ဒဏ်ရာရသွားတဲ့ ဆွန်ဟောင်မင်နဲ့ စပါးအသင်းရဲ့ထိုးနှက်ချက်
ဆွန်ဟောင်မင်က စပါးအသင်းအတွက် ဘယ်လိုအရေးပါတဲ့ကစားမျိုးလဲဆိုတာ ပြောစရာမလိုလောက်အောင်ကို သက်သေပြခဲ့ပါပြီးပြီ။ ဒီရာသီ ဟာရီကိန်းနဲ့ဆွန်ဟောင်မင်ရဲ့ တယ်လီပသီ ဆက်သွယ်ရေးက စပါးတိုက်စစ်ကို သိပ်ကြောက်မက်ဖွယ်ရာကောင်းစေခဲ့တယ်။ ဆွန်ရဲ့ပြေးအားကို အသုံးချဖို့ ဟာရီကိန်းက ကွင်းလယ်ထိဆင်းပြီး ချက်ကောင်းကိုထိတဲ့ သေကွင်းသေကွက်အမြင့်ဘောတွေနဲ့ ဘောလုံးပေးပို့မှုတွေက အပြန်အလှန် အခရာကျခဲ့တယ်။
အခုမြောက်လန်ဒန်ဒါဘီပွဲမှာလည်း အာဆင်နယ်ခံစစ်ကို ထိုးဖောက်တဲ့ အမြင့်ဘောကို အပြေးအားနဲ့ လိုက်ခဲ့တဲ့ ဆွန်ဟောင်မင်က ပြေးလွှားမှုမှာ တံကောက်ကြောဒဏ်ရာရသွားခဲ့တယ်။ မော်ရင်ညိုကတော့ သူ့ကစားသမား ပွဲပန်းလွန်းသွားတာဖြစ်တယ်လို့ဆိုတယ်။ ကြွက်သားဒဏ်ရာရသွားတာဖြစ်ပြီး ကျန်းမာကြံ့ခိုင်မှုမြန်ဆန်တတ်တဲ့ ဆွန်က အခုတကြိမ်မှာတော့ ဒဏ်ရာပြင်းထန်မှုများရင်များသလောက် အနားယူသွားရဖွယ်ရှိတယ်။ စပါးနဲ့မော်ရင်ညိုအတွက်တော့ ဆွန်ဟောင်မင်ကိုဆုံးရှုံးရတာက ရာသီပိတ်သိမ်းကာလမှာ ကြီးမားတဲ့ ဧရာမထိုးနှက်ချက်ပါ။ မော်ရင်ညိုဘယ်လိုရင်ဆိုင်မလဲ ဆက်လက်စောင့်ကြည့်ရမှာဖြစ်ပါတယ်။
၃နှစ်အတွင်း ပထမဆုံးမြောက်လန်ဒန်ဒါဘီအောင်ပွဲရတဲ့ အာဆင်နယ်
မော်ရင်ညိုက အာဆင်နယ်နဲ့ပတ်သက်လာရင် မှတ်တမ်းကောင်းတွေ ပိုင်ဆိုင်ထားတဲ့ နည်းပြတဦးဖြစ်တယ်။ ဒီနေ့ပွဲမှာလည်း အာဆင်နယ်နဲ့တွေ့ဆုံတိုင်း အိမ်နိမ့်စံဘဝမှာ ကျင်လည်နေရတဲ့ စပါးအတွက် တစုံတရာအပြောင်းအလဲယူဆောင်လာဖို့ ပြင်ဆင်လာခဲ့ပုံရတယ်။ အာဆင်နယ်ကို စပါးပွဲဦးထွက် ပထမဆုံး ၃ ပွဲဆက်အနိုင်ရတဲ့ ပထမဆုံး စပါးနည်းပြဖြစ်လာဖို့ ကြံစည်ခဲ့တယ်။
စပါးအသင်းကလည်း အသင်းသမိုင်းတလျှောက်မှာ ခါးသီးဒါဘီပြိုင်ဘက်ကို ပထမဆုံးအကြိမ်အနေနဲ့ ၆ပွဲဆက်ရှူံးပွဲမရှိစံချိန် ရဖိို့ ပြင်ဆင်လာခဲ့တာပါ။ လာမယ်လာရဲ့ ဦးဆောင်ဂိုးအပြီးမှာ စပါးရဲ့မျှော်လင့်ချက်တွေက ပိုပြီးအသက်ဝင်လာခဲ့တယ်။ ဒါပေမယ့် ပိုကောင်းတဲ့အသင်းက အာဆင်နယ်ဖြစ်ကြောင်း အာတီတာကသက်သေပြခဲ့တယ်။ ထိုက်တန်တဲ့ခြေစွမ်းနဲ့ အဖိုးတန် အနိုင် ၃ မှတ်ကို အပိုင်သိမ်းခဲ့တယ်။ ၂၀၁၈ ခုနှစ်က ၄-၂ ရလဒ်နဲ့ နိုင်ပွဲနောက်ပိုင်း မြောက်လန်ဒန်ဒါဘီမှာ ၃နှစ်အတွင်း ပထမဆုံးအကြိမ်အဖြစ် ဂန်းနားတို့အောင်ပွဲဆင်ခဲ့တယ်။
အူဘာမီယန်းကို ရည်ရွယ်ချက်ရှိရှိ ချန်လှပ်ခဲ့တဲ့ အာတီတာ
အာတီတာက ကနဦးမှာ ဒီပွဲအတွက် အူဘာမီယန်းကို ပွဲထွက်စေဖို့ စီစဥ်ထားပေမယ့် ဒါကိုအပြောင်းအလဲလုပ်ခဲ့ပြီး အသင်းခေါင်းဆောင် ဂါဘွန်သားကို အရန်ခုံမှာ ချန်လှပ်ခဲ့ကြောင်း ဝန်ခံခဲ့တယ်။ ပွဲစဥ်တိုင်းအတွက် ချမှတ်ထားတဲ့ လုပ်ငန်းစဥ်အရ အခုလိုဆုံးဖြတ်ခဲ့ခြင်းဖြစ်ကြောင်း သူကအသိပေးခဲ့တယ်။ ကောလဟလတွေအရတော့ အူဘာမီယန်က စည်းကမ်းလိုက်နာမှုအပိုင်းမှာ ပြဿနာတချို့ရှိနေလို့ ချန်လှပ်ခံရတာဖြစ်ကြောင်း သိရတယ်။ ဘယ်လိုပဲဖြစ်ဖြစ် အာဆင်နယ်က အူဘာမီယန်မပါဝင်နိုင်လည်း ကိုယ့်အလုပ်ကိုယ် ပိုင်းဖြတ်မှုနဲ့ လုပ်ဆောင်သွားခဲ့တယ်။
ဟီးရိုးကနေ ဇီးရိုးဘဝဖြစ်သွားတဲ့ လာမယ်လာ
လာမယ်လာက စပါးရဲ့ဦးဆောင်ဂိုးကို သွင်းယူခဲ့တယ်။ ဒီဂိုးက ကမ္ဘာ့အဆင့်မီဂိုးလို့သတ်မှတ်ချင်စရာပါ။ ဒီပွဲမှာ ဒဏ်ရာရသွားတဲ့ ဆွန်ဟောင်မင်နဲ့ လူစားလဲဝင်ကစားတဲ့ လာမယ်လာရဲ့ခြေစွမ်းကလည်း တောက်ပနေခဲ့ပြီး စပါးကိုအကျိုးပြုခဲ့တယ်။ လာမယ်လာရဲ့ ကန်သွင်းချက်ကို ရယ်ဂီလွန်က အလေးပြုကြောင်းပါ အောင်ပွဲခံမှုမှာ ဖော်ပြခဲ့ရတယ်။ တဖက်မှာတော့ မလိုလားအပ်တဲ့ ဖျက်ထုတ်မှုတွေကို လာမယ်လာက ၂ကြိမ်ဆက် ပြစ်ဒဏ်ကျူးလွန်ခဲ့တယ်။
ဒါက လှပတဲ့၊ ကျွမ်းကျင်ပါးနပ်တဲ့ သူ့ရဲ့သွင်းဂိုးရဲ့ အခြားတဖက်မှာ အကျည်းတန်သွားခဲ့တယ်။ ၆၉ မိနစ်မှာ ပါတေးကို ဖျက်ထုတ်မှုအပြီး နောက် ၇မိနစ်အတွင်း တီယာနေးကို ထပ်မံကျုးလွန်ခဲ့လို့ အဝါကတ် ၂ ကြိမ်ထိပြီး အနီကတ်နဲ့ထုတ်ပယ်ခံခဲ့ရတယ်။ စည်းမဲ့ကမ်းမဲ့ ကစားတတ်တဲ့ အမူအကျင့်ကြောင့်ပဲ လာမယ်လာက စပါးအသင်းကို အရေးကြီးတဲ့ပွဲစဥ်တပွဲမှာ ပြန်လည်ချိနဲ့စေခဲ့တယ်။
VAR ကြောင့် စပါးအသင်းနစ်နာခဲ့တာလား
ဒီပွဲမှာ VAR ရဲ့နောက်ထပ်အမဲစက်တခု ထပ်တိုးလာခဲ့တယ်လို့ ဆိုရမှာပါ။ လာကာဇက်ရဲ့ပင်နယ်တီဖြစ်ရပ်မှာ ဒေးဗစ်ဆန်းချက်ဇ်က ပင်နယ်တီဧရိယာအတွင်း သူ့ကို ပြစ်ဒဏ်ကျူးလွန်တယ်လို့ ကွင်းလယ်ဒိုင်က ဆုံးဖြတ်ခဲ့တယ်။ တကယ်တမ်း VAR ကို ပြန်လည်ကြည့်ရှုစစ်ဆေးရာမှာတော့ ဒေးဗစ်ဆန်းချက်ဇ်ရဲ့ အမှားအယွင်းမဟုတ်ကြောင်း အဖြေထွက်ခဲ့တယ်။ ကွင်းလယ်ဒိုင်က သူ့ရဲ့ဆုံးဖြတ်ချက်ကို မပယ်ဖျက်ဘဲ ပင်နယ်တီကိုကန်ခွင့်ပြုခဲ့တယ်။ ဒီအနေအထားတရပ်မှာတော့ စပါးအသင်းဘက်က နစ်နာခဲ့ပါတယ်။ ရုပ်ပျက်ဆင်းပျက်ဖြစ်ရပ်တွေကြောင့် ဝေဖန်မှုမြင့်တက်နေတဲ့ VAR စနစ်ဟာ အမှားတွေပြင်ဖို့ထက် ပမာဒလေခနေတုန်းလို့ ကောက်ချက်ချရမှာပါ။
နတ်ရေကန်ထဲပစ်ချလိုက်သလို အရာရာ ပြောင်းလဲသွားတဲ့ အာဆင်နယ်
စပါးနဲ့ပထမအကျော့မှာ အသွားမရှိတဲ့ ဓားလို တုံးအနေတဲ့ အာဆင်နယ်ရဲ့ကစားပုံဟာ လပိုင်းအတွက် အချိန်တိုအတွင်းမှာ နတ်ရေကန်ထဲပစ်ချလိုက်သလို အရာရာ ပြောင်းလဲသွားတာကို တွေ့ရတယ်။ နည်းစနစ်ပိုင်းကျွမ်းကျင်မှုမြင့်မားတဲ့ စမစ်သ်ရိုးနဲ့ မာတင်အိုဒီဂါ့တ်ရဲ့ ပေါင်းထည့်ပေးမှုအားက အာဆင်နယ်ရဲ့ကစားပုံကို တဆင့်မြင့်သွားစေခဲ့တယ်။ ဒီအသင်းက ပိုကောင်းလာတဲ့အသင်းမဟုတ်ပါဘူး။ နောက်တဆင့်တက်ပြီး ပိုကောင်းသွားပြီဖြစ်တဲ့အသင်းအနေနဲ့ ဒီပွဲမှာ ခိုင်ခိုင်မာမာ သက်သေပြခဲ့တဲ့ စွမ်းဆောင်ရည်က ဖုံးကွယ်ထားလို့မရအောင် မြင်မြင်သာသာ ထင်ထင်ရှားရှား ထွက်ပေါ်လာတယ်။
ပွဲမပြီးခင် ၁၀မိနစ်ဟာ အာဆင်နယ်ရဲ့အဆိုးရွားကစားပုံလို့ ဝန်ခံခဲ့တဲ့ အာတီတာ
ပွဲမပြီးခင် ၁၀ မိနစ်ဟာ အာဆင်နယ်ပရိသတ်တွေအတွက် မွန်းကြပ်ခဲ့ရတယ်။ ထွက်ပေါက်မရှိ အသက်ရှုမဝတဲ့ ခံစားမှုကို ရခဲ့ကြတယ်။ ဒီကစားပုံနဲ့ပတ်သက်ပြီး ပွဲမပြီးခင် ၁၀ မိနစ်ဟာ မိမိလက်ထက် အာဆင်နယ်ရဲ့ အဆိုးရွားဆုံးပုံစံလို့ အာတီတာက လူသိရှင်ကြား ဝေဖန်ခဲ့တယ်။ တယောက်လျော့ စပါးကို အသာစီးရယူမှု မရှိခဲ့ဘဲ ခက်ခက်ခဲခဲ ခုခံခဲ့ရတဲ့ ဒီ ၁၀မိနစ်က အာဆင်နယ်ရဲ့ ပွဲအရှိန်အတင်အချစိုးမိုးမှုမှာ ကျေညက်ဖို့ အားနည်းနေသေးကြောင်း ဖော်ပြခဲ့တယ်။ အာဆင်နယ်ရဲ့ ကစားကွက် တည်ဆောက်မှုပုံစံတခုလုံးဟာ ကစားတဦးချင်းစီအထိ ပျက်စီးသွားခဲ့တာဟာ အာတီတာရဲ့ငရဲဖြစ်ခဲ့ပြီး ကစားပွဲတွင်းစီမံမှု စည်းကမ်းကြီးတဲ့ သူ့အတွက် လက်မခံနိုင်စရာဖြစ်ခဲ့တယ်။ ဒါဟာ ဆင်ခြင်ပေးစရာမရှိဘဲ တိုးတက်အောင်လုပ်ဆောင်ဖို့ ကျန်ရှိနေသေးတဲ့ အာဆင်နယ်နဲ့အာတီတာရဲ့လုပ်ငန်းစဥ်ဖြစ်ပါတယ်။
REF: INTERNET SOURCES
PHOTOS CREDIT TO OWNERS
SPORTS A2Z.
ZAWGYI:
ဒဏ္ရာရသြားတဲ့ ဆြန္ေဟာင္မင္နဲ႔ စပါးအသင္းရဲ႕ထိုးႏွက္ခ်က္
ဆြန္ေဟာင္မင္က စပါးအသင္းအတြက္ ဘယ္လိုအေရးပါတဲ့ကစားမ်ိဳးလဲဆိုတာ ေျပာစရာမလိုေလာက္ေအာင္ကို သက္ေသျပခဲ့ပါၿပီးၿပီ။ ဒီရာသီ ဟာရီကိန္းနဲ႔ဆြန္ေဟာင္မင္ရဲ႕ တယ္လီပသီ ဆက္သြယ္ေရးက စပါးတိုက္စစ္ကို သိပ္ေၾကာက္မက္ဖြယ္ရာေကာင္းေစခဲ့တယ္။ ဆြန္ရဲ႕ေျပးအားကို အသုံးခ်ဖို႔ ဟာရီကိန္းက ကြင္းလယ္ထိဆင္းၿပီး ခ်က္ေကာင္းကိုထိတဲ့ ေသကြင္းေသကြက္အျမင့္ေဘာေတြနဲ႔ ေဘာလုံးေပးပို႔မႈေတြက အျပန္အလွန္ အခရာက်ခဲ့တယ္။
အခုေျမာက္လန္ဒန္ဒါဘီပြဲမွာလည္း အာဆင္နယ္ခံစစ္ကို ထိုးေဖာက္တဲ့ အျမင့္ေဘာကို အေျပးအားနဲ႔ လိုက္ခဲ့တဲ့ ဆြန္ေဟာင္မင္က ေျပးလႊားမႈမွာ တံေကာက္ေၾကာဒဏ္ရာရသြားခဲ့တယ္။ ေမာ္ရင္ညိဳကေတာ့ သူ႔ကစားသမား ပြဲပန္းလြန္းသြားတာျဖစ္တယ္လို႔ဆိုတယ္။ ႂကြက္သားဒဏ္ရာရသြားတာျဖစ္ၿပီး က်န္းမာႀကံ့ခိုင္မႈျမန္ဆန္တတ္တဲ့ ဆြန္က အခုတႀကိမ္မွာေတာ့ ဒဏ္ရာျပင္းထန္မႈမ်ားရင္မ်ားသေလာက္ အနားယူသြားရဖြယ္ရွိတယ္။ စပါးနဲ႔ေမာ္ရင္ညိဳအတြက္ေတာ့ ဆြန္ေဟာင္မင္ကိုဆုံးရႈံးရတာက ရာသီပိတ္သိမ္းကာလမွာ ႀကီးမားတဲ့ ဧရာမထိုးႏွက္ခ်က္ပါ။ ေမာ္ရင္ညိဳဘယ္လိုရင္ဆိုင္မလဲ ဆက္လက္ေစာင့္ၾကည့္ရမွာျဖစ္ပါတယ္။
၃ႏွစ္အတြင္း ပထမဆုံးေျမာက္လန္ဒန္ဒါဘီေအာင္ပြဲရတဲ့ အာဆင္နယ္
ေမာ္ရင္ညိဳက အာဆင္နယ္နဲ႔ပတ္သက္လာရင္ မွတ္တမ္းေကာင္းေတြ ပိုင္ဆိုင္ထားတဲ့ နည္းျပတဦးျဖစ္တယ္။ ဒီေန႔ပြဲမွာလည္း အာဆင္နယ္နဲ႔ေတြ႕ဆုံတိုင္း အိမ္နိမ့္စံဘဝမွာ က်င္လည္ေနရတဲ့ စပါးအတြက္ တစုံတရာအေျပာင္းအလဲယူေဆာင္လာဖို႔ ျပင္ဆင္လာခဲ့ပုံရတယ္။ အာဆင္နယ္ကို စပါးပြဲဦးထြက္ ပထမဆုံး ၃ ပြဲဆက္အႏိုင္ရတဲ့ ပထမဆုံး စပါးနည္းျပျဖစ္လာဖို႔ ႀကံစည္ခဲ့တယ္။
စပါးအသင္းကလည္း အသင္းသမိုင္းတေလွ်ာက္မွာ ခါးသီးဒါဘီၿပိဳင္ဘက္ကို ပထမဆုံးအႀကိမ္အေနနဲ႔ ၆ပြဲဆက္ရႉံးပြဲမရွိစံခ်ိန္ ရဖိို႔ ျပင္ဆင္လာခဲ့တာပါ။ လာမယ္လာရဲ႕ ဦးေဆာင္ဂိုးအၿပီးမွာ စပါးရဲ႕ေမွ်ာ္လင့္ခ်က္ေတြက ပိုၿပီးအသက္ဝင္လာခဲ့တယ္။ ဒါေပမယ့္ ပိုေကာင္းတဲ့အသင္းက အာဆင္နယ္ျဖစ္ေၾကာင္း အာတီတာကသက္ေသျပခဲ့တယ္။ ထိုက္တန္တဲ့ေျခစြမ္းနဲ႔ အဖိုးတန္ အႏိုင္ ၃ မွတ္ကို အပိုင္သိမ္းခဲ့တယ္။ ၂၀၁၈ ခုႏွစ္က ၄-၂ ရလဒ္နဲ႔ ႏိုင္ပြဲေနာက္ပိုင္း ေျမာက္လန္ဒန္ဒါဘီမွာ ၃ႏွစ္အတြင္း ပထမဆုံးအႀကိမ္အျဖစ္ ဂန္းနားတို႔ေအာင္ပြဲဆင္ခဲ့တယ္။
အူဘာမီယန္းကို ရည္႐ြယ္ခ်က္ရွိရွိ ခ်န္လွပ္ခဲ့တဲ့ အာတီတာ
အာတီတာက ကနဦးမွာ ဒီပြဲအတြက္ အူဘာမီယန္းကို ပြဲထြက္ေစဖို႔ စီစဥ္ထားေပမယ့္ ဒါကိုအေျပာင္းအလဲလုပ္ခဲ့ၿပီး အသင္းေခါင္းေဆာင္ ဂါဘြန္သားကို အရန္ခုံမွာ ခ်န္လွပ္ခဲ့ေၾကာင္း ဝန္ခံခဲ့တယ္။ ပြဲစဥ္တိုင္းအတြက္ ခ်မွတ္ထားတဲ့ လုပ္ငန္းစဥ္အရ အခုလိုဆုံးျဖတ္ခဲ့ျခင္းျဖစ္ေၾကာင္း သူကအသိေပးခဲ့တယ္။ ေကာလဟလေတြအရေတာ့ အူဘာမီယန္က စည္းကမ္းလိုက္နာမႈအပိုင္းမွာ ျပႆနာတခ်ိဳ႕ရွိေနလို႔ ခ်န္လွပ္ခံရတာျဖစ္ေၾကာင္း သိရတယ္။ ဘယ္လိုပဲျဖစ္ျဖစ္ အာဆင္နယ္က အူဘာမီယန္မပါဝင္ႏိုင္လည္း ကိုယ့္အလုပ္ကိုယ္ ပိုင္းျဖတ္မႈနဲ႔ လုပ္ေဆာင္သြားခဲ့တယ္။
ဟီး႐ိုးကေန ဇီး႐ိုးဘဝျဖစ္သြားတဲ့ လာမယ္လာ
လာမယ္လာက စပါးရဲ႕ဦးေဆာင္ဂိုးကို သြင္းယူခဲ့တယ္။ ဒီဂိုးက ကမာၻ႔အဆင့္မီဂိုးလို႔သတ္မွတ္ခ်င္စရာပါ။ ဒီပြဲမွာ ဒဏ္ရာရသြားတဲ့ ဆြန္ေဟာင္မင္နဲ႔ လူစားလဲဝင္ကစားတဲ့ လာမယ္လာရဲ႕ေျခစြမ္းကလည္း ေတာက္ပေနခဲ့ၿပီး စပါးကိုအက်ိဳးျပဳခဲ့တယ္။ လာမယ္လာရဲ႕ ကန္သြင္းခ်က္ကို ရယ္ဂီလြန္က အေလးျပဳေၾကာင္းပါ ေအာင္ပြဲခံမႈမွာ ေဖာ္ျပခဲ့ရတယ္။ တဖက္မွာေတာ့ မလိုလားအပ္တဲ့ ဖ်က္ထုတ္မႈေတြကို လာမယ္လာက ၂ႀကိမ္ဆက္ ျပစ္ဒဏ္က်ဴးလြန္ခဲ့တယ္။
ဒါက လွပတဲ့၊ ကြၽမ္းက်င္ပါးနပ္တဲ့ သူ႔ရဲ႕သြင္းဂိုးရဲ႕ အျခားတဖက္မွာ အက်ည္းတန္သြားခဲ့တယ္။ ၆၉ မိနစ္မွာ ပါေတးကို ဖ်က္ထုတ္မႈအၿပီး ေနာက္ ၇မိနစ္အတြင္း တီယာေနးကို ထပ္မံက်ဳးလြန္ခဲ့လို႔ အဝါကတ္ ၂ ႀကိမ္ထိၿပီး အနီကတ္နဲ႔ထုတ္ပယ္ခံခဲ့ရတယ္။ စည္းမဲ့ကမ္းမဲ့ ကစားတတ္တဲ့ အမူအက်င့္ေၾကာင့္ပဲ လာမယ္လာက စပါးအသင္းကို အေရးႀကီးတဲ့ပြဲစဥ္တပြဲမွာ ျပန္လည္ခ်ိနဲ႔ေစခဲ့တယ္။
VAR ေၾကာင့္ စပါးအသင္းနစ္နာခဲ့တာလား
ဒီပြဲမွာ VAR ရဲ႕ေနာက္ထပ္အမဲစက္တခု ထပ္တိုးလာခဲ့တယ္လို႔ ဆိုရမွာပါ။ လာကာဇက္ရဲ႕ပင္နယ္တီျဖစ္ရပ္မွာ ေဒးဗစ္ဆန္းခ်က္ဇ္က ပင္နယ္တီဧရိယာအတြင္း သူ႔ကို ျပစ္ဒဏ္က်ဴးလြန္တယ္လို႔ ကြင္းလယ္ဒိုင္က ဆုံးျဖတ္ခဲ့တယ္။ တကယ္တမ္း VAR ကို ျပန္လည္ၾကည့္ရႈစစ္ေဆးရာမွာေတာ့ ေဒးဗစ္ဆန္းခ်က္ဇ္ရဲ႕ အမွားအယြင္းမဟုတ္ေၾကာင္း အေျဖထြက္ခဲ့တယ္။ ကြင္းလယ္ဒိုင္က သူ႔ရဲ႕ဆုံးျဖတ္ခ်က္ကို မပယ္ဖ်က္ဘဲ ပင္နယ္တီကိုကန္ခြင့္ျပဳခဲ့တယ္။ ဒီအေနအထားတရပ္မွာေတာ့ စပါးအသင္းဘက္က နစ္နာခဲ့ပါတယ္။ ႐ုပ္ပ်က္ဆင္းပ်က္ျဖစ္ရပ္ေတြေၾကာင့္ ေဝဖန္မႈျမင့္တက္ေနတဲ့ VAR စနစ္ဟာ အမွားေတြျပင္ဖို႔ထက္ ပမာဒေလခေနတုန္းလို႔ ေကာက္ခ်က္ခ်ရမွာပါ။
နတ္ေရကန္ထဲပစ္ခ်လိုက္သလို အရာရာ ေျပာင္းလဲသြားတဲ့ အာဆင္နယ္
စပါးနဲ႔ပထမအေက်ာ့မွာ အသြားမရွိတဲ့ ဓားလို တုံးအေနတဲ့ အာဆင္နယ္ရဲ႕ကစားပုံဟာ လပိုင္းအတြက္ အခ်ိန္တိုအတြင္းမွာ နတ္ေရကန္ထဲပစ္ခ်လိုက္သလို အရာရာ ေျပာင္းလဲသြားတာကို ေတြ႕ရတယ္။ နည္းစနစ္ပိုင္းကြၽမ္းက်င္မႈျမင့္မားတဲ့ စမစ္သ္႐ိုးနဲ႔ မာတင္အိုဒီဂါ့တ္ရဲ႕ ေပါင္းထည့္ေပးမႈအားက အာဆင္နယ္ရဲ႕ကစားပုံကို တဆင့္ျမင့္သြားေစခဲ့တယ္။ ဒီအသင္းက ပိုေကာင္းလာတဲ့အသင္းမဟုတ္ပါဘူး။ ေနာက္တဆင့္တက္ၿပီး ပိုေကာင္းသြားၿပီျဖစ္တဲ့အသင္းအေနနဲ႔ ဒီပြဲမွာ ခိုင္ခိုင္မာမာ သက္ေသျပခဲ့တဲ့ စြမ္းေဆာင္ရည္က ဖုံးကြယ္ထားလို႔မရေအာင္ ျမင္ျမင္သာသာ ထင္ထင္ရွားရွား ထြက္ေပၚလာတယ္။
ပြဲမၿပီးခင္ ၁၀မိနစ္ဟာ အာဆင္နယ္ရဲ႕အဆိုး႐ြားကစားပုံလို႔ ဝန္ခံခဲ့တဲ့ အာတီတာ
ပြဲမၿပီးခင္ ၁၀ မိနစ္ဟာ အာဆင္နယ္ပရိသတ္ေတြအတြက္ မြန္းၾကပ္ခဲ့ရတယ္။ ထြက္ေပါက္မရွိ အသက္ရႈမဝတဲ့ ခံစားမႈကို ရခဲ့ၾကတယ္။ ဒီကစားပုံနဲ႔ပတ္သက္ၿပီး ပြဲမၿပီးခင္ ၁၀ မိနစ္ဟာ မိမိလက္ထက္ အာဆင္နယ္ရဲ႕ အဆိုး႐ြားဆုံးပုံစံလို႔ အာတီတာက လူသိရွင္ၾကား ေဝဖန္ခဲ့တယ္။ တေယာက္ေလ်ာ့ စပါးကို အသာစီးရယူမႈ မရွိခဲ့ဘဲ ခက္ခက္ခဲခဲ ခုခံခဲ့ရတဲ့ ဒီ ၁၀မိနစ္က အာဆင္နယ္ရဲ႕ ပြဲအရွိန္အတင္အခ်စိုးမိုးမႈမွာ ေက်ညက္ဖို႔ အားနည္းေနေသးေၾကာင္း ေဖာ္ျပခဲ့တယ္။ အာဆင္နယ္ရဲ႕ ကစားကြက္ တည္ေဆာက္မႈပုံစံတခုလုံးဟာ ကစားတဦးခ်င္းစီအထိ ပ်က္စီးသြားခဲ့တာဟာ အာတီတာရဲ႕ငရဲျဖစ္ခဲ့ၿပီး ကစားပြဲတြင္းစီမံမႈ စည္းကမ္းႀကီးတဲ့ သူ႔အတြက္ လက္မခံႏိုင္စရာျဖစ္ခဲ့တယ္။ ဒါဟာ ဆင္ျခင္ေပးစရာမရွိဘဲ တိုးတက္ေအာင္လုပ္ေဆာင္ဖို႔ က်န္ရွိေနေသးတဲ့ အာဆင္နယ္နဲ႔အာတီတာရဲ႕လုပ္ငန္းစဥ္ျဖစ္ပါတယ္။
REF: INTERNET SOURCES
PHOTOS CREDIT TO OWNERS
SPORTS A2Z.
