အဆင့်အတန်း ကွာခြားချက်ကို လျှော့ချနိုင်ခဲ့တဲ့ အာဆင်နယ်
နွေရာသီမှာ ဘန်ဝှိုက်နဲ့ ရမ်းစ်ဒေးလ်တို့လို အင်္ဂလိပ်ကစားသမားတွေကို ခေါ်ယူခဲ့ပြီး အသင်းရဲ့ ကျောရိုးအဖြစ် ဖွဲ့စည်းတည်ဆောက်နိုင်ခဲ့တဲ့ အာဆင်နယ်တို့အနေနဲ့ အန်းဖီးလ်မှာ လီဗာပူးလ်ကို မယှဉ်နိုင်သေးပေမယ့် နှစ်သင်းကြားက ကွာဟချက်ကို အတိုင်းအတာတစ်ခုအထိ လျှော့ချနိုင်ခဲ့တာ ဖြစ်ပါတယ်။ ခပ်ညံ့ညံ့ ဆီးဒရစ် ထွက်သွားချိန်မှာ ချိမ်းဘားစ် ဝင်လာခဲ့ပြီး တစ်ယောက်လျော့နဲ့ ကစားခဲ့ရချိန်မှာ ဟိုးလ်ဒင်းပါ ဝင်လာခဲ့ချိန်မှာ အသင်းရဲ့ ခံစစ်က ကျစ်လျစ်မှုနဲ့ လီဗာပူးလ်တို့ကို ပွဲချိန်မိနစ် ၉၀ အတွင်း ဂိုးပေါက်ကန်ခွင့် တစ်ကြိမ်မှ မပေးရအောင် တားဆီးသွားနိုင်ခဲ့ကြတာပါ။
ဆာလားနဲ့ မာနေးမပါတာ သိသာလွန်းတဲ့ လီဗာပူးလ်
ဆာလားနဲ့ မာနေးကို အာဖရိကဖလားပွဲစဉ်တွေဆီ စေလွှတ်ထားခဲ့ရချိန်မှာ လီဗာပူးလ်အသင်းကတော့ သူတို့ရဲ့ အကောင်းဆုံး အနေအထားကို လိုက်မီနိုင်ခြင်းမရှိဘဲ တောင်ပံတွေက ဖန်တီးနိုင်မှု နည်းခဲ့သလို မီနာမီနို၊ ဂျိုတာတို့အနေနဲ့ ရှေ့က ဦးစားပေး ကစားသမားတွေကို အမီလိုက်နိုင်ဖို့တော့ ပျက်ကွက်နေဆဲဖြစ်ပါတယ်။ သူတို့နှစ်ယောက်နဲ့ ဖာမီနိုတို့ တွဲဖက်ကစားခဲ့ချိန်မှာ အာဆင်နယ်ခံစစ်ကို ထိုးနှက်နိုင်ဖို့ ကြိုးစားမှုတွေက လွဲချော်မှုတွေပဲ ဖြစ်နေခဲ့ပြီး မီနာမီနိုကတော့ သူနဲ့ ဂိုးပေါက် နှစ်ခုတည်းရှိချိန်မှာ ဘောလုံးကို ဘားကျော်ကန်ခဲ့လို့ လီဗာပူးလ်ရဲ့ အဆိုးရွားဆုံး ခေါ်ယူမှုလို့ပါ ဆိုနေကြတာကိုလည်း ဆိုရှယ်မီဒီယာတွေပေါ်မှာ တွေ့မြင်ခဲ့ရပါတယ်။
ချာကာ…ချာကာ…ချာကာ…
အာဆင်နယ်ပရိသတ်တွေကတော့ ဒီလိုပဲ ညည်းညူကြမှာ သေချာပါတယ်။ ပွဲချိန် ၂၄ မိနစ်မှာ အထုတ်ပယ်ခံခဲ့ရပြန်တဲ့ ဆွစ်ဇာလန် ကွင်းလယ်လူဟာ သူ့ရဲ့ နှေးကွေးလေးလံတဲ့ ကစားပုံကို ကာမိအောင် ပြစ်ဒဏ်ဘောတွေ ကျူးလွန်တတ်သူဖြစ်ပြီး ဒီနေ့မှာလည်း မမီမကန်းနဲ့ ပြေးလိုက်ရင် အနီကတ်တစ်ကတ်ကို ရှာဖွေသွားခဲ့တာဖြစ်ပါတယ်။ ဂန်းနားတွေအတွက် ၆ ကတ်မြောက် အနီကတ်ကို ဆွတ်ခူးနိုင်ခဲ့တဲ့ ချာကာဟာ ပြီးခဲ့တဲ့ နှစ်ရာသီ အတွင်းမှာ ကျန် ၁၉ သင်းရဲ့ အနီကတ်စုစုပေါင်း ရရှိမှုထက်တောင် များပြားခဲ့ပြီး သူ့ရဲ့ ဒီရာသီ ဒုတိယမြောက် အနီကတ်ဖြစ်တာကြောင့် နှစ်ပွဲပယ် ပြစ်ဒဏ်နဲ့အတူ စပါးစ်နဲ့ မြောက်လန်ဒန်ဒါဘီ၊ လီဗာပူးလ်နဲ့ ဒုတိယအကျော့ပွဲစဉ်တွေကို လွဲချော်တော့မှာပါ။
လူအိုခြေကျ လီဗာပူးလ်ကွင်းလယ်
လီဗာပူးလ်ရဲ့ ကွင်းလယ်မှာ ဖာဘင်ညိုတစ်ယောက်ကလွဲလို့ ကျန်အင်္ဂလိပ်ကစားသမားနှစ်ဦးဖြစ်ကြတဲ့ ကပ္ပတိန်နဲ့ လက်ထောက်၊ ဟန်ဒါဆန်နဲ့ မီလ်နာတို့ရဲ့ ကစားပုံနဲ့ လုပ်အားနှုန်းတွေက ဒီနေ့မှာ တော်တော်လေး ချူချာနေခဲ့တာပါ။ အလိုမပြည့်ဘဲ စိတ်ကောက်နေတဲ့ ကလေးကြီးလို ဖြစ်နေတဲ့ မီလ်နာကို အာဆင်နယ်ရဲ့ ဝါနုသေးတဲ့ ကွင်းလယ်က ပြိုင်ဆိုင်နိုင်ခဲ့သလို ဟန်ဒါဆန်နဲ့ ဖာဘင်ညိုတို့အတွက်လည်း အလုပ်ပိုစေပြီး လီဗာပူးလ် ကပ္ပတိန်ကတော့ ဒီနေ့မှာ ပွဲပန်းသလိုမျိုး မြင်တွေ့ခဲ့ရသလို အသင်းကိုလည်း ကောင်းကောင်းပံ့ပိုးပေးနိုင်ခြင်းမရှိဘဲ သာမန်ခြေစွမ်းကိုသာ ပြသနိုင်ခဲ့တာ ဖြစ်ပါတယ်။
ခံစစ်ကို မှတ်ကျောက်တင်နိုင်ခဲ့တဲ့ အာတီတာ
အာဆင်နယ်နည်းပြ အာတီတာအနေနဲ့ ကွင်းလယ်လူ ချာကာ အထုတ်ခံရချိန်မှာ ခံစစ်ပိတ်ကစားဖို့ကိုပဲ မဖြစ်မနေ ရွေးချယ်ခဲ့ရပြီး တိုက်စစ်မှူး နကီးတီးယားနေရာမှာ ဗဟိုခံစစ်သမား ဟိုးလ်ဒင်းကို ထည့်သွင်းသွားခဲ့တာပါ။ ဒီအချိန်မှာ အသင်းရဲ့ ကစားကွက်က ၅-၃-၁ ဖြစ်သွားခဲ့ပြီး 3 Back ထက် 5 Back နဲ့ ပိုတူခဲ့သလို ချိမ်းဘားစ်ရော တီယာနီတို့ပါ ခံစစ်မှာပဲ အဖျက်ကစားသွားခဲ့ကြတာဖြစ်ပါတယ်။ ဒီ့အပြင် ဆာကာနဲ့ မာတီနယ်လီတို့က ဘယ်ညာ တောင်ပံခံစစ်ကို အားဖြည့်ခဲ့ကြပြီး လာကာဇက်ကတော့ ဆမ်ဘီ လိုကွန်ဂါနဲ့အတူ ခံစစ်တန်းရှေ့က Covering ကစားသွားခဲ့ကြချိန်မှာ ကစားကွက်က ၇-၂-၀ လို့ ဆိုရအောင် ပြောင်းလဲသွားခဲ့ပေမယ့် အန်းဖီးလ်မှာ ၁၀ ယောက်တည်းနဲ့ Clean Sheet ရှာဖွေနိုင်ခဲ့တာကတော့ ကျေနပ်စရာပဲဖြစ်ခဲ့ပါတယ်။
အဆုံးသတ်ညံ့ဖျင်းလွန်းတဲ့ အိမ်ရှင်
အာဆင်နယ်တို့အနေနဲ့ တစ်ယောက်လျောနဲ့ ခံစစ်ကစားနေခဲ့လို့ ဂိုးပေါက်တစ်ကြိမ်ပဲ တည့်ခဲ့တာကို ဘာမှ ပြောစရာမရှိခဲ့ပေမယ့် လီဗာပူးလ်တို့ ကတော့ ၁၇ ကြိမ်ကန်ပြီး တစ်ကြိမ်သာ ဂိုးပေါက်တည့်ခဲ့တာကတော့ ဆိုးရွားညံ့ဖျင်းလွန်းတဲ့ တိုက်စစ်လို့ပဲ ဝေဖန်ရတော့မှာဖြစ်ပါတယ်။ ပွဲချိန် မိနစ် ၉၀ ပြည့်မြောက်တဲ့အထိ ဂိုးရမယ့်အလုံးကို ထောင်ကန်ထည့်လိုက်တဲ့ ဂျပန်သား မီနာမီနိုကြောင့် နိုင်ပွဲနဲ့ လွဲချော်ခဲ့ရသလို အဲ့ဒီအချိန်အထိ ၁၅ ကြိမ် ကန်သွင်းရာမှာ တစ်ကြိမ်မှ ဂိုးပေါက် မတည့်ခဲ့သလို နာကျင်အချိန်ပို ၂ မိနစ်မှာမှ ကားတစ်ဂျုံးစ်ရဲ့ ကန်ချက်က ရမ်းစ်ဒေးလ်ရဲ့ ဂိုးပေါက်ဆီကို သွားခဲ့လို့ ပုတ်ထုတ်ခဲ့ရတာပါ။ ဆာလားနဲ့ မာနေးနဲ့ မပါလို့ဆိုပြီး ဆင်ခြေပေးနိုင်ပေမယ့် ဖာမီနိုနဲ့ ဂျိုတာတို့ကရော အရုပ်တွေလားလို့ပဲ မေးရမလိုဖြစ်နေခဲ့ပါတယ်။
အန်းဖီးလ်မှာ စွာခဲ့ကြတဲ့ ဧည့်သည်ပရိသတ်တွေ
အာဆင်နယ်အသင်းရဲ့ အဖိုးတန် ဂိုးမရှိသရေပွဲမှာ အဓိကကျခဲ့သူတွေကတော့ အန်းဖီးလ်ကို လိုက်ပါအားပေးခဲ့ကြတဲ့ ဧည့်သည်ပရိသတ်တွေပဲ ဖြစ်ပါတယ်။ မြောက်လန်ဒန်သားတွေအတွက် အော်ဟစ်အားပေးဖို့ မပျက်ကွက်ခဲ့သလို သူတို့ကစားသမားတွေရဲ့ ဖိအားပေးမှုကြောင့် လီဗာပူးလ်ဘက်က ဘောလုံးပျက်တိုင်း အော်ဟစ်လှောင်ပြောင်ဖို့လည်း မမေ့ခဲ့သူက ဂန်းနားပရိသတ်တွေပဲဖြစ်ပါတယ်။ တစ်ယောက်လျော့နဲ့ ကစားခဲ့ရတဲ့ အသင်းအတွက် နောက်ကနေ ရပ်တည်ပေးဖို့ အဆင်သင့်ရှိနေခဲ့ပြီး တိုက်ပွဲဝင်စိတ်ဓာတ်အတွက် ကစားသမားတွေနဲ့ ပရိသတ်တွေ အပြန်အလှန် မှီခိုခဲ့တဲ့ ကိုင်းကျွန်းမှီ၊ ကျွန်းကိုင်းမှီဖြစ်ခဲ့ကြတာကတော့ ပီတိဖြစ်ဖို့ကောင်းခဲ့တာပါ။
REF: INTERNET SOURCES
PHOTOS CREDIT TO OWNERS
SPORTS A2Z.
ZAWGYI:
အဆင့္အတန္း ကြာျခားခ်က္ကို ေလွ်ာ့ခ်ႏိုင္ခဲ့တဲ့ အာဆင္နယ္
ေႏြရာသီမွာ ဘန္ဝႈိက္နဲ႔ ရမ္းစ္ေဒးလ္တို႔လို အဂၤလိပ္ကစားသမားေတြကို ေခၚယူခဲ့ၿပီး အသင္းရဲ႕ ေက်ာ႐ိုးအျဖစ္ ဖြဲ႕စည္းတည္ေဆာက္ႏိုင္ခဲ့တဲ့ အာဆင္နယ္တို႔အေနနဲ႔ အန္းဖီးလ္မွာ လီဗာပူးလ္ကို မယွဥ္ႏိုင္ေသးေပမယ့္ ႏွစ္သင္းၾကားက ကြာဟခ်က္ကို အတိုင္းအတာတစ္ခုအထိ ေလွ်ာ့ခ်ႏိုင္ခဲ့တာ ျဖစ္ပါတယ္။ ခပ္ညံ့ညံ့ ဆီးဒရစ္ ထြက္သြားခ်ိန္မွာ ခ်ိမ္းဘားစ္ ဝင္လာခဲ့ၿပီး တစ္ေယာက္ေလ်ာ့နဲ႔ ကစားခဲ့ရခ်ိန္မွာ ဟိုးလ္ဒင္းပါ ဝင္လာခဲ့ခ်ိန္မွာ အသင္းရဲ႕ ခံစစ္က က်စ္လ်စ္မႈနဲ႔ လီဗာပူးလ္တို႔ကို ပြဲခ်ိန္မိနစ္ ၉၀ အတြင္း ဂိုးေပါက္ကန္ခြင့္ တစ္ႀကိမ္မွ မေပးရေအာင္ တားဆီးသြားႏိုင္ခဲ့ၾကတာပါ။
ဆာလားနဲ႔ မာေနးမပါတာ သိသာလြန္းတဲ့ လီဗာပူးလ္
ဆာလားနဲ႔ မာေနးကို အာဖရိကဖလားပြဲစဥ္ေတြဆီ ေစလႊတ္ထားခဲ့ရခ်ိန္မွာ လီဗာပူးလ္အသင္းကေတာ့ သူတို႔ရဲ႕ အေကာင္းဆုံး အေနအထားကို လိုက္မီႏိုင္ျခင္းမရွိဘဲ ေတာင္ပံေတြက ဖန္တီးႏိုင္မႈ နည္းခဲ့သလို မီနာမီႏို၊ ဂ်ိဳတာတို႔အေနနဲ႔ ေရွ႕က ဦးစားေပး ကစားသမားေတြကို အမီလိုက္ႏိုင္ဖို႔ေတာ့ ပ်က္ကြက္ေနဆဲျဖစ္ပါတယ္။ သူတို႔ႏွစ္ေယာက္နဲ႔ ဖာမီႏိုတို႔ တြဲဖက္ကစားခဲ့ခ်ိန္မွာ အာဆင္နယ္ခံစစ္ကို ထိုးႏွက္ႏိုင္ဖို႔ ႀကိဳးစားမႈေတြက လြဲေခ်ာ္မႈေတြပဲ ျဖစ္ေနခဲ့ၿပီး မီနာမီႏိုကေတာ့ သူနဲ႔ ဂိုးေပါက္ ႏွစ္ခုတည္းရွိခ်ိန္မွာ ေဘာလုံးကို ဘားေက်ာ္ကန္ခဲ့လို႔ လီဗာပူးလ္ရဲ႕ အဆိုး႐ြားဆုံး ေခၚယူမႈလို႔ပါ ဆိုေနၾကတာကိုလည္း ဆိုရွယ္မီဒီယာေတြေပၚမွာ ေတြ႕ျမင္ခဲ့ရပါတယ္။
ခ်ာကာ…ခ်ာကာ…ခ်ာကာ…
အာဆင္နယ္ပရိသတ္ေတြကေတာ့ ဒီလိုပဲ ညည္းညဴၾကမွာ ေသခ်ာပါတယ္။ ပြဲခ်ိန္ ၂၄ မိနစ္မွာ အထုတ္ပယ္ခံခဲ့ရျပန္တဲ့ ဆြစ္ဇာလန္ ကြင္းလယ္လူဟာ သူ႔ရဲ႕ ေႏွးေကြးေလးလံတဲ့ ကစားပုံကို ကာမိေအာင္ ျပစ္ဒဏ္ေဘာေတြ က်ဴးလြန္တတ္သူျဖစ္ၿပီး ဒီေန႔မွာလည္း မမီမကန္းနဲ႔ ေျပးလိုက္ရင္ အနီကတ္တစ္ကတ္ကို ရွာေဖြသြားခဲ့တာျဖစ္ပါတယ္။ ဂန္းနားေတြအတြက္ ၆ ကတ္ေျမာက္ အနီကတ္ကို ဆြတ္ခူးႏိုင္ခဲ့တဲ့ ခ်ာကာဟာ ၿပီးခဲ့တဲ့ ႏွစ္ရာသီ အတြင္းမွာ က်န္ ၁၉ သင္းရဲ႕ အနီကတ္စုစုေပါင္း ရရွိမႈထက္ေတာင္ မ်ားျပားခဲ့ၿပီး သူ႔ရဲ႕ ဒီရာသီ ဒုတိယေျမာက္ အနီကတ္ျဖစ္တာေၾကာင့္ ႏွစ္ပြဲပယ္ ျပစ္ဒဏ္နဲ႔အတူ စပါးစ္နဲ႔ ေျမာက္လန္ဒန္ဒါဘီ၊ လီဗာပူးလ္နဲ႔ ဒုတိယအေက်ာ့ပြဲစဥ္ေတြကို လြဲေခ်ာ္ေတာ့မွာပါ။
လူအိုေျခက် လီဗာပူးလ္ကြင္းလယ္
လီဗာပူးလ္ရဲ႕ ကြင္းလယ္မွာ ဖာဘင္ညိဳတစ္ေယာက္ကလြဲလို႔ က်န္အဂၤလိပ္ကစားသမားႏွစ္ဦးျဖစ္ၾကတဲ့ ကပၸတိန္နဲ႔ လက္ေထာက္၊ ဟန္ဒါဆန္နဲ႔ မီလ္နာတို႔ရဲ႕ ကစားပုံနဲ႔ လုပ္အားႏႈန္းေတြက ဒီေန႔မွာ ေတာ္ေတာ္ေလး ခ်ဴခ်ာေနခဲ့တာပါ။ အလိုမျပည့္ဘဲ စိတ္ေကာက္ေနတဲ့ ကေလးႀကီးလို ျဖစ္ေနတဲ့ မီလ္နာကို အာဆင္နယ္ရဲ႕ ဝါႏုေသးတဲ့ ကြင္းလယ္က ၿပိဳင္ဆိုင္ႏိုင္ခဲ့သလို ဟန္ဒါဆန္နဲ႔ ဖာဘင္ညိဳတို႔အတြက္လည္း အလုပ္ပိုေစၿပီး လီဗာပူးလ္ ကပၸတိန္ကေတာ့ ဒီေန႔မွာ ပြဲပန္းသလိုမ်ိဳး ျမင္ေတြ႕ခဲ့ရသလို အသင္းကိုလည္း ေကာင္းေကာင္းပံ့ပိုးေပးႏိုင္ျခင္းမရွိဘဲ သာမန္ေျခစြမ္းကိုသာ ျပသႏိုင္ခဲ့တာ ျဖစ္ပါတယ္။
ခံစစ္ကို မွတ္ေက်ာက္တင္ႏိုင္ခဲ့တဲ့ အာတီတာ
အာဆင္နယ္နည္းျပ အာတီတာအေနနဲ႔ ကြင္းလယ္လူ ခ်ာကာ အထုတ္ခံရခ်ိန္မွာ ခံစစ္ပိတ္ကစားဖို႔ကိုပဲ မျဖစ္မေန ေ႐ြးခ်ယ္ခဲ့ရၿပီး တိုက္စစ္မႉး နကီးတီးယားေနရာမွာ ဗဟိုခံစစ္သမား ဟိုးလ္ဒင္းကို ထည့္သြင္းသြားခဲ့တာပါ။ ဒီအခ်ိန္မွာ အသင္းရဲ႕ ကစားကြက္က ၅-၃-၁ ျဖစ္သြားခဲ့ၿပီး 3 Back ထက္ 5 Back နဲ႔ ပိုတူခဲ့သလို ခ်ိမ္းဘားစ္ေရာ တီယာနီတို႔ပါ ခံစစ္မွာပဲ အဖ်က္ကစားသြားခဲ့ၾကတာျဖစ္ပါတယ္။ ဒီ့အျပင္ ဆာကာနဲ႔ မာတီနယ္လီတို႔က ဘယ္ညာ ေတာင္ပံခံစစ္ကို အားျဖည့္ခဲ့ၾကၿပီး လာကာဇက္ကေတာ့ ဆမ္ဘီ လိုကြန္ဂါနဲ႔အတူ ခံစစ္တန္းေရွ႕က Covering ကစားသြားခဲ့ၾကခ်ိန္မွာ ကစားကြက္က ၇-၂-၀ လို႔ ဆိုရေအာင္ ေျပာင္းလဲသြားခဲ့ေပမယ့္ အန္းဖီးလ္မွာ ၁၀ ေယာက္တည္းနဲ႔ Clean Sheet ရွာေဖြႏိုင္ခဲ့တာကေတာ့ ေက်နပ္စရာပဲျဖစ္ခဲ့ပါတယ္။
အဆုံးသတ္ညံ့ဖ်င္းလြန္းတဲ့ အိမ္ရွင္
အာဆင္နယ္တို႔အေနနဲ႔ တစ္ေယာက္ေလ်ာနဲ႔ ခံစစ္ကစားေနခဲ့လို႔ ဂိုးေပါက္တစ္ႀကိမ္ပဲ တည့္ခဲ့တာကို ဘာမွ ေျပာစရာမရွိခဲ့ေပမယ့္ လီဗာပူးလ္တို႔ ကေတာ့ ၁၇ ႀကိမ္ကန္ၿပီး တစ္ႀကိမ္သာ ဂိုးေပါက္တည့္ခဲ့တာကေတာ့ ဆိုး႐ြားညံ့ဖ်င္းလြန္းတဲ့ တိုက္စစ္လို႔ပဲ ေဝဖန္ရေတာ့မွာျဖစ္ပါတယ္။ ပြဲခ်ိန္ မိနစ္ ၉၀ ျပည့္ေျမာက္တဲ့အထိ ဂိုးရမယ့္အလုံးကို ေထာင္ကန္ထည့္လိုက္တဲ့ ဂ်ပန္သား မီနာမီႏိုေၾကာင့္ ႏိုင္ပြဲနဲ႔ လြဲေခ်ာ္ခဲ့ရသလို အဲ့ဒီအခ်ိန္အထိ ၁၅ ႀကိမ္ ကန္သြင္းရာမွာ တစ္ႀကိမ္မွ ဂိုးေပါက္ မတည့္ခဲ့သလို နာက်င္အခ်ိန္ပို ၂ မိနစ္မွာမွ ကားတစ္ဂ်ဳံးစ္ရဲ႕ ကန္ခ်က္က ရမ္းစ္ေဒးလ္ရဲ႕ ဂိုးေပါက္ဆီကို သြားခဲ့လို႔ ပုတ္ထုတ္ခဲ့ရတာပါ။ ဆာလားနဲ႔ မာေနးနဲ႔ မပါလို႔ဆိုၿပီး ဆင္ေျခေပးႏိုင္ေပမယ့္ ဖာမီႏိုနဲ႔ ဂ်ိဳတာတို႔ကေရာ အ႐ုပ္ေတြလားလို႔ပဲ ေမးရမလိုျဖစ္ေနခဲ့ပါတယ္။
အန္းဖီးလ္မွာ စြာခဲ့ၾကတဲ့ ဧည့္သည္ပရိသတ္ေတြ
အာဆင္နယ္အသင္းရဲ႕ အဖိုးတန္ ဂိုးမရွိသေရပြဲမွာ အဓိကက်ခဲ့သူေတြကေတာ့ အန္းဖီးလ္ကို လိုက္ပါအားေပးခဲ့ၾကတဲ့ ဧည့္သည္ပရိသတ္ေတြပဲ ျဖစ္ပါတယ္။ ေျမာက္လန္ဒန္သားေတြအတြက္ ေအာ္ဟစ္အားေပးဖို႔ မပ်က္ကြက္ခဲ့သလို သူတို႔ကစားသမားေတြရဲ႕ ဖိအားေပးမႈေၾကာင့္ လီဗာပူးလ္ဘက္က ေဘာလုံးပ်က္တိုင္း ေအာ္ဟစ္ေလွာင္ေျပာင္ဖို႔လည္း မေမ့ခဲ့သူက ဂန္းနားပရိသတ္ေတြပဲျဖစ္ပါတယ္။ တစ္ေယာက္ေလ်ာ့နဲ႔ ကစားခဲ့ရတဲ့ အသင္းအတြက္ ေနာက္ကေန ရပ္တည္ေပးဖို႔ အဆင္သင့္ရွိေနခဲ့ၿပီး တိုက္ပြဲဝင္စိတ္ဓာတ္အတြက္ ကစားသမားေတြနဲ႔ ပရိသတ္ေတြ အျပန္အလွန္ မွီခိုခဲ့တဲ့ ကိုင္းကြၽန္းမွီ၊ ကြၽန္းကိုင္းမွီျဖစ္ခဲ့ၾကတာကေတာ့ ပီတိျဖစ္ဖို႔ေကာင္းခဲ့တာပါ။
REF: INTERNET SOURCES
PHOTOS CREDIT TO OWNERS
SPORTS A2Z.
