊ ယူ၁၈၊ နဲ႔ ယူ၂၁ အဆင့္မွာ အိုင္ယာလန္အသင္းအတြက္ ေ႐ြးခ်ယ္ခံခဲ့ရေပမယ့္ လက္ေ႐ြးစင္အဆင့္မွာေတာ့ အဂၤလန္အသင္းအတြက္ ကိုယ္စားျပဳကစားေပးဖို႔သာ ေ႐ြးခ်ယ္ျဖစ္ခဲ့တယ္လို႔ သိရပါတယ္။
အဘီျဖစ္တဲ့ ဂါရက္တီက ၁၈၉၈ ကေန ၁၉၀၈ ခုႏွစ္အတြင္း ဗီလာအတြက္ ပြဲ ၂၆၀ ကစား၊ ၁၁၂ ဂိုးသြင္းယူခဲ့တဲ့ တိုက္စစ္မႉးတဦးျဖစ္သလို ၁၉၀၀ ခုႏွစ္မွာ ဗီလာနဲ႔အတူ ၃၃ ပြဲကစား၊ ၂၇ ဂိုးသြင္းယူကာ အဂၤလန္လိဂ္ခ်န္ပီယံျဖစ္ခဲ့ၿပီး ၁၉၀၅ ခုႏွစ္မွာ FA ဖလားခ်န္ပီယံလည္းျဖစ္ခဲ့ပါေသးတယ္။ ဒါေၾကာင့္ ဂရီးလစ္ရွ္ဆီမွာ ေဘာလုံးေသြးသားေတြ စီးဆင္းေနတယ္လို႔ ဆိုရမွာပါ။
ပရဟိတစိတ္ဓာတ္ပိုင္ရွင္
စိတ္ဓာတ္အဆင့္အတန္းျမင့္မားတဲ့ ဂရီးလစ္ရွ္က ကြင္းျပင္ပမွာ အေတာ္ေလးရက္ေရာသလို ဘာမင္ဂမ္တဝိုက္မွာ သူ႔ရဲ႕ပရဟိတလုပ္ေဆာင္မႈေတြက အေတာ္ေလးနာမည္ႀကီးပါတယ္။ ကို႐ိုနာေရာဂါကပ္ဆိုက္ေနခ်ိန္မွာ ေဒသတြင္းေဆး႐ုံတခုကို ေပါင္ ၁ သိန္းခြဲ လႉဒါန္းခဲ့သလို အမ်ိဳးသားက်န္းမာေရးစနစ္အတြက္ သူ႔ရဲ႕ဂ်ာစီကို ေလလံတင္ေရာင္းခ်ၿပီး ေပါင္ ၅ ေသာင္းခြဲ ရွာေဖြေပးခဲ့ပါေသးတယ္။
စိတ္ေရာဂါနဲ႔ ကိုယ့္ကိုယ္ကိုယ္အဆုံးစီရင္သြားတဲ့ သူငယ္ခ်င္းအတြက္ ဗီလာပရိသတ္တဦးက အကူအညီေတာင္းခံခဲ့ရာမွာ ဂရီးလစ္ရွ္က ဗီလာတသင္းလုံးလက္မွတ္ေရးထိုးထားတဲ့ ဂ်ာစီကို ေလလံတင္ေရာင္းခ်ၿပီး ရလာတဲ့ေငြကို စိတ္က်န္းမာေရးပရဟိတဌာနဆီ လႉဒါန္းေပးခဲ့ဖူးသလို ကေလးသူငယ္ကယ္ဆယ္ေရးမွာလည္း ေရွ႕ေနအျဖစ္ ေဆာင္႐ြက္ေပးခဲ့ဖူးသူလို႔ သိရပါတယ္။
REF: INTERNET SOURCES
PHOTOS CREDIT TO OWNERS
SPORTS A2Z.
