ချဲလ်ဆီးအသင်းက နစ်မြုပ်လုဆဲဆဲ ဂျာမန်လှေနှစ်စင်းဖြစ်တဲ့ တီမို ဗာနာနဲ့ ခိုင် ဟာဗတ်ဇ်တို့ကို ကယ်တင်ဖို့အတွက် ဖရန့် လမ်းပတ်အစား အပြောင်းအလဲလုပ်ပြီး ခန့်အပ်လိုက်တဲ့ နည်းပြ သောမတ်စ် တူဟယ်လ်အနေနဲ့ ကွင်းလယ်လူကိုသာ ဆယ်ယူရရှိနိုင်ပြီး တိုက်စစ်မှူးအတွက် လက်လွှတ် သွားမလား စောင့်ကြည့်ရတော့မှာဖြစ်ပါတယ်။
ပြီးခဲ့တဲ့ ပွဲအများစုမှာ အခွင့်အရေးတွေကို ဒိုင်ခံဖြုန်းတီးပေးခဲ့တဲ့အပြင် ရီးရဲလ်မက်ဒရစ်နဲ့ပွဲမှာလည်း အချိုးမပြေတဲ့ ကစားပုံကိုပဲ ပိုင်ဆိုင်ခဲ့တဲ့ တီမို ဗာနာဟာ ပွဲချိန် ၁၀ မိနစ်မှာ ရရှိတဲ့ အပိုင်လုံးကို ဂိုးသမားတည့်တည့် ကန်ခဲ့သလို ချဲလ်ဆီးပရိသတ်တွေရဲ့ စိတ်ပျက်မှုကို ရယူခဲ့ပြီး သူ့ရဲ့ အနာဂတ်ကိုပါ မေးခွန်းထုတ်စရာဖြစ်လာခဲ့တာပါ။
ဘယ်တောင်ပံကနေ မေဆန်မောင့် ကန်တင်လိုက်တဲ့ ဘောလုံးက နောက်ခံလူနဲ့ ထိပြီး ညာတောင်ပံမှာ နေရာယူထားတဲ့ ပူလီရှစ်ချ်ဆီ အရောက်မှာ အမေရိကန်သားက ခေါင်းတိုက်ချပေးမှုဟာ တော်ရုံကစားသမားတစ်ဦးအနေနဲ့ ဂိုးသွင်းယူနိုင်မယ့် အနေအထားဖြစ်ပေမယ့် ဂျာမန်သား ကတော့ မယုံနိုင်လောက်အောင်ကို ဂိုးသမား ကူထွာရဲ့ တည့်တည့်ကို ကန်သွင်းခဲ့တာဖြစ်သလို ပွဲကြည့်သူတွေအနေနဲ့ အရန်ခုံက အိုလီဗီးယေး ဂျီရူးကိုတောင် ပိုအလိုရှိခဲ့စေတာဖြစ်ပါတယ်။
စိတ်ပျက်နေပုံရတဲ့ နည်းပြ တူဟယ်လ်ကတော့ “သူက ဝက်စ်ဟမ်းနဲ့ပွဲမှာလည်း အခွင့်အရေးကြီးကြီးတစ်ခုကို လွဲခဲ့ပြီး ခုလည်း လွဲပြန်ပါပြီ။ ဒါက အသင်းအတွက် ဘာမှ အထောက်အကူမဖြစ်သလို စိတ်ပျက်ပြီး အော်ဟစ်နေလို့လည်း ဘာမှ ဖြစ်လာမှာ မဟုတ်ဘူး။ လူတွေက ဒီထက်ခက်ခဲတဲ့ အဖြစ်တွေနဲ့ ကြုံနေရသလို သူ့အမှားကိုတော့ မေ့သွားကြဦးမှာပါ။ နောက်တစ်နေ့မှာ သူပြန်ကြိုးစားနိုင်မယ်လို့ ထင်ပါတယ်”လို့ ပွဲအပြီးမှာ ပြောသွားပါတယ်။
ဒါပေမယ့် ယူရို ၅၃ သန်းတန် တိုက်စစ်မှူးကို လီဗာပူးလ်အသင်းက ဘာဖြစ်လို့ မခေါ်သလဲဆိုတာ သိပြီလားလို့ လှောင်ပြောင်မှုတွေက မြင့်တက်နေပြီး ဗာနာရဲ့ ကစားပုံက တစ်ဖက်နောက်ခံလူတွေ ခန့်မှန်းရ လွယ်ကူလွန်းနေသလို ဘောလုံးတောင်းတဲ့ Overlapping Run တွေမှာလည်း သိသာလွန်းတဲ့အတွက် တစ်ဖက်က ပိတ်ဆို့ဖို့ လွယ်ကူပြီး တိုက်စစ်အရှိန်ကို လျော့ကျစေတာကိုလည်း တွေ့ခဲ့ရပါတယ်။
မနေ့ကပွဲမှာ ပူလီရှစ်ချ် ဘောလုံးဆွဲပြေးလာတာကို ရီးရဲလ်နောက်ခံလူတွေက အလယ်မှာ ပိတ်ဆို့ဖို့ ကြိုးစားနေတုန်း ညာခြမ်းက ဗာနာက တစ်ဖက်နောက်ခံလူတွေကို ဘာလုပ်မယ်ဆိုတာကို ကြိုပြောပြတဲ့ ပုံစံနဲ့ ဘောလုံးတောင်းခဲ့ရာမှာ အမေရိကန်သားက တစ်ဖက်ကို လှည့်စားတဲ့အနေနဲ့ ဘောလုံးမပေးချင်ယောင်ဆောင်ပြီးမှ ပေးလိုက်တာမှာ မပါးနပ်တဲ့ ဂျာမန်သားပါ မျက်စိလည်သွားခဲ့ပြီး အူယားဖားယား ပြေးလိုက်ခဲ့ရတာကတော့ ငိုအားထက် ရယ်အားသန်စရာလည်းဖြစ်ခဲ့ရတာပါ။
ပရိသတ်တွေအတွက်တော့ ဒီ RB လိုက်ပ်ဇစ်တိုက်စစ်မှူးဟောင်းဟာ လွှင့်ပစ်ရတော့မယ့်သူတစ်ယောက်အဖြစ် စိတ်လျှော့ထားကြပြီဖြစ်ပြီး ဒီရာသီမှာ သွင်းဂိုးထက် လွဲချော်မှုတွေကို ပိုမိုပြသထားတဲ့ ပုံစံကိုသာ မပြင်နိုင်ခဲ့ရင်တော့ ကီပါနဲ့ ဟာဗတ်ဇ်တို့ကို ပြောင်းလဲပေးနိုင်ခဲ့တဲ့ တူဟယ်လ်လည်း မကယ်နိုင်ဘဲ လက်လျှော့ရမှာဖြစ်သလို စတမ်းဖို့ဘရစ်ချ်အနာဂတ် ဆက်ရှိမရှိတော့ သူကိုယ်တိုင်ပဲ ဆုံးဖြတ်ရတော့မှာဖြစ်ကြောင်း သုံးသပ်လိုက်ရပါတယ်။
REF: INTERNET SOURCES
PHOTOS CREDIT TO OWNERS
SPORTS A2Z.
ZAWGYI: ခ်ဲလ္ဆီးအသင္းက နစ္ျမဳပ္လုဆဲဆဲ ဂ်ာမန္ေလွႏွစ္စင္းျဖစ္တဲ့ တီမို ဗာနာနဲ႔ ခိုင္ ဟာဗတ္ဇ္တို႔ကို ကယ္တင္ဖို႔အတြက္ ဖရန႔္ လမ္းပတ္အစား အေျပာင္းအလဲလုပ္ၿပီး ခန႔္အပ္လိုက္တဲ့ နည္းျပ ေသာမတ္စ္ တူဟယ္လ္အေနနဲ႔ ကြင္းလယ္လူကိုသာ ဆယ္ယူရရွိႏိုင္ၿပီး တိုက္စစ္မႉးအတြက္ လက္လႊတ္ သြားမလား ေစာင့္ၾကည့္ရေတာ့မွာျဖစ္ပါတယ္။
ၿပီးခဲ့တဲ့ ပြဲအမ်ားစုမွာ အခြင့္အေရးေတြကို ဒိုင္ခံျဖဳန္းတီးေပးခဲ့တဲ့အျပင္ ရီးရဲလ္မက္ဒရစ္နဲ႔ပြဲမွာလည္း အခ်ိဳးမေျပတဲ့ ကစားပုံကိုပဲ ပိုင္ဆိုင္ခဲ့တဲ့ တီမို ဗာနာဟာ ပြဲခ်ိန္ ၁၀ မိနစ္မွာ ရရွိတဲ့ အပိုင္လုံးကို ဂိုးသမားတည့္တည့္ ကန္ခဲ့သလို ခ်ဲလ္ဆီးပရိသတ္ေတြရဲ႕ စိတ္ပ်က္မႈကို ရယူခဲ့ၿပီး သူ႔ရဲ႕ အနာဂတ္ကိုပါ ေမးခြန္းထုတ္စရာျဖစ္လာခဲ့တာပါ။
ဘယ္ေတာင္ပံကေန ေမဆန္ေမာင့္ ကန္တင္လိုက္တဲ့ ေဘာလုံးက ေနာက္ခံလူနဲ႔ ထိၿပီး ညာေတာင္ပံမွာ ေနရာယူထားတဲ့ ပူလီရွစ္ခ်္ဆီ အေရာက္မွာ အေမရိကန္သားက ေခါင္းတိုက္ခ်ေပးမႈဟာ ေတာ္႐ုံကစားသမားတစ္ဦးအေနနဲ႔ ဂိုးသြင္းယူႏိုင္မယ့္ အေနအထားျဖစ္ေပမယ့္ ဂ်ာမန္သား ကေတာ့ မယုံႏိုင္ေလာက္ေအာင္ကို ဂိုးသမား ကူထြာရဲ႕ တည့္တည့္ကို ကန္သြင္းခဲ့တာျဖစ္သလို ပြဲၾကည့္သူေတြအေနနဲ႔ အရန္ခုံက အိုလီဗီးေယး ဂ်ီ႐ူးကိုေတာင္ ပိုအလိုရွိခဲ့ေစတာျဖစ္ပါတယ္။
စိတ္ပ်က္ေနပုံရတဲ့ နည္းျပ တူဟယ္လ္ကေတာ့ “သူက ဝက္စ္ဟမ္းနဲ႔ပြဲမွာလည္း အခြင့္အေရးႀကီးႀကီးတစ္ခုကို လြဲခဲ့ၿပီး ခုလည္း လြဲျပန္ပါၿပီ။ ဒါက အသင္းအတြက္ ဘာမွ အေထာက္အကူမျဖစ္သလို စိတ္ပ်က္ၿပီး ေအာ္ဟစ္ေနလို႔လည္း ဘာမွ ျဖစ္လာမွာ မဟုတ္ဘူး။ လူေတြက ဒီထက္ခက္ခဲတဲ့ အျဖစ္ေတြနဲ႔ ႀကဳံေနရသလို သူ႔အမွားကိုေတာ့ ေမ့သြားၾကဦးမွာပါ။ ေနာက္တစ္ေန႔မွာ သူျပန္ႀကိဳးစားႏိုင္မယ္လို႔ ထင္ပါတယ္”လို႔ ပြဲအၿပီးမွာ ေျပာသြားပါတယ္။
ဒါေပမယ့္ ယူ႐ို ၅၃ သန္းတန္ တိုက္စစ္မႉးကို လီဗာပူးလ္အသင္းက ဘာျဖစ္လို႔ မေခၚသလဲဆိုတာ သိၿပီလားလို႔ ေလွာင္ေျပာင္မႈေတြက ျမင့္တက္ေနၿပီး ဗာနာရဲ႕ ကစားပုံက တစ္ဖက္ေနာက္ခံလူေတြ ခန႔္မွန္းရ လြယ္ကူလြန္းေနသလို ေဘာလုံးေတာင္းတဲ့ Overlapping Run ေတြမွာလည္း သိသာလြန္းတဲ့အတြက္ တစ္ဖက္က ပိတ္ဆို႔ဖို႔ လြယ္ကူၿပီး တိုက္စစ္အရွိန္ကို ေလ်ာ့က်ေစတာကိုလည္း ေတြ႕ခဲ့ရပါတယ္။
မေန႔ကပြဲမွာ ပူလီရွစ္ခ်္ ေဘာလုံးဆြဲေျပးလာတာကို ရီးရဲလ္ေနာက္ခံလူေတြက အလယ္မွာ ပိတ္ဆို႔ဖို႔ ႀကိဳးစားေနတုန္း ညာျခမ္းက ဗာနာက တစ္ဖက္ေနာက္ခံလူေတြကို ဘာလုပ္မယ္ဆိုတာကို ႀကိဳေျပာျပတဲ့ ပုံစံနဲ႔ ေဘာလုံးေတာင္းခဲ့ရာမွာ အေမရိကန္သားက တစ္ဖက္ကို လွည့္စားတဲ့အေနနဲ႔ ေဘာလုံးမေပးခ်င္ေယာင္ေဆာင္ၿပီးမွ ေပးလိုက္တာမွာ မပါးနပ္တဲ့ ဂ်ာမန္သားပါ မ်က္စိလည္သြားခဲ့ၿပီး အူယားဖားယား ေျပးလိုက္ခဲ့ရတာကေတာ့ ငိုအားထက္ ရယ္အားသန္စရာလည္းျဖစ္ခဲ့ရတာပါ။
ပရိသတ္ေတြအတြက္ေတာ့ ဒီ RB လိုက္ပ္ဇစ္တိုက္စစ္မႉးေဟာင္းဟာ လႊင့္ပစ္ရေတာ့မယ့္သူတစ္ေယာက္အျဖစ္ စိတ္ေလွ်ာ့ထားၾကၿပီျဖစ္ၿပီး ဒီရာသီမွာ သြင္းဂိုးထက္ လြဲေခ်ာ္မႈေတြကို ပိုမိုျပသထားတဲ့ ပုံစံကိုသာ မျပင္ႏိုင္ခဲ့ရင္ေတာ့ ကီပါနဲ႔ ဟာဗတ္ဇ္တို႔ကို ေျပာင္းလဲေပးႏိုင္ခဲ့တဲ့ တူဟယ္လ္လည္း မကယ္ႏိုင္ဘဲ လက္ေလွ်ာ့ရမွာျဖစ္သလို စတမ္းဖို႔ဘရစ္ခ်္အနာဂတ္ ဆက္ရွိမရွိေတာ့ သူကိုယ္တိုင္ပဲ ဆုံးျဖတ္ရေတာ့မွာျဖစ္ေၾကာင္း သုံးသပ္လိုက္ရပါတယ္။
REF: INTERNET SOURCES
PHOTOS CREDIT TO OWNERS
SPORTS A2Z.
