မန်ချက်စတာစီးတီးအသင်းအနေနဲ့ ဒီနေ့မှာ ဂိုးသမား အီဒါဆန်၊ ခံစစ်မှာ ဝေါ်လ်ကာ၊ ရူဘင် ဒီယက်စ်၊ ဂျွန်စတုန်းစ်နဲ့ ဂွါဒီယောလ်တို့ကို ကစားစေခဲ့ပြီး ကွင်းလယ်မှာတော့ ရီကို လူးဝစ္စ၊ မက်သီယူးစ် နူးနက်စ်နဲ့ ကိုဗာချစ်ချ်တို့ကို အထိုင်ချခဲ့သလို တိုက်စစ်မှာတော့ ဖိုဒန်၊ ဂရီးလစ်ရှ်နဲ့ ဟားလန်းတို့ကို ပွဲထုတ်လာခဲ့တာဖြစ်ပါတယ်။
ဧည့်သည် ယန်းဘွိုင်းစ်တို့ကတော့ ဂိုးသမား ရာစီယော့ပီ၊ ခံစစ်မှာ အာမင်ဒါ၊ ကာမာရာ၊ ဘင်နီတို၊ ယန်ကိုနဲ့ ဂါစီယာတို့ကို ခင်းကျင်းလာခဲ့သလို ကွင်းလယ်မှာတော့ နီယာဆေး၊ လော်ပါ၊ အီလီယာနဲ့ အူဂရီနစ်ချ်တို့ကို အသုံးပြုခဲ့ပြီး တိုက်စစ်မှာတော့ အစ်တန်တစ်ဦးတည်းကို တင်ကစားခဲ့တာပါ။
ပွဲစကတည်းက မန်စီးတီးတို့ ဖိကစားနေခဲ့ပြီး ရီကို လူးဝစ္စရဲ့ အနီးကပ် ကန်ချက်ကို ဂိုးစည်းပေါ်ကနေ ဘင်နီတိုက တားဆီးသွားခဲ့တာကြောင့် စောစောစီးစီး ဂိုးရခွင့်နဲ့ လွဲခဲ့ရသလို ကိုဗာချစ်ချ်ရဲ့ ခပ်ညံ့ညံ့ ဘောလုံးအထိန်းအသိမ်းကလည်း ဂိုးဖြစ်ရမယ့်အစား အတားဆီးခံခဲ့ရလို့ ခရိုအေးရှားသားက ဒီအသင်းရဲ့ အဆင့်ရော ဟုတ်ရဲ့လားလို့ ထွက်ခွာသွားတဲ့ ဂွန်ဒိုးဝမ်နဲ့ နှိုင်းယှဉ်ပြီး မေးခွန်းထုတ်စရာဖြစ်ခဲ့ရပါတယ်။
ပွဲချိန် ၂၃ မိနစ်မှာ မန်စီးတီးတို့ အဖွင့်ဂိုးရရှိသွားခဲ့ကြပြီး ဧရိယာနားမှာ ခပ်ကြမ်းကြမ်း တားဆီးနေခဲ့ကြတဲ့ ယန်းဘွိုင်းစ်ခံစစ်က ဒီတစ်ခါမှာတော့ မက်သီယူးစ် နူးနက်စ်ကို ဧရိယာထဲမှာ ခြေချိတ်မိခဲ့တာကြောင့် ပေးခဲ့ရတဲ့ ပင်နယ်တီကို ဟားလန်းကပဲ ပုံမှန်အတိုင်း တာဝန်ယူပြီး ဂိုးသမားကို လှည့်စား ကန်သွင်းနိုင်ခဲ့တာပါ။
နာကျင်အချိန်ပို ၁ မိနစ်မှာတော့ ဖိကစားနေတဲ့ မန်စီးတီးတို့ပဲ ဒုတိယ ဦးဆောင်ဂိုးကို သွင်းယူနိုင်ခဲ့ကြပြီး ဒီဂိုးကိုတော့ ကွင်းလယ်ကနေ ဘောလုံးရလာတဲ့ ဂရီးလစ်ရှ်က အကွက်မြင်မြင်နဲ့ ညာတောင်ပံကို ဖြန့်ပေးခဲ့ရာမှာ ဖိုဒန်က သူနဲ့ တစ်ယောက်ချင်း ရင်ဆိုင်နေရတဲ့ ဂါစီယာကို ကျော်ဖြတ်ပြီး ထောင့်ကျဉ်းအနေအထားကနေ အနိမ့်ဘော ကန်သွင်းခဲ့ရာမှာ မကန်လောက်ဘူး ထင်နေတဲ့ ဂိုးသမား အငိုက်မိခဲ့ရတာဖြစ်ပါတယ်။
ပထမပိုင်းမှာ မန်စီးတီးတို့ နှစ်ဂိုး-ဂိုးမရှိနဲ့ ဦးဆောင်နေခဲ့ကြပြီး ဒုတိယပိုင်းအစမှာတော့ ဂျွန်စတုန်းစ်အစား အာကေကို ထည့်သွင်းလာခဲ့သလို နူးနက်စ်ကတော့ ခြေစွမ်းပြနိုင်ခဲ့ပေမယ့် ယန်းဘွိုင်းစ်ဘက်က သူ့ကို ပစ်မှတ်ထားနေခဲ့ကြတာကြောင့် လုပ်ရကိုင်ရ ကျပ်နေခဲ့ချိန်မှာ ဘာနာဒို ဆေးလ်ဗား မပါဝင်ခဲ့တာကလည်း အိမ်ရှင်တွေ ကွင်းလယ်ကို စွမ်းဆောင်ရည် လျော့ကျစေခဲ့တာပါ။
ပွဲချိန် ၅၁ မိနစ်မှာတော့ မန်စီးတီးတို့ အနိုင်သေချာစေမယ့် တတိယဂိုးကို ရှာဖွေသွားနိုင်ခဲ့ကြသလို ဒီဂိုးကိုတော့ ညာတောင်ပံကနေ ရီကို လူးဝစ္စ ဆွဲယူလာပြီး အတွင်းကို ချိုးပေးရာမှာ ကိုဗာချစ်ချ်က မယူဘဲ ကာပေးခဲ့တဲ့ ဘောလုံးကို ဟားလန်းက ဆွဲယူပြီး ဧရိယာထိပ်ကနေ ညာဘက်ထောင့်ကို ချိုးပြီး အပြင်းကန်သွင်းယူနိုင်ခဲ့တာဖြစ်ပါတယ်။
ဒီနောက်မှာတော့ မန်စီးတီးတို့ဘက်က ဝေါ်လ်ကာအစား ကယ်လ်ဗင် ဖိလစ်၊ ဟားလန်းအစား အော်စကာ ဘော့ဘ်၊ ကိုဗာချစ်ချ်အစား ဒိုကူးတို့ကို ထည့်သွင်းပြီး အနားပေးသွားခဲ့တာကြောင့် ဂိုးထပ်မရတော့ဘဲ ပွဲချိန်အပြည့်မှာတော့ သုံးဂိုး-ဂိုးမရှိနဲ့ အနိုင်ရခဲ့သလို လေးပွဲကစား လေးပွဲအနိုင်နဲ့ အုပ်စု အဆင့်ကနေ အနည်းဆုံး ဒုတိယနေရာ အာမခံချက်နဲ့ တက်ရောက်သွားခဲ့ပြီဖြစ်ပါကြောင်းလည်း ဖော်ပြလိုက်ရပါတယ်။
REF: INTERNET SOURCES
PHOTOS CREDIT TO OWNERS
SPORTS A2Z.
ZAWGYI: မန္ခ်က္စတာစီးတီးအသင္းအေနနဲ႔ ဒီေန႔မွာ ဂိုးသမား အီဒါဆန္၊ ခံစစ္မွာ ေဝၚလ္ကာ၊ ႐ူဘင္ ဒီယက္စ္၊ ဂြၽန္စတုန္းစ္နဲ႔ ဂြါဒီေယာလ္တို႔ကို ကစားေစခဲ့ၿပီး ကြင္းလယ္မွာေတာ့ ရီကို လူးဝစၥ၊ မက္သီယူးစ္ ႏူးနက္စ္နဲ႔ ကိုဗာခ်စ္ခ်္တို႔ကို အထိုင္ခ်ခဲ့သလို တိုက္စစ္မွာေတာ့ ဖိုဒန္၊ ဂရီးလစ္ရွ္နဲ႔ ဟားလန္းတို႔ကို ပြဲထုတ္လာခဲ့တာျဖစ္ပါတယ္။
ဧည့္သည္ ယန္းဘြိဳင္းစ္တို႔ကေတာ့ ဂိုးသမား ရာစီေယာ့ပီ၊ ခံစစ္မွာ အာမင္ဒါ၊ ကာမာရာ၊ ဘင္နီတို၊ ယန္ကိုနဲ႔ ဂါစီယာတို႔ကို ခင္းက်င္းလာခဲ့သလို ကြင္းလယ္မွာေတာ့ နီယာေဆး၊ ေလာ္ပါ၊ အီလီယာနဲ႔ အူဂရီနစ္ခ်္တို႔ကို အသုံးျပဳခဲ့ၿပီး တိုက္စစ္မွာေတာ့ အစ္တန္တစ္ဦးတည္းကို တင္ကစားခဲ့တာပါ။
ပြဲစကတည္းက မန္စီးတီးတို႔ ဖိကစားေနခဲ့ၿပီး ရီကို လူးဝစၥရဲ႕ အနီးကပ္ ကန္ခ်က္ကို ဂိုးစည္းေပၚကေန ဘင္နီတိုက တားဆီးသြားခဲ့တာေၾကာင့္ ေစာေစာစီးစီး ဂိုးရခြင့္နဲ႔ လြဲခဲ့ရသလို ကိုဗာခ်စ္ခ်္ရဲ႕ ခပ္ညံ့ညံ့ ေဘာလုံးအထိန္းအသိမ္းကလည္း ဂိုးျဖစ္ရမယ့္အစား အတားဆီးခံခဲ့ရလို႔ ခ႐ိုေအးရွားသားက ဒီအသင္းရဲ႕ အဆင့္ေရာ ဟုတ္ရဲ႕လားလို႔ ထြက္ခြာသြားတဲ့ ဂြန္ဒိုးဝမ္နဲ႔ ႏႈိင္းယွဥ္ၿပီး ေမးခြန္းထုတ္စရာျဖစ္ခဲ့ရပါတယ္။
ပြဲခ်ိန္ ၂၃ မိနစ္မွာ မန္စီးတီးတို႔ အဖြင့္ဂိုးရရွိသြားခဲ့ၾကၿပီး ဧရိယာနားမွာ ခပ္ၾကမ္းၾကမ္း တားဆီးေနခဲ့ၾကတဲ့ ယန္းဘြိဳင္းစ္ခံစစ္က ဒီတစ္ခါမွာေတာ့ မက္သီယူးစ္ ႏူးနက္စ္ကို ဧရိယာထဲမွာ ေျခခ်ိတ္မိခဲ့တာေၾကာင့္ ေပးခဲ့ရတဲ့ ပင္နယ္တီကို ဟားလန္းကပဲ ပုံမွန္အတိုင္း တာဝန္ယူၿပီး ဂိုးသမားကို လွည့္စား ကန္သြင္းႏိုင္ခဲ့တာပါ။
နာက်င္အခ်ိန္ပို ၁ မိနစ္မွာေတာ့ ဖိကစားေနတဲ့ မန္စီးတီးတို႔ပဲ ဒုတိယ ဦးေဆာင္ဂိုးကို သြင္းယူႏိုင္ခဲ့ၾကၿပီး ဒီဂိုးကိုေတာ့ ကြင္းလယ္ကေန ေဘာလုံးရလာတဲ့ ဂရီးလစ္ရွ္က အကြက္ျမင္ျမင္နဲ႔ ညာေတာင္ပံကို ျဖန႔္ေပးခဲ့ရာမွာ ဖိုဒန္က သူနဲ႔ တစ္ေယာက္ခ်င္း ရင္ဆိုင္ေနရတဲ့ ဂါစီယာကို ေက်ာ္ျဖတ္ၿပီး ေထာင့္က်ဥ္းအေနအထားကေန အနိမ့္ေဘာ ကန္သြင္းခဲ့ရာမွာ မကန္ေလာက္ဘူး ထင္ေနတဲ့ ဂိုးသမား အငိုက္မိခဲ့ရတာျဖစ္ပါတယ္။
ပထမပိုင္းမွာ မန္စီးတီးတို႔ ႏွစ္ဂိုး-ဂိုးမရွိနဲ႔ ဦးေဆာင္ေနခဲ့ၾကၿပီး ဒုတိယပိုင္းအစမွာေတာ့ ဂြၽန္စတုန္းစ္အစား အာေကကို ထည့္သြင္းလာခဲ့သလို ႏူးနက္စ္ကေတာ့ ေျခစြမ္းျပႏိုင္ခဲ့ေပမယ့္ ယန္းဘြိဳင္းစ္ဘက္က သူ႔ကို ပစ္မွတ္ထားေနခဲ့ၾကတာေၾကာင့္ လုပ္ရကိုင္ရ က်ပ္ေနခဲ့ခ်ိန္မွာ ဘာနာဒို ေဆးလ္ဗား မပါဝင္ခဲ့တာကလည္း အိမ္ရွင္ေတြ ကြင္းလယ္ကို စြမ္းေဆာင္ရည္ ေလ်ာ့က်ေစခဲ့တာပါ။
ပြဲခ်ိန္ ၅၁ မိနစ္မွာေတာ့ မန္စီးတီးတို႔ အႏိုင္ေသခ်ာေစမယ့္ တတိယဂိုးကို ရွာေဖြသြားႏိုင္ခဲ့ၾကသလို ဒီဂိုးကိုေတာ့ ညာေတာင္ပံကေန ရီကို လူးဝစၥ ဆြဲယူလာၿပီး အတြင္းကို ခ်ိဳးေပးရာမွာ ကိုဗာခ်စ္ခ်္က မယူဘဲ ကာေပးခဲ့တဲ့ ေဘာလုံးကို ဟားလန္းက ဆြဲယူၿပီး ဧရိယာထိပ္ကေန ညာဘက္ေထာင့္ကို ခ်ိဳးၿပီး အျပင္းကန္သြင္းယူႏိုင္ခဲ့တာျဖစ္ပါတယ္။
ဒီေနာက္မွာေတာ့ မန္စီးတီးတို႔ဘက္က ေဝၚလ္ကာအစား ကယ္လ္ဗင္ ဖိလစ္၊ ဟားလန္းအစား ေအာ္စကာ ေဘာ့ဘ္၊ ကိုဗာခ်စ္ခ်္အစား ဒိုကူးတို႔ကို ထည့္သြင္းၿပီး အနားေပးသြားခဲ့တာေၾကာင့္ ဂိုးထပ္မရေတာ့ဘဲ ပြဲခ်ိန္အျပည့္မွာေတာ့ သုံးဂိုး-ဂိုးမရွိနဲ႔ အႏိုင္ရခဲ့သလို ေလးပြဲကစား ေလးပြဲအႏိုင္နဲ႔ အုပ္စု အဆင့္ကေန အနည္းဆုံး ဒုတိယေနရာ အာမခံခ်က္နဲ႔ တက္ေရာက္သြားခဲ့ၿပီျဖစ္ပါေၾကာင္းလည္း ေဖာ္ျပလိုက္ရပါတယ္။
REF: INTERNET SOURCES
PHOTOS CREDIT TO OWNERS
SPORTS A2Z.
