ငှက်ဖျားမိထားလို့ ဆေးရုံတက်ပြီး ကုသမှုခံယူနေရတဲ့ အာဆင်နယ်တိုက်စစ်မှူး အူဘာမီယန်းဟာ သူ့ရဲ့ တွစ်တာအကောင့်ကို အပြီးတိုင်ဖျက်သိမ်းလိုက်ကြောင်း ကြေငြာခဲ့ပြီး အခုလိုကြေငြာဖို့ ပို့စ်အရှည်တခုကိုလည်း ရေးသားသွားခဲ့ပါတယ်။
သူ့ရဲ့ရေးသားမှုမှာတော့ လတ်တလော အရမ်းဟော့နေတဲ့ ဥရောပစူပါလိဂ်အကြောင်း ပွဲဆူလွန်းနေတာဟာ အခြားအရေးကြီးအကြောင်းအရာများကို ဖုံးလွှမ်းသွားစေကြောင်း၊ ကိုရိုနာရောဂါနဲ့ လူမျိုးရေးခွဲခြားမှု ကိစ္စရပ်များကို မှေးမှိန်သွားစေကြောင်း သူက ဒေါသတကြီး ဆိုခဲ့ပါတယ်။
” ငါ မင်းကို လွမ်းနေမှာ မဟုတ်ဘူး တွစ်တာရေ….။ ခင်ဗျားတို့မှာ ဥရောပစူပါလိဂ်အကြောင်းတခုပဲ ပလူပျံအောင် ပြောစရာရှိနေလား။ ကိုဗစ်အကြောင်း စိတ်မဝင်စားကြတော့ဘူးလား။ နေမကောင်းတာတောင်မှ ဖုန်းမသုံးဘဲနေရင် ပိုပြီးနေလို့ထိုင်လို့ကောင်းတယ်ဗျာ။ ကျွန်တော်တော့နားပါပြီ ” လို့ အူဘာက အသိပေးခဲ့တာကိုတွေ့ရတယ်။
အခုလို အူဘာက အနားယူနေရတဲ့တဖက်မှာတော့ အာဆင်နယ်နည်းပြအာတီတာအနေနဲ့ ပြီးခဲ့တဲ့ဒီဇင်ဘာမှာ ဒဏ်ရာက ပြန်သက်သာလာခဲ့တဲ့ ဂေဘရီယယ်လ် မာတီနယ်လီဟာ သူ့ရဲ့ ဒေါသကို မျိုသိပ်ထားပြီး ပွဲထွက်ကစားခွင့်ရဖို့ စိတ်ရှည်ရှည်ထားရမှာဖြစ်ကြောင်း သတိပေးသွားခဲ့တာပါ။
သူဟာ ဒီရာသီမှာ ပရီးမီးယားလိဂ် ၃ ပွဲသာ ပွဲထွက်ကစားခွင့်ရထားပြီး ၁၉ နှစ်သားဟာ သူ့ရဲ့အာဆင်နယ်တာထွက်ရာသီဖြစ်တဲ့ ပြီးခဲ့တဲ့ရာသီမှာတော့ ၂၆ ပွဲကစားပြီး ၁၀ ဂိုးသွင်းယူထားခဲ့တာဖြစ်သလို ဘရာဇီးလ်တိုက်စစ်မှုးဟာ ဒီရာသီမှာ အူဘာနဲ့ ဝီလီယံတို့ နေရာပျောက်နေချိန်မှတောင်မှ အာတီတာရဲ့ ခေါက်ထားခြင်းကို ခံခဲ့ရတာဖြစ်လို့ သူက ပွဲထွက်ခွင့်မျှော်နေရတာပါ။
” သူ့အတွက် အချိန်ယူရပါဦးမယ်။ သူက ပွဲကစားဖို့ အရမ်းဆန္ဒပြင်းပြတယ်။ သူကတော့ အခုချိန်မှာ ကျွန်တော့်ဆုံးဖြတ်ချက်တွေကို နားလည်နိုင်ဦးမှာ မဟုတ်ပါဘူး။ တကယ့်ကို ဒါက သူ့ကို အကူအညီပေးနေတာပါ။ ”
” သူ့အနေနဲ ပြေးဆိုရင် တုံးတိုက်တိုက်ကျားကိုက်ကိုက်ပြေးပြီး လဲကျရင်လည်း ချက်ချင်းပြန်ရုန်းထနိုင်တဲ့ ကြံ့ခိုင်သန်မာမှုမျိုးကို ဖြည့်ဆည်းရပါဦးမယ်။ အရန်ခုံမှာ ထိုင်ရတိုင်း ခံစားချက်တွေကို မျိုသိပ်ပြီး၊ ဒေါသတွေကို အသုံးချပြီး၊ ပွဲကစားဖို့ ဆာလောင်မှုတွေ တဖွားဖွား မွေးမြူထားဖို့ လိုပါတယ်” လို့ အာတီတာက ရှင်းပြခဲ့ပါတယ်။
REF: INTERNET SOURCES
PHOTOS CREDIT TO OWNERS
SPORTS A2Z.
